吳千語身世起底 扮上流拜金爛蒲

FACE週刊 第314期

揭吳千語充上流拜金

林峯和 BB吳千語愛得癡纏,公開戀情未夠半年,兩人已經三度外遊,前週林峯更帶同女友到美國,出席胞弟林逸洺於南加州大學的畢業禮,吳千語一次過見晒林家鄉親父老,全攻型博做林家新抱。

能夠令超級筍盤林峯公開關係, 19歲的千語 BB的確唔嘢小。入行 3年,其背景一直神秘,以「混血兒」包裝出道的吳千語,據知於浙江出世,來港之後在沙田沙角邨長大,父親曾在邨內的街市燒臘檔斬叉燒。為了隱瞞屋邨妹身份,吳千語一直強調父親在澳洲開餐館,亦嚴禁父母曝光,為飛上枝頭作出部署,終於擸得林峯,拜金轉入直路。


做咗「峯嫂」,吳千語真正飛上枝頭,由頭到腳都係名牌,近日每次出巡,唔係 10萬 Hermès Kelly Bag就係 3萬 Chanel Boy(如圖)。


一向對戀情收收埋埋的林峯,竟然將貼頭合照放到微信,睇嚟吳千語真係成功俘虜林峯。《忽然 1周》圖片

在沙田沙角邨長大的吳千語,入行之後,被黃百鳴的天馬電影公司力捧,接拍《開心魔法》踏入影圈,但其實直至最近與林峯拍拖,全港市民先知道邊個係吳千語。

要選香港小姐

尤其是沙角邨一些街坊,一聽到吳千語在訪問講,父親在澳洲開餐館,自己又留學澳洲,認真得啖笑。「佢哋一家幾口都住喺沙角邨,欣容(吳千語真名)細細個已經幾標致,佢阿媽成日都幫佢扮靚,仲話個女大個之後,要佢選香港小姐喎,真係苦心經營?!欣容讀書嗰陣已經孭住個 LV袋,入行之後,吳太唱到成個街市都知。」知情者說。

屋企經濟環境草根,吳千語的父親在燒臘檔斬叉燒,在沙角邨街市開工,全家人將所有希望投放在吳千語身上,可惜吳千語沒有讀書天分,她入行後,報稱自己小學時到澳洲留學一段時間,再返港就讀校風尚算純樸的沙田崇真中學,由於會考成績差,千語 F.5畢業後便報讀港大 Space副學士先修班。


16歲o靚模入行
16歲時因為一個 Tempo廣告,索女變豬扒,兜巴星落肥仔塊面,同時被黃百鳴睇中,決定捧她做新片《開心魔法》女主角。


沙角邨出身
沙田長大的吳千語,與父親曾住在沙角邨,在沙田崇真中學讀書,由細到大都恨入娛樂圈,阿媽仲全力十卜添!

黐住超盈蒲

好彩,吳千語自小便目標明確,就是嫁個有錢人,雖然入行後曾被黃百鳴戲言她可與陳嘉寶、郭善珩等?模組成新一代「開心少女組」,但吳千語無心工作,只趁機會專黐富二代,如何超盈、楊政龍等,更與華姐蒲精倪晨曦孖住夜蒲中環富二代的夜場 dragon-i和 Volar等。

據一名吳千語的中學同學透露,吳千語入行之後,唔只疏遠舊同學,全家人直頭當冇住過沙角邨。「欣容讀書嗰陣皮膚好黑,有個花名叫『印傭』,成班同學感情幾好,成日周圍去,又試過約埋去飲酒,不過佢入行之後已經唔多聯絡。做戲做全套,聽聞佢仲叫老豆飛咗去澳洲一轉,求其搵間餐館喺門口影相,所以佢訪問大大聲話出身小康之家囉!不過見到佢同林峯咁 sweet,都祝福佢嘅。」


老豆斬叉燒扮澳洲返

沙角邨街市現在仍有兩間燒味檔,本刊到訪詢問檔主,遞上吳千語的舊照,唔少街坊都避答。

阿媽教黐富二代
除咗同王愛倫細子 Derek拍過拖,傳聞吳千語仲同林建岳胞兄林建名兒子林孝信,及一位製衣廠太子爺交往過。(網上圖片)

一心捧紅吳千語,點知轉頭就飛上枝頭,拍拖之後只係出席吓活動,唔知黃百鳴仲會唔會開戲畀佢呢?

