陳瀅搶閨蜜劉佩玥「男友」 與賭王公子何猷亨約會

拍劇彈出,加上最近推出全裸寫真的「宅男女神」陳瀅,不但畀毒男捧到上天,原來連富二代兵仔都成為裙下之臣,最新中箭者竟然係陳瀅閨密劉佩玥的緋聞男友、賭王四太梁安琪大仔何猷亨。近日二人更被拍到於浪漫法國餐廳Amigo鋸扒撐枱腳,攝位成功!四太於福布斯香港富豪榜排36位,估計身家約132億,豪門面前,姊妹友情原來可以好脆弱!

嫁個有錢人邊個唔想?過氣港姐季軍劉佩玥,早前成功釣到四太仔猷亨,更有本事令猷亨半夜送甜蜜外賣探班。可惜有傳四太棒打鴛鴦。「豪門」被封,劉佩玥局住暫時落場休息。身邊好姊妹陳瀅於是乘機攝位,知情人說:「其實Jeannie(陳瀅)係阿Moon(劉佩玥)介紹畀猷亨識,猷亨疏遠阿Moon之後,Jeannie就對猷亨噓寒問暖,仲背住阿Moon約猷亨單獨見面。」嗲功加主動,陳瀅近日終攻陷猷亨。

上月中,陳瀅出席時裝騷,同場仲有陪四太的猷亨,雖然兩人坐到離行離列,但一到散場,兩人火速分頭到跑馬地談心飯堂Amigo繼續下半場。撐足兩粒鐘枱腳後,含春的陳瀅先笑吟吟拎住枝紅玫瑰花上車離開。

對於與何猷亨撐枱腳,陳瀅周一(12日)在電話中表示:「我哋係好朋友,嗰日一齊出席完活動,先至一齊食飯。(當時見到你揸住枝玫瑰,好冧咁樣噃!)其實係嗰間餐廳嘅一個Offer,每個女士都會有一枝玫瑰。(你同猷亨兩個撐枱腳,驚唔驚阿Moon嬲呀?)我哋係好朋友嚟,阿Moon唔會嬲嘅!」

據知,劉佩玥直至近日才得知陳瀅搶灘成功,為收復失地,劉佩玥每逢知道猷亨和陳瀅約會,都會向好姊妹提出三人行的奇怪要求,實行近距離監視。兩女為入豪門,各師各法,好姊妹情誼,看來凍過水!

陳瀅(右) 同劉佩玥(左)係好姊妹,不時會將合照放上微博,但為了富家子,姊妹都冇情講!
陳瀅(右) 同劉佩玥(左)係好姊妹,不時會將合照放上微博,但為了富家子,姊妹都冇情講!

陳瀅攝位約何猷亨撐枱腳

陳瀅攝位約何猷亨撐枱腳
猷亨紆尊降貴主動為陳瀅開車門,她落車一刻,不其然流露勝利笑容。

陳瀅攝位約何猷亨撐枱腳
在餐廳內談心兩粒鐘,出來時拎住枝玫瑰花的陳瀅不時回頭望,電到猷亨暈得一陣陣。

陳瀅攝位約何猷亨撐枱腳
二人食飽飽行街拍拖當娛樂,兩分鐘路程,二人竟然行足十分鐘,幾咁依依不捨!

陳瀅攝位約何猷亨撐枱腳

陳瀅攝位約何猷亨撐枱腳
猷亨要返屋企交人,無奈送陳瀅上車,但就不時擰轉頭望!

由於唔係無綫親生女,陳瀅做乜都冇枷鎖,早前推出全裸寫真,搞到一眾毒男中劇毒!
由於唔係無綫親生女,陳瀅做乜都冇枷鎖,早前推出全裸寫真,搞到一眾毒男中劇毒!

评论已关闭