《太監五虎》巡禮拍攝 曹永廉蕭正楠玩斷背

舊年播嘅《大太監》口碑算唔錯,今年無綫節目巡禮由原班人馬拍攝《太監五虎》,今日黎耀祥、胡定欣、蕭正楠、陳國邦同黃浩然去到錦田取景,故事由慈禧駕崩後開始,佢哋走出皇宮發現清朝遺留嘅大寶藏,於是化身馬賊、西裝大賊同國民黨黨員兼警察去奪寶,仲有連場動作場面。

49歲嘅祥仔寶刀未老,同着背心露胸肌嘅黃浩然都有吊威吔鏡頭,祥仔喺草地走嚟走去,大汗叠細汗,身手靈活。有人提議祥仔食住條水拍動作戲,佢耍手擰頭話:「嘩,我驚食得唔長遠喎,食兩日就退休喇!我年紀大,今日咪當做桑拿減肥,返去實瘦兩磅。」

曹永廉同蕭正楠最舒服,簡簡單單拍一場斷背戲。唯一女將胡定欣就要騎馬上陣,佢話以前有學過,但人大咗細膽咗。熱身一輪後,定欣話:「好好玩,上一集講我係死咗,唔知將來個故事會點安排。」



馬上英姿

定欣個造型好英喎!
《太監五虎》巡禮拍攝 曹永廉蕭正楠玩斷背
蕭正楠同曹永廉斷背!?

黃浩然同祥仔做對手戲

雖然祥仔49歲

但身手都幾好

黃浩然好大隻呀!


陳國邦條紅底好搶眼

评论回复