直選女神 朱千雪

FACE週刊 第285期

要贏得網友封做女神,講到尾其實都係觀眾緣。朱千雪貴為應屆港姐季軍,如果無綫港姐決賽當晚唔係冧 server,朱千雪應該係首位民選港姐冠軍。事後有無數網民要求無綫畀番個港姐冠軍名分佢,有人為佢不值,總好過名不符實。

有民意支持嘅女神,同有真普選產生嘅特首一樣,分外矜貴!

朱千雪

朱千雪

24歲朱千雪在加拿大讀完大學回流,未入行前在當地做過一年 marketing,第二份工就係港姐。今年無綫玩民意網上直選港姐,最後卻發生冧 server事件,朱千雪由第一變第三,失落后冠卻贏盡民望:「多謝大家支持,知道名次之後已經冇諗過冇冧 server會點,o依家更加唔會諗。我希望趁大家忘記我之前,有其他工作做令大家記得我。」

Profile

朱千雪
朱千雪(右)失落港姐后冠,敗給張名雅(中)。其實佘詩曼當年亦並非冠軍銜頭,證明喺 TVB發展,後勁最緊要。

年齡: 24歲
身高: 169cm
體重: 109磅
三圍: 33-24-34
學歷: Simon Fraser University Vancouver( Business and Communications)
最迷歌手: Lady Gaga
最愛港星:鍾楚紅

反勝一仗

朱千雪得民心,無綫亦極速安排她擔任《勁歌金曲》主持。擁有八級鋼琴底的她,計出鏡率總算贏番冠軍張名雅一仗。「今次係監製(麥鎮東)搵我嘅,佢話我笑容好喎,其實我都好緊張㗎,不過我希望大家會記得我做過主持啦!」

無綫缺人,造就朱千雪不用像以往港姐慣例般,要擺成年先正式開工,如今她做《勁歌》主持,雖然人工唔高,難得朱千雪唔介意:「o依家仲後生,最緊要係儲多啲經驗,搵錢仲可以有漫長機會去搵。」人緣好,公司又畀位你,好快搵到錢啦!

朱千雪

朱千雪

有網民撐,朱千雪未夠半年,就可以拍住崔建邦做《勁歌》主持。
有網民撐,朱千雪未夠半年,就可以拍住崔建邦做《勁歌》主持。

採訪、撰文:林通賢
攝影:范仲良
化妝: Janice Chan
髮型: Vanessa Kong@ Hair festival walk
形象: Bryan@the flaming
服裝: Ted Baker

评论回复