房祖名涉吸毒被刑事拘留 緋聞女友薛凱琪力撐煙都不吸

今日下午內地媒體報道房祖名因涉毒,與柯震東一起被捕,祖名更涉嫌刑事犯罪,並非簡單涉毒案件。與祖名合作電影而傳緋聞的祖名好友薛凱琪(Fiona)今日接受訪問,問她會否擔心,她說:「我唔會太戥佢擔心,自己入行十年,做人準則,不實新聞遇到好多,對待圈內朋友有乜新聞,除非眼見否則唔會信,太唔公平。」似乎Fiona當時仍未知祖名已證實被捕。

問Fiona近期有否聯絡祖名,她說:「忙演唱會,生日有收到訊息,11號生日,10號收到訊息祝福,我認識嘅祖名好健康,煙都冇食,知我失眠寫埋首歌,因自己唱歌驚聲沙,食少少安眠藥瞓覺,佢係好健康嘅人,叫我唔好食咁