樂瞳、蔣家旻、林秀怡、沈愛琳專訪

樂瞳被排擠匿廁所喪喊

無綫藝員樂瞳最近憑學生妹一角攻陷宅男心,成為新任「宅男女神」,在劇中蝦蝦霸霸的她,求學時反而是受害者,更曾因被圍攻狂鬧而匿在廁所喊!

最近「升呢」新任「宅男女神」的樂瞳,在劇集《點解阿Sir係阿Sir》中惡死又巴辣,經常對同學蔣家旻、林秀怡及沈愛琳呼呼喝喝,日前她們相約到公園玩,樂瞳即被三女圍攻報復,場面搞笑!

絕不出賣身體
四人在劇中飾演奀皮學生,當中以樂瞳演的鍾家寶(中女)最惡,經常瞪眼兇人,她直言角色與其真實個性截然不同,所以極具挑戰性:「之前多數做文靜角色,今次難得可以咁放,不過睇番都覺得有少少Over咗!(驚嚇親Fans?)唔會,佢哋知我唔係咁!」

回想求學時期,她不但沒有欺負同學,反而曾被排擠狂鬧:「有次為咗件無聊事畀同學狂鬧,我唔開心到匿埋喺廁所喊,不過好快又冇事,女仔真係善變。」她在劇中為買名牌袋而援交,現實中的她卻非常保守:「我唔追求名牌,所以唔會出賣自己身體!」

至於文靜的沈愛琳同樣曾被欺負,但加入消防局訓練營後扭轉厄運:「我哋一齊練體能,最後我攞到金斧頭,係最叻嗰個,蝦我嘅人即刻對我改觀。」而蔣家旻自言最曳只是魂遊太虛:「同學會打交同互相整蠱,我只會喺側邊睇,但都試過畀人掟粉刷!」活潑的林秀怡則自爆會無端端對着老師唱歌:「我好多嘢講,好在老師錫我!」

文:立影 攝:劉智源

在劇中巴辣又惡死的樂瞳,不擔心嚇走粉絲。

在劇中巴辣又惡死的樂瞳,不擔心嚇走粉絲。

樂瞳(左)突然「中女」上身發惡,嚇窒三位同學仔

樂瞳(左)突然「中女」上身發惡,嚇窒三位同學仔蔣家旻、林秀怡與沈愛琳。

蔣家旻(上)、林秀怡(左)與沈愛琳(右)圍攻樂瞳,實行大報復!

蔣家旻(上)、林秀怡(左)與沈愛琳(右)圍攻樂瞳,實行大報復!

樂瞳唔買名牌拒援交

無綫新網絡女神樂瞳日前與「同學」蔣家旻、林秀怡及沈愛琳重聚,眾女細數求學趣事,樂瞳自認乖學生,堅拒像角色一樣為錢做援交!

樂瞳表示與角色完全不同,未試過欺負同學,反而曾被排擠。
樂瞳、蔣家旻、林秀怡及沈愛琳在劇集《點解阿Sir係阿Sir》中扮演曳學生,四女的學生妹造型深受宅男喜愛,當中戲份最多的樂瞳更彈出成為新網絡女神!

唔怕粉絲走

提到求學時的難忘事,她們異口同聲表示並非奀皮一族,斯文的樂瞳更與惡女角色鍾家寶(中女)完全相反,當年更是被圍攻的對象:「有個學期我係咁畀同學鬧,我驚到匿埋廁所喊,佢哋仲鬧緊!(為咗咩事?)唔記得喇!都係啲無聊事,不過之後又Friend番,女仔係咁善變。」

劇中樂瞳為買名牌袋不惜做援交,但她表示絕不認同:「我冇乜購物欲,一定唔會為咗買名牌出賣自己身體!」問她會否擔心巴辣角色嚇走fans?樂瞳淡定說:「唔會,佢哋知道我真人唔係咁,之前都係做啲文靜角色,今次難得咁放,我出盡力咁演,不過睇番都覺得有啲Over!」

樂瞳(中)在劇中蝦蝦霸霸,終被蔣家旻(上排)、林秀怡(左一)及沈愛琳夾攻「報復」!

樂瞳(中)在劇中蝦蝦霸霸,終被蔣家旻(上排)、林秀怡(左一)及沈愛琳夾攻「報復」!

活潑的林秀怡(左)不時整蠱老師,蔣家旻則經常上堂發夢。

活潑的林秀怡(左)不時整蠱老師,蔣家旻則經常上堂發夢。

蔣家旻(左起)、林秀怡、沈愛琳及樂瞳見面即雞啄唔斷。

蔣家旻(左起)、林秀怡、沈愛琳及樂瞳見面即雞啄唔斷。

家旻愛夢遊

蔣家旻表示求學時見識到不少同學的「惡行」,但自己只是旁觀分子,最曳只是上堂夢遊,但亦不時被「掟粉刷」,認真慘情!至於沈愛琳也經常被欺負,但加入消防局的訓練營後即令「肆虐者」改觀:「我哋要一齊訓練體力,最後我攞到金斧頭,佢哋就唔敢再蝦我。」個性活潑的秀怡當年已是班中的開心果,並承認曾整蠱老師:「我會突然對住老師唱歌,搞到佢哋O晒嘴,但都好錫我架!」

评论回复