岑麗香宣布婚訊 香香嫁強強

32歲的岑麗香(香香)今日在Instagram大晒同男友強強的甜蜜照片,并宣布婚訊。早前有報道指香香已向無綫申請放大假、飛返溫哥華,同男友強強籌備婚禮,婚禮應於本月初舉行,不過只會簡單簽紙行禮,未有打算將婚禮大搞。

岑麗香宣布婚訊

岑麗香留言:「我好感恩終於可以同大家宣佈,上帝畀我搵到我嘅Mr.Right 喇!多年前我哋喺溫哥華因為工作關係而認識,但自此並冇聯繫⋯估唔到多年之後,喺朋友嘅介紹下,我哋再次遇上⋯強強 (Joshua) 由朋友變成我男朋友,而到今日,成為我未婚夫! 😁能夠同自己嘅心靈伴侶結婚,係一種幸福,我哋好期待踏上人生另一個階段,可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密,多謝觀眾同粉絲朋友們一直嘅支持同祝福!感謝傳媒朋友一路以來對我嘅關心同鼓勵,拍拖之後你哋都好照顧強強😘

大日子快到了,宜家忙於準備,請體諒我未必可以完全回覆到大家😊。好感謝大家😊你們的祝福我哋完全收到晒💪🏼😄! 主祝福你哋💛」

香香接受電話訪問時透露,強強於本年2月已求婚成功,坦言守著這秘密非常辛苦,感激身邊同事及好友為她封口。身在溫哥華的香香表示,選擇今天於網上宣布,是因為離大婚日子已經相當接近,而最近就忙於籌備婚禮。

评论已关闭