《萬家燈火》戲裏戲外皆辛酸 童星林穎彤幼時行乞九個月

在亞視劇集《萬家燈火》中,馮寶寶慘被丈夫拋棄,遺下她與三個女兒相依為命,為不甘向命運低頭,在面對崎嶇惡路時,馮寶寶也勇往直前,含辛茹苦地把女兒養育成人。現實生活中,命途坎坷者多的是,但萬料不到《萬》劇中的情節,竟是飾演馮寶寶女兒的小演員林穎彤的一個活生生寫照。

九四年《天天日報》曾報道一名劉姓女子慘被丈夫拋棄,留下她與兩女兒相依為命,由於生活陷入困境,劉女不但沒錢交租,就連奶粉錢也沒有,在走投無路下,她惟有帶同一歲半幼女街頭行乞,而當年的小女孩,正是現年十歲,在亞視劇集《萬家燈火》中有份演出的小演員林穎彤。

《萬家燈火》戲裏戲外皆辛酸 童星林穎彤幼時行乞九個月

雖然有這段不愉快的往事,但小穎彤與她母親,亦即是當年被丈夫拋棄的劉姓女子,卻毫無保留地向記者細說往事,因為,林母希望給所有面對逆境的人士作為借鏡,無論路途如何崎嶇也不要放棄,而因為生活艱苦而變得早熟的小穎彤,除希望證明生活愈困苦,人愈堅強外,更希望向所有小朋友說句:「雖然屋企好窮,但我好幸福!」

曾想過自殺

日前,林母帶着小穎彤,回到當年兩母女行乞的葵芳地鐵站對出天橋,細說她與女兒九個月討飯吃的日子。林母說:「老公唔要我哋之後,我個心好亂,狽住細女喺街度漫無目的咁行,行到呢條天橋,忽然想跳落去死咗去就算,點知細女真係差啲跌落街,嚇到我死死吓,即刻唔敢再諗個死字。由於屋企冇晒錢,同親戚朋友已經借盡度盡,迫於無奈之下惟有攞個兜同細女喺天橋乞食,乞足九個月,後來街坊教我哋申請綜援,於是每個月就係靠嗰五千幾蚊綜援養大兩個女。」說話至此,林母已禁不住抱緊女兒熱淚盈眶。

雖然日子過得艱苦,但林母慶幸兩個女兒十分生性。林母說:「穎彤就算見到其他小朋友有着靚衫,有玩具玩,都唔會要我買,因為佢知道屋企環境唔好,佢見到我件衫爛咗都要繼續着,又見到我成日食豉油撈飯。佢六、七歲嗰陣見到人哋玩gameboy好羨慕,我問佢係咪想買,但佢反而同我講話千祈唔好買,真係好生性。

《萬家燈火》戲裏戲外皆辛酸 童星林穎彤幼時行乞九個月

《萬家燈火》戲裏戲外皆辛酸 童星林穎彤幼時行乞九個月

《萬家燈火》戲裏戲外皆辛酸 童星林穎彤幼時行乞九個月

表演慾強勁

「不過,穎彤自細好有表演慾,所以我寧願慳食慳者,留番少少錢畀佢學跳舞、學鋼琴,甚至有時佢喺學校表演,買件好啲嘅衫畀佢上台着。」
乖巧的穎彤,一直靜靜地坐在母親身旁,雖然她只有十歲,但當記者問她何以要做明星時,穎彤懂事地說:「我唔想屋企再攞綜援,我想搵多啲錢畀媽咪,改善生活,同埋買部鋼琴畀自己。」
原來去年穎彤向亞視自薦做節目,結果被選中參與《萬》劇演出,不過,當時亞視中人還不曉得穎彤身世,見她衣着光鮮,又學跳舞又學鋼琴,還以為她家境不俗。
穎彤說:「啲人見媽咪陪我開工,重以為佢係我嘅菲傭。當時我好想話畀人知佢係我媽咪,但媽咪話唔好喎!」在旁的林母搶着說:「我覺得冇所謂,我個樣係似菲傭吖嘛,個女知我係佢媽咪咪得囉!」

從不感自卑

儘管穎彤身世可憐,但她卻從不感到自卑或是怨天尤人,穎彤笑說:「雖然屋企好窮,但我唔怕俾人睇唔起,因為媽咪好錫我同家姐,我覺得好幸福,好多同學嘅媽咪都冇我媽咪咁錫啲仔女。」
穎彤如此生性,難怪令林母安慰不已:「我做呢個訪問,唔係想人同情我哋,而係想話畀人知,做人唔可以咁自私,死咗唔係一了百了,只要咬緊牙齦過到嗰一關,幸福嘅日子一定會來臨。」

採訪:戴彩煥 攝影:陳偉權

评论回复