FACE週刊 第245期

調轉槍頭

拍王維基港版《鬼眼》　黄日華父女檔反 TVB

2012年02月01日

「城電魔童」王維基的電視台革命，最近看似平靜，但其實已經暗中火熱籌備。
雖然最快要年尾先開到台，但據知王維基於三月便開始拍劇，而開台重頭劇鎖定內容類似荷里活經典《鬼眼》的另類鬼故，男主角則係曾經鬧爆無綫的黃日華，華哥今次仲出動埋 21歲寶貝女黃芷晴，實行父女檔孖住反擊無綫。
故事偏門加埋另類主角，王維基今鋪都算兵行險着。

21歲女黃芷晴

黃日華貴為第一代師奶殺手，有佢師奶客實撐，再加埋佢個女首度拍劇，咁有話題性，收視有保證。華哥經常回國內拍劇，但一有時間即會陪女，父女感情甚好。

黄日華 21歲乖女 黄芷晴，一度有理大校花之稱，現讀應用社會科學系 Yr.4。阿爸撈得耐人面廣， 黄芷晴要入行根本冇難度，何況 黄芷晴亦一直恨入娛樂圈。

低頭迴避
月初黃芷晴同媽咪梁潔華外出做 facial，由於未習慣有記者採訪，所以全桯低頭不作任何回應。

阿媽遮面
媽咪梁潔華諗住帶愛女黃芷晴去做 facial，其間遇到記者影相，即時用手幫愛女遮面。

微博兜搭

王維基撬人有誠意，黃日華喺微博話有興趣，王維基第一時間話飛去雲南探佢。

8月開工

黃日華 2010年回巢無綫拍《刑警》，但不被無綫重視、宣傳欠奉，攪到華哥喺微博開火炮轟。

能夠令華哥開綠燈畀自己個女拍劇，除咗城市電訊老闆王維基夠誠意外，劇本正亦係主因。據知今次劇本由前無綫《怒火街頭》 1、 2集金牌編審劉彩雲操刀，內容以荷里活經典鬼片《鬼眼》做藍本，故事以懸疑加親情為主，除黃日華父女外，女主角則暫定廖碧兒。老闆王維基極緊張頭炮作品，更視為開台代表作，所以原定三月開拍，現推遲到 8月先開機，務求將劇本刨到最靚。

黃芷晴 8月先開工，但據知現已開始上堂學做戲，亦積極操 fit自己。本刊月初發現黃芷晴同媽咪梁潔華出街，對於入行幫王維基一事，黃芷晴三緘其口，全程低頭不作回應，而 黄母梁潔華則說：「你哋邊度聽返嚟呀（入行拍劇）？佢仲讀緊書喎！你哋都係問番佢老豆啦！」至於黃日華截稿前仍未覆。

十月開台

王維基申請的免費電視牌照，仍未正式獲得政府批核，不過已開始埋班，據聞暫定會有 8套劇開工，除咗港版《鬼眼》外，暫時已知尚有由組合 Soler擔正，關於音樂嘅劇集，最快 3月會開工。雖然廠房未建成，不過所有劇都會以實景拍攝，所以廠房問題不大，而 2月尾更會有發布會， 10月正式開台。

擔正女角
有報道指廖碧兒人財兩失，但其實 嚟緊會返大陸拍兩套劇，之後回港為王維基開工。

二幫關楚耀
據聞關楚耀亦會 喺劇中擔任第二男主角，同黃日華、廖碧兒有不少對手戲。

Soler拍音樂劇
近年 喺國內發展 嘅 Soler， 喺香港多為港台拍節目，但據聞已得到王維基邀請，拍攝一套關於音樂 嘅劇集。

解構《鬼眼》新劇

王維基呢套新劇，以鬼故為主題，黃日華父女為主角，廖碧兒同黃日華、關楚耀有感情線，劇本在構思當中，據知會以黃日華為主，當中包括幾個單元鬼故事，以父女情為重心。廖碧兒表示：「係有傾過，不過我都未知，要拍埋我喺大陸兩套劇先再睇。」

金牌編審劉彩雲

黃芷晴雖然未入行，但對於娛樂圈一 啲都唔抗拒，本身係棒棒堂王子 嘅粉絲， 09年在棒棒堂演唱會被王子搭住 喺台上繞場一週。

六億搶人

王維基重金邀請無 綫台前幕後，上年聖誕聯歡，一班同無 綫仍然有約 嘅編導、編審，不避嫌出席，更同王維基大合照。

自去年 8月王維基搞電視牌後，自稱動用六億向無綫撬人，實行用銀彈攻勢插正面臨內憂外患的無綫一刀。

張可頤 14萬一集豪撬

效力無綫 17年，去年底正式約滿並不再續約無綫嘅張可頤，已落實簽約王維基。有傳王維基以每集 14萬港幣撬走 Maggie，足足係無綫 7倍價錢，而 Maggie現正於橫店拍攝大陸劇《女相》。

姜文杰自由過檔

姜大偉兒子姜文杰亦係被傳會過檔的其中一個，佢表示：「我唔算係 TVB嘅 artist，亦冇任何約 喺身，我哋（同胞妹姜麗文）係獨立組合，去邊都無所謂，但一定會為妹妹好，我先會做。」

林文龍講金唔講心

去年 9月講過無綫孤寒不是秘密的林文龍，當時稱如遇到好劇本、好價錢唔排除會返娘家拍劇嘅佢，現已決定過檔出手闊綽的城市電訊。

艾威 3月開工

無綫綠葉王艾威已簽約王維基，並將於 3月接拍新劇，艾威表示：「我喺TVB個約已經滿咗，我簽咗王維基兩年， 3月可以開工，但家仲未知會拍咩劇。」