錢嘉樂湯盈盈婚宴 星光熠熠

樂盈場內咀嘴照曝光
2012-11-16 00:10:40

樂盈今晚在洲際擺酒,場內氣氛熱鬧,一對新人亦在台上應要求再次咀嘴,而盈盈亦都換上火紅晚裝。

為二人牽紅線的曾志偉擔任正婚人,張學友就上台對住二人獻唱《妳的名字我的姓氏》及《每天愛妳多一些》送給一對新人。

錢嘉樂湯盈盈婚宴
兩人又再咀嘴
錢嘉樂湯盈盈婚宴
兄弟姊妹進場
錢嘉樂湯盈盈婚宴
金剛與小儀任司儀
錢嘉樂湯盈盈婚宴
盈盈換o左火紅晚裝,學友o係台上獻唱兩曲。

志偉學友到場賀樂盈
2012-11-15 19:54:55

近日堪稱「婚禮之星」o既曾志偉,去完晶剛婚禮,又去杜德偉o既婚禮,今日獎老錢嘉樂結婚,佢更加要o黎啦。

上次佢o係杜德偉個婚禮叻呀,飲完仲企得番起身,不過今晚就唔知會唔會醉爆o勒。另外小儀、張學友、嘉樂胞兄錢小豪一家、樂易玲同陳志雲等等,都已經到o左。

錢嘉樂湯盈盈婚宴
志偉今晚,唔知會唔會劈走劈到醉晒?
錢嘉樂湯盈盈婚宴
小儀呢身打扮,唔似去婚禮o番。
錢嘉樂湯盈盈婚宴
樂小姐,你見唔見到你前同事陳志雲呀?
錢嘉樂湯盈盈婚宴
唔知陳志雲見到樂小姐,會唔會傾番2句呢?
錢嘉樂湯盈盈婚宴
錢小豪一家到場
錢嘉樂湯盈盈婚宴
三哥同三嫂都一身西裝服到賀
錢嘉樂湯盈盈婚宴
錢國偉同女友陳苑蔚孖住到場
錢嘉樂湯盈盈婚宴
學友一到場,受到大批傳媒追訪。
錢嘉樂湯盈盈婚宴
方大申著件粉紅西裝到場

錢小豪暗示盈盈懷男胎
2012-11-15 20:09:07

嘉樂o既哥哥錢小豪一家三口到賀,囝囝小MJ還即席表演moon walk,十分可愛,小豪透露封現金做人情,仲笑話:「而家放下心頭大石,盈盈有喜可以幫輕o下。」

問身為大伯有咩訓話?佢話:「互相遷就,包容對方。」佢仲同嘉樂講:「出年蛇年快o的帶個表弟畀我個仔。」似乎暗示盈盈肚裡面o既,係仔喎!不過佢似乎搞亂o左「表」同「堂」,盈盈生o既,係「堂」弟o黎o架!

錢嘉樂湯盈盈婚宴
錢小豪似乎暗示盈盈陀o既係仔。
錢嘉樂湯盈盈婚宴
小MJ表演moon walk,似模似樣。

祖藍亞男 高低腳賀嘉樂
2012-11-15 20:36:57

晚上七點幾,賓客陸陸續續到場,好多都係一pair pair咁,鬼咁溫馨。

其中身為兄弟o既王祖藍,就十指緊扣拖實女友李亞男到場,雖然李亞男已經醒目咁揀o左對平底鞋,只不過兩人o既高度依然有一段距離。另一邊廂有方中信拖住老婆莫可欣到場,只見久違o既可欣有少少發福。

另外,歐陽震華、雪梨、呂慧儀、馬德鐘等都係帶同另一半出席。

錢嘉樂湯盈盈婚宴
好耐冇見o既莫可欣,有少少發福
錢嘉樂湯盈盈婚宴
歐陽震華夫婦
錢嘉樂湯盈盈婚宴
錢嘉樂湯盈盈婚宴
雪梨夫婦
錢嘉樂湯盈盈婚宴
呂慧儀同老公黄文迪
錢嘉樂湯盈盈婚宴
馬德鐘同老婆

詩詠邦邦 前後腳到場
2012-11-15 20:55:19

最近唐詩詠又俾我o地影到同崔建邦一齊,但呢對癡男怨女求先都有一齊去賀嘉樂盈盈,但就煞有介事前後腳進場。

最搞笑係唐詩詠要借人夫吳家樂過橋,仲要夾硬蹺住人o地隻手。佢o地入到去,咪又坐埋一齊。而今日好多TVB藝員都有到場,會唔會仲齊人過春茗?