「俾我個樣呃咗!」

電影公司老闆黃百鳴曾在訪問中大讚吳千語,他說︰「千語媽媽是國語老師,國語好,有利於內地發展,父親在澳洲做生意,英文也好。她很單純,肯定無添加。」有讚冇彈。據知,黄百鳴之所以簽得吳千語,全因看過她 16歲做?模拍下的「 tempo」廣告,黄覺得吳千語大有可為,遂買斷當時仍是「 Starz People」模特兒公司的?模合約,收歸自己天馬電影旗下。

據當年有份和吳千語共事的幕後人透露,吳千語的「身世」亦如之後的報道所言,「佢好平民?咋初初,高踭鞋都未識着,踢住拖上嚟簽約,佢同公司講佢阿爺係法國人,而佢父母已經離咗婚!」
不過,仲係?模身份,以真名吳欣容行走江湖的 Karena,早年在訪問中就自爆真性格:「好多人會俾我個樣呃咗,唔識我嘅人會以為我好文靜,其實我好癲。」

11年,吳千語跟前港姐王愛倫的細仔 Derek Lim拍拖,被拍得兩人由 dragon-i玩到 Volar又攬又咀,玩至凌晨 5點,癲妹蒲格現晒形,與現在準峯嫂形象不可同日而語。


真名吳欣容花名「印傭」(網上圖片)

13歲嘅千語 BB真係幾標致,只係皮膚黑咗少少,唔怪得俾同學仔笑「印傭」。而一心鋪路嫁入豪門嘅吳千語,一向行事小心,不過本刊發現吳千語以前一位同學仔的 Xanga,仍然保留唔少吳千語的舊照,仲有當年嘅瘋狂日誌。(網上圖片)

(網上圖片)

吳千語當年已係校內風頭躉,做埋「峯嫂」之後就更出名。現讀崇真 F.4一位女學生,都聽老師講過呢位師姐嘅成功之路。



林峯同吳千語打得火熱,不過早前林峯北上拍劇期間,吳千語與雜誌編輯 Jimmy蒲天光,有傳林峯因此大怒,好彩吳千語即時在微博登大合照,以證兩人並非單獨約會。

升呢多騷

有指林峯送上價值 320萬的超級跑車給千語代步,出席活動時,吳千語死撐自己努力工作,不過,自從林峯肯公開戀情後,吳千語的確多咗唔少 job,活動價由萬幾升到 3、 4萬,但未買得起 Hermès掛!


Volar VIP


Volar係富二代蒲點,唔少女星都會去認識新朋友,不過近年亦有其他新蒲點,好似超盈已經轉到 PLAY玩。

蒲開 Volar,都可能有見過吳千語, 11年至 12年初,吳千語每星期都出動,因倪晨曦的關係,吳千語認識唔少富二代,有段時間更與何超盈好 friend,身邊好友都叫她 Volar VIP。

愛得峯狂

對於戀情,萬人迷林峯一向玩低調,但今次同吳千語拍拖就一反常態,開口埋口都 BB前 BB後,慌死唔夠肉麻,吳千語極速 K.O.林峯!

‘ 13 5月


《蘋果日報》圖片

公開戀情後,林峯和吳千語在 19日內,分別去過東京、沖繩、意大利、米蘭旅行,前週更拍拖到美國,出席胞弟林逸洺的畢業禮兼見家長,有指期間所有機票食宿,和千語 BB掃貨錢超過百萬,全由林峯包起。

‘ 13 4月


《蘋果日報》圖片

正式確認女友身份,兩人愛得火熱,林峯更嫌愛不夠,錄影《勁歌》時失驚無神 7次高呼「好愛 BB」。

‘ 13 1月

林峯在《勁歌總選》首奪「最受歡迎男歌手」時,在台上忽然「多謝 BB」,踢爆「峯語戀」之後,林峯紅館開騷,吳千語更宣示主權,高調坐正前排座位,任影唔嬲!


《忽然 1周》圖片

‘ 12 4月

爆出與潘霜霜的「床照」後,林峯大受打擊,直至去年拍攝電影《男人如衣服》認識吳千語,被拍得兩人私會,有傳是毛舜筠有心撮合。

頁數: 1 2

友荐云推荐

歡迎關注微信

微信
官方微信號:hkchannel

微博評論

返回頂部