黃宗澤忘形 累鄧麗欣破戒

黃宗澤(Bosco)向鄧麗欣(Stephy)忘形餵食,搞到對方「打爛齋缽」。雖與胡杏兒的戀情告終,Bosco似乎未有留下陰影,不排除再與圈內人墮愛河,果然「愈戰愈勇」﹗

Bosco與Stephy於新片《等•我愛你》內關係由起初的歡喜冤家,變成最終的親密愛人。大銀幕上晒恩愛之餘,鏡頭背後靚女更為拍檔「打破齋缽」,Bosco憶述起來也蠻不好意思﹕「嗰場戲原本係講我同佢去扒房撐枱腳,場務專登放碟素喺Stephy面前,因為知道佢唔食肉,但就唔記得咗劇情其實係交代我餵佢食嘢,我梗係切面前啲肉餵佢啦,因為連戲冇得郁,搞到每個take後Stephy都要即刻嘔番啲肉出嚟,真係辛苦晒。」

黃宗澤忘形 累鄧麗欣破戒
Bosco對感情事順其自然,又表示不介意再同圈內人拍拖。

先後三次合作,Bosco與Stephy默契漸見成熟,然今次「談情說愛」,二人卻非常的點到即止,就連Bosco也禁不住笑謂:「冇拖冇攬o架,關係大家意會啦。」

黃宗澤忘形 累鄧麗欣破戒
Stephy為與Bosco拍攝餵食戲而「打爛齋缽」。
黃宗澤忘形 累鄧麗欣破戒
與胡杏兒的戀情告終,Bosco坦言曾因此唔開心。
黃宗澤忘形 累鄧麗欣破戒
Bosco在影壇密密搵食,明年繼續拍賀歲片。

做足心理準備

銀幕上與Stephy出雙入對,銀幕下Bosco卻與胡杏兒的戀情告終,早前新聞一下子衝着Bosco而來,現在他氣定神閒的謂:「其實心裏面做足準備工夫嘞,唔開心梗係會,但都OK嘅。(再拍拖?)做吓嘢先啦,冇諗喎。」雖然舊情真人騷般被迫「公告天下」,但Bosco卻依然大無畏:「同圈外或者圈內人拍拖都各有利弊,總之感情事順其自然啦。」

繼續演賀歲片

近月Bosco於影壇密食當三番,先後低調完成了幾部電影,例如與金剛拍檔,拍了部戲匭如當年《咖喱辣椒》般的警匪片,他更首度擔演軍裝警察。而近日他更獲曾志偉「欽點」,於明年賀歲片內繼續擔綱演出。Bosco覺得影、視方面演出的滿足感其實可以說大有分別﹕「拍劇篇幅長少少,不過拍電影嘅自由度相對都大啲。(拍咁多咪豬籠入水?)乜呀?手停口停呀。」

黃宗澤忘形 累鄧麗欣破戒

文﹕影視組

髮型﹕Kel@HH IL Colpo

化妝﹕Cyrus Lee

服裝﹕Voulezous

友荐云推荐

歡迎關注微信

微信
官方微信號:hkchannel

微博評論

返回頂部