錢嘉樂湯盈盈婚宴
麥包單拖到場
錢嘉樂湯盈盈婚宴
「阿媽」黃淑儀著靚靚到賀
錢嘉樂湯盈盈婚宴
白茵
錢嘉樂湯盈盈婚宴
曾華倩
錢嘉樂湯盈盈婚宴
古明華依然係「蘇基」look,同蘇玉華一齊入場
錢嘉樂湯盈盈婚宴
欲蓋彌彰,係冇用o既!
錢嘉樂湯盈盈婚宴
汪明荃都悉心打扮
錢嘉樂湯盈盈婚宴
崔建邦唔同 詩詠一齊入,入到去又會唔會一齊同新人影相呢?
錢嘉樂湯盈盈婚宴
郭政鴻
錢嘉樂湯盈盈婚宴
陳錦鴻同張兆輝等

成龍洪金寶到賀
2012-11-15 21:09:41

嘉樂仔人緣極好,而且自細o係電影圈度打滾,又係龍虎武師出身,好多武打巨星都o黎畀面到賀,成龍今晚孖元彪、洪金寶同老婆、元華夫婦、李家鼎同導演王晶等,都o黎賀呢位後輩。

錢嘉樂湯盈盈婚宴
成龍同元彪齊齊玩身
錢嘉樂湯盈盈婚宴
洪金寶一到場就指手劃腳,動作多多。
錢嘉樂湯盈盈婚宴
李家鼎
錢嘉樂湯盈盈婚宴
王晶
錢嘉樂湯盈盈婚宴
元華夫婦

城城駕跑車到場
2012-11-15 21:29:25

錢嘉樂所成立o既錢家班,幫唔小電影任武指,最新就幫郭富城套《寒戰》做武指,今日城城坐跑車到場,有份拍o既林家棟都有o黎。

而今日伊健做兄弟,女友蒙家慧就單拖出席,草猛同林珊珊,仲有梁漢文都有o黎。

錢嘉樂湯盈盈婚宴
城城駕著跑車到場
錢嘉樂湯盈盈婚宴
梁漢文
錢嘉樂湯盈盈婚宴
草蜢同林珊珊
錢嘉樂湯盈盈婚宴
男友一早o係入面,蒙嘉慧就自己o黎
錢嘉樂湯盈盈婚宴
林家棟
錢嘉樂湯盈盈婚宴
城城的跑車車牌是\\\”AARON\\\”

香香睇完音樂會遲到
2012-11-15 22:18:47

與錢嘉樂傳過緋聞的岑麗香,今晚約十時與苟芸慧欣賞完音樂會,即趕赴宴婚,香香到場話:「一早收到帖,係女家請,唔會尷尬,大家知係無o野,祝BB肥肥白白,健健康康。」

錢嘉樂湯盈盈婚宴
香香,苟姑娘同唯唯齊齊進場

劉小慧邱淑貞 兩個大肚婆賀樂盈
2012-11-16 00:05:34

盈盈大住肚結婚,都有賓客大住肚o黎賀佢同嘉樂。蘇志威老婆劉小慧,今日著住件綠色大肚裙到場,佢帶住囡囡入場,而老公蘇志威就孖住草蜢入場。

而邱淑貞就同老公沈嘉偉一齊到o既,沈嘉偉同嘉樂一向好朋友,而今日豆斗就著住成身黑o既鬆身衫o黎,似乎繼續努力追仔。

劉小慧著平底鞋護肚
劉小慧著平底鞋護肚
邱淑貞著到咁,孕味十足。
邱淑貞著到咁,孕味十足。

樂盈切蛋糕 BB性別揭曉
2012-11-15 23:11:21

樂樂盈盈今晚用用切蛋糕儀式去揭曉肚裡面o既BB o既性別,切開係士多啤梨就女仔,朱古力就男仔,結果今晚佢o地切o既,係士多啤梨,女o黎o架!!!

恭喜晒樂樂盈盈!

盈盈樂樂切出士多啤梨蛋糕,揭腹中懷的是女兒。
盈盈陀o既,係女o黎o既!

頁數: 1 2

友荐云推荐

歡迎關注微信

微信
官方微信號:hkchannel

微博評論

返回頂部