《名媛望族》三太江美儀 TVB威力大好多

FACE週刊 第284期

上週在《名媛望族》中, 41歲江美儀演的三姨太角色,以黑絲襪自摸情挑劉松仁,雖然重口味,但網民睇到拍爛手掌。
好戲多人讚,其實入行 15年的江美儀,本來在亞視屬花旦, 09年過檔無 綫卻屈居女配角,以為見慣風浪的她對於三太一角手到拿來,但實情係自摸場口連自己都覺超尷尬,不過江美儀仍然堅持做好配角身份:「如果演得好,配角都可以搶過主角。」

入行 15年,《名媛》係我演戲生涯中第一次咁激,又自摸、又姊弟戀,同吳卓羲、馬國明都有對手戲。不過我要重申一點,唔係江美儀食吳卓羲,係劇中三太同木水(吳卓羲飾)角色,要講清楚,因為嗰日播完同卓羲拍 嘅咀戲,我已經被卓羲粉絲鬧喇,不過都係一件好事,我要恭喜卓羲,因為有一班粉絲錫佢。拍黑絲襪情挑劉松仁嗰一場,我冇諗過播出後反應會咁大,我當時最擔心係跳舞,因為我跳舞唔叻,所以特登自己畀錢去學。

叫江美儀即席扮《名媛》中三太的神情,食緊個包都可以即刻上身,真係出神入化。
叫江美儀即席扮《名媛》中三太的神情,食緊個包都可以即刻上身,真係出神入化。

《名媛》呢一幕江美儀黑絲襪情挑劉松仁,網民邊話重口味邊讚正
《名媛》呢一幕江美儀黑絲襪情挑劉松仁,網民邊話重口味邊讚正,「我自己都未睇,網民唔嫌我老咩?真係冇諗過咁大回響。」

模特兒出身的江美儀與周潤發拍洗頭水廣告入行。 23歲時江美儀同現時分別唔大,防腐原因係保持心情開朗,謝絕整容
模特兒出身的江美儀與周潤發拍洗頭水廣告入行。 23歲時江美儀同現時分別唔大,防腐原因係保持心情開朗,謝絕整容。

我做戲唔係睇主角定配角,如果發揮得好,有時一句對白都可以搶到出嚟,好似我做《桃姐》(老人院院友之女)都有好多人記得我。我 09年由亞視過嚟無 綫,以前都做過《肥貓正傳 II》女主角,嚟到無綫我冇諗自己係咩位。我覺得 TVB威力大好多,出街都會有人叫你個名,不過人與人之間親密度亞視會多 啲,相對唔係咁多人,所以我同萬綺雯同陳煒都好好朋友,間唔時會出嚟食飯聯絡感情。

如果要話我做唔到女主角,只係因為無 綫人勁,證明自己未夠叻,仲有進步空間,倘真係有能力做到,自然有人會畀個位你。

江美儀《肥貓正傳 II》,與鄭則仕和三哥苗僑偉合演
喺亞視做開女主角,最多人識係《肥貓正傳 II》,與鄭則仕和三哥苗僑偉合演。江美儀過檔 TVB卻要做女配角,她說只計發揮,不計排名。

江美儀同吳君如細佬吳君祥(左)拍拖七年,一齊開音樂製作公司,旗下藝人有龍小菌
同吳君如細佬吳君祥(左)拍拖七年,一齊開音樂製作公司,旗下藝人有龍小菌,冬叔冬嬸已經視江美儀為一家人,仲會一齊去旅行。《蘋果日報》圖片


本文鏈接:《名媛望族》三太江美儀 TVB威力大好多

评论回复