陳敏之赴峇里 舉行婚禮

現年35歲嘅索腿天后陳敏之後日喺峇里同拍拖10年嘅圈外男友雷偉信(William)舉行婚禮,前日上午8點幾,戴住黑超、一身便服look嘅敏之現身香港機場準備去峇里,不過未見William同行,原來William為咗避傳媒先刻意同敏之分開入閘。

敏之見到記者都覺得好愕然,但仍保持微笑,難掩快做人妻嘅喜悅,問起敏之係咪去峇里結婚,敏之笑住話:「計劃緊。」有咩賓客會去?敏之依然避忌回應:「遲啲話你聽,等我搞掂晒先。」咁敏之心情緊唔緊張呀?佢就話:「冇乜瞓過,o依家好眼瞓。」問男友求婚過程,佢都係一概避談。

前一晚會唔會好緊張瞓唔到呀?她笑言:「噚日去咗內地做嘢,執行李執到好夜。」咁為何不見新郎哥同行,敏之即尷尬說:「依家我自己去咋喎。」之後她表示家人都有同行,大概在峇里逗留數天,她入閘後便會跟母親會合,說罷跟送行的經理人道別後便匆匆入閘,記者再次恭喜,敏之笑著說多謝,並揮手道別。

據悉敏之後日將在峇里Conrad酒店內的小教堂舉行婚禮,由於該小教堂被視為當地最浪漫教堂之一,敏之與男友早在大半年前就要預訂。至於出席後日婚禮的好友包括伍詠薇、嚴淑明、梁烈唯夫婦,以及黃長興夫婦等。

陳敏之赴峇里行禮 緊張失眠

陳敏之赴峇里 舉行婚禮
笑得好甜

陳敏之赴峇里 舉行婚禮
返嚟就加入人妻行列啦

陳敏之赴峇里 舉行婚禮

陳與男友雷偉信
敏之與男友雷偉信

评论回复