走佬天使 丁樂鍶

FACE週刊 第305期

TVB出過幾多個天使妹你記唔記得?
丁樂鍶(腸粉)是其中一員,更是成班天使中唯一一個藝員訓練班出身的合約演員。
考入藝訓班是因為想演戲,卻孭住天使妹銜頭足足 4年,直至跟徐淑敏和糖妹主持《甜姐兒》至稍為有人識。
去年約滿,丁樂鍶二話不說跳槽到王維基的香港電視,連開 3劇,天使妹終於夠膽講:「起碼可以同人講我係藝員!」
磨足 4年,終於重上正軌。

走佬天使 丁樂鍶

Profile

姓名:丁樂鍶
年齡: 25
三圍: 32、 24、 34
身高: 168cm
嗜好:睇戲
喜愛歌星: Christina Aguilera
喜愛演員: Natalie Portman、    Audrey Tautou、周迅

走佬天使 丁樂鍶

丁樂鍶加入香港電視唔夠一年,已接拍了《開腦儆探》、《客家女人》,及即將開鏡的《導火新聞線》,唔係女一但起碼有發揮有戲做。回想做天使妹時,丁樂鍶帶不滿說:「其實想拍劇多過做綜藝至入藝訓班,點知做《美女廚房》嘅天使妹,根本唔知點做先係啱,訓練班冇教過;錄影嗰日至知要着嗰對 4吋高踭鞋,好辛苦好痛連舞都跳唔到,同埋 TVB係即日練嘛,係人都知啦!」

走佬天使 丁樂鍶

去年主持 TVB《甜姐兒》竟然是現時為止她最令人記得的節目,更添食十幾集。「當時諗可能自己都冇機會拍劇?喇!點知喺最灰心而又近約滿嘅時候 HKTV搵我,考慮咗好耐之後決定過檔囉。」

人工高過 TVB

09年加入 23期藝訓班,雖然拍過唔少劇,但只是行行企企的花瓶角色,「我唔係花瓶,靚女至可以做花瓶,我永遠覺得自己係藝訓班學生。」她補充:「??家過咗 HKTV,主要係拍劇,人工亦高過 TVB,??家起碼可以同人講我係演員,以前唔知自己係乜嘢!」丁樂鍶正拍攝的《客家女人》演張可頤的助手,與張可頤有很多對手戲,亦有自己的感情線。

走佬天使 丁樂鍶

走佬天使 丁樂鍶
丁丁又自爆雖然喜歡娛樂圈工作,但其實是個宅女:「我連買嘢都係上網買,鍾意留喺屋企,覺得屋企最安全。」宅女透露未拍拖:「我鍾意成熟嘅男仔,要孝順有禮貌,對人真誠,我識親啲男仔都唔真誠,成日講大話,個個好似仲係要俾媽咪照顧嘅小朋友。」筍盤難求呀!

走佬天使 丁樂鍶

09年藝訓班一畢業,丁樂鍶(右二)即被《美女廚房》監製錢國偉睇中成為美味天使「腸粉」,丁丁話:「有人話做開呢啲節目就返唔到劇組?喇,我好擔心,個個見我都問我點解個樣咁憂心。」

採訪、撰文:何志衡
攝影:范仲良
形象: Bryan@the Flaming
服裝: Killah, Miss Sixty
化妝、髮型: Peace@bridal Corner

评论回复