小儀絕配祖藍 桃花咀到傻

小儀絕配祖藍
桃花咀到傻

小儀和王祖藍在新劇中合作,兩人無論外形及身高都可謂絕配。

小儀和王祖藍在新劇中合作,兩人無論外形及身高都可謂絕配。

王祖藍和阮小儀在無綫劇集《情人眼裏高一 D》內,首度飾演情侶,二人分別有多場咀戲,小儀更說:「無端端呢期咀到儍咗!」

王祖藍與阮小儀早前在尖沙嘴為無綫新劇《情人眼裏高一 D》宣傳,談到二人終於飾演情侶,小儀笑說:「我覺得有啲遲,其實我見到王祖藍出現,已經覺得今次終於搵到一個夾嘅人。」

小儀晒命咀宗澤

最令小儀覺得意外,當然是連場咀戲,她笑說:「我最初以為講笑,試造型嗰陣佢哋話會咀,我仲話咀咪咀囉,嗰陣仲以為係搞笑咀,點之收劇本先知係認真咀先識得驚。以前從來都淨係俾森美咀,點知無端端呢期咀到儍咗,喺 TVB呢個零兩個月,已經咀咗 3個男人,最先係黃長興,跟住到王祖藍,最後到黃宗澤,真係唔同界別都試勻晒!」
小儀更晒命說:「黃宗澤話同我錫係滿足晒所有男人嘅願望,因為佢哋可以一手攬住我去錫,呢啲係大男人表現,佢自己都未試過。」
咀戲數量與小儀不相伯仲的祖藍,劇中對象統統是選美冠軍,艷福無邊的他更笑說:「如果我感情生活稱為沙漠,呢期可以話係海市蜃樓,不過只係假象。」

阮小儀在劇中跟黃宗澤咀嘴,她坦言感覺相當難忘。 劇照

阮小儀在劇中跟黃宗澤咀嘴,她坦言感覺相當難忘。 劇照

形象搞笑的王祖藍今次拍談情戲,更有機會和靚女苟芸慧咀嘴。 劇照

形象搞笑的王祖藍今次拍談情戲,更有機會和靚女苟芸慧咀嘴。 劇照

祖藍不停識女仔

提到目前的感情生活,祖藍說:「雖然我唔可以再容納由追完變朋友嘅女仔,不過我點都唔信一見鍾情,我堅持要由朋友做起,我真係好多謝獎門人(曾志偉),佢未停過介紹女仔畀我識,甚至連公司都有好多人話介紹畀我,所以我只係未拍拖啫,但都有識朋友,不過我家都想先做好工作。」
採訪:何慧斯 攝影:仇志德
場地提供:心餂

友荐云推荐

歡迎關注微信

微信
官方微信號:hkchannel

微博評論

返回頂部