尹佬頭七 米雪反常撇傳媒

米雪、梁漢文日夜忙開工
馮仁昭四圍超:尹佬骨灰安放志蓮淨苑

苹果日报

梁漢文(右一)喺舅父尹佬火化當日,朝早仲要綵排演唱會,又為張衞健(左二)慶祝生日。

梁漢文(右一)喺舅父尹佬火化當日,朝早仲要綵排演唱會,又為張衞健(左二)慶祝生日。

米雪嘅至愛尹志強上周二年初三病逝,為咗完成死者生前希望低調安排喪禮嘅遺願,尹佬嘅至親喺大前日年初七為尹佬低調搞咗個喪禮兼為遺體進行火化儀式。
尹佬家屬呢次搵咗紅磡增福壽殯儀館負責後事,據知過幾日殯儀館職員會去攞番尹佬嘅骨灰,暫放殯儀館供奉,有傳尹佬骨灰將安放志蓮淨苑。
尹佬遺體已化一縷輕煙,噚日仲係伊佬嘅頭七。佢嘅女友米雪同外甥梁漢文( Edmond)因為仍有工作在身,所以佢哋要火速收拾心情開工。

米雪喺尹佬病逝後仍堅持開工,佢噚日又要直踩 9粒鐘,深夜先收工。

米雪喺尹佬病逝後仍堅持開工,佢噚日又要直踩 9粒鐘,深夜先收工。

尹佬已經火化,骨灰日內可領取,有消息指會安放喺志蓮淨苑。資料圖片

尹佬已經火化,骨灰日內可領取,有消息指會安放喺志蓮淨苑。資料圖片

米雪直踩 9粒鐘

Edmond喺舅父遺體送去火化嗰朝早,仲要同 Big 4成員張衞健、許志安同蘇永康為演唱會進行地獄式綵排,咁啱嗰日又係張衞健牛一,眾兄弟除咗送上蛋糕仲唱埋生日歌。
Edmond全程戴住黑超遮掩傷痛神情,佢食完蛋糕就以家事為由提早走咗,事後大家先知佢原來趕住去火葬場。
張衞健、安仔同康仔大讚 Edmond處事成熟咗,安仔仲話:「我哋兄弟當然有慰問同鼓勵佢, Edmond喺情緒上處理得好好,任何時候見佢都好正面,冇影響到工作。」
米雪噚日繼續返無綫將軍澳電視廣播城趕拍新劇《女人最痛》,佢噚日嘅通告由下晝 3點拍到今日凌晨 12點半,要直踩 9粒鐘。

尹佬頭七 米雪反常撇傳媒

【明報專訊】尹志強本月16日因機能衰退逝世,紅顏知己的米雪大前日以未亡人身分,為尹佬遺體進行火化儀式後,大前晚已繼續拍攝新劇《女人最痛》。昨日是尹佬的「頭七」,向來與傳媒合作的米雪卻一反常態,原定下午3時有通告的她,下午3時多從寓所出發,她與助手到電視城,但車速時快時慢,似乎不想被傳媒追蹤。抵達電視城時,米雪的座駕突然加速駛入停車場,再由秘密通道直接進入錄影廠,化妝師更入廠為她化妝,她並無再露面。米雪的通告是凌晨12時半收工。

至於米雪離開寓所前,可有為尹佬「頭七」進行任何儀式,就不得而知了。

评论回复