台灣組合拍TVB節目《Circus香港大爆走》

早前通訊事務管理局公佈今年初公眾對兩間免費電視台節目嘅意見,有人批評無綫成日播埋啲鼓吹奢華嘅生活方式,無綫亦從善如流,最近請咗台灣男子組合Circus嚟香港拍《Circus香港大爆走》,畀一萬蚊港幣佢哋留喺香港十幾日,聽落好似幾多錢,但原來係包埋機票,所以佢哋喺拍攝期間都要搵外快賺啲車馬費,試過喺街頭做出氣袋,每俾人打一次賺三十蚊,仲要住喺板間房,都幾陰功豬。

台灣組合Circus
■台灣組合Circus出名鍾意作瘋狂嘗試,今次攞住一萬蚊嚟香港玩十幾日,體驗一吓民間疾苦。

體驗香港生活

個節目喺嚟緊星期六J2台首播,之後就每逢周日播映,噚日Circus三位成員廖人帥(Leo)、黃尹宣(Eason)同埋林柏昇(Kid)去咗旺角街頭宣傳,去得旺角,閒閒哋都有幾百人圍觀,場面墟冚!佢哋仲即場搵咗幾位粉絲玩鬥快飲汽水同扑儍瓜遊戲,之後又同街頭藝人一齊jam歌,同香港人打成一片。佢哋話拍攝期間嚐盡苦頭,阿Kid話:「我們試過去吃牛鞭,食完嘔,又有老闆要求我們一次過喝三十支汽水,成功便賺到二千元,可惜失敗了。想不到香港是國際化的大都市,還以為大家都有錢又開心,深入了解之後,才感受到香港人的辛苦。」原來一早有無綫高層向佢哋透露香港人近幾年好唔開心,生活壓力大,廖人帥話:「希望我們用年輕人的角度帶給大家歡樂,也可以讓大家發洩一下。」

Circus向來都好鍾意作瘋狂嘗試,之前亦有人疑抄襲佢哋嘅遊戲,黃尹宣話:「如果真的是我們的榮幸,也激發我們想更猛的遊戲,不過我們所有內容都是自己製作,跟其他節目不一樣,希望大家感受到我們的努力與熱情。」

台灣組合Circus
■Circus試過做街頭出氣袋賺錢,粉絲玩吹氣鎚仔扑佢哋,當然屬小兒科。

廖人帥(中)被牛鞭纏頸,林柏昇(左)同黃尹宣表示食完即嘔。
廖人帥(中)被牛鞭纏頸,林柏昇(左)同黃尹宣表示食完即嘔。

台灣組合Circus
■Circus早前仲去咗澳門旅遊塔挑戰百步登天。

友荐云推荐

歡迎關注微信

微信
官方微信號:hkchannel

微博評論

返回頂部