唔恨靚仔 傅嘉莉

FACE週刊 第284期

一向做開女模的傅嘉莉(Kelly),最近忽然殺入電視台做新小花,女模轉型,只因她跟劉青雲拍電影《追兇》時,劉影帝一句:「想練演技,一定要拍劇。」

入大台頭炮便是孖住吳卓羲拍《衝上雲霄2》,索女遇上溝女王,自然會傳緋聞,不過傅嘉莉一句:「靚仔我見得太多!」羲哥都係轉移目標算啦!

雖然出身模界,但傅嘉莉拒絕一世做花瓶,現時27歲的 Kelly毅然加入 TVB博轉型。「有次casting見到梁家樹(戲劇部總監),佢問我有冇興趣入無綫拍劇,我覺得如果仲要行落去,拍劇係一個好好嘅機會去練演技,而且劉青雲之前同我講,話如果想練好演技,一定要拍劇,咁我咪試吓囉!」

傅嘉莉

傅嘉莉

傅嘉莉

傅嘉莉

傅嘉莉

傅嘉莉

Profile:
年齡: 27
身高: 170cm
三圍: 34、 24、 34
最愛韓星:李孝利
最愛電影:《無間道》

緋聞唔怕傳

在《衝 2》與吳卓羲有感情線,羲哥一向溝女有一手,遇見新小花,好難唔出事,不過現在冇拍拖嘅傅嘉莉就斬釘話:「之前去三亞拍劇,我要着比堅尼,拍到成身沙,佢(吳卓羲)好心幫我整走佢,點知咁都傳緋聞,但我唔會因為怕傳緋聞而同任何人有距離,都係做 嘢啫。同埋之前拍電影同過好多靚仔合作,靚仔我見得太多。」咁羲哥靚唔靚仔先?

傅嘉莉吳卓羲

《衝上雲霄 2》
雖然 Kelly同吳卓羲唔過電,但卓羲都有教 Kelly做戲,更叫佢改懶音。早前三亞拍外景時, Kelly身上有沙,卓羲細心幫佢抹沙,鬼咁殷勤!
《忽然 1周》圖片


本文鏈接:唔恨靚仔 傅嘉莉

评论回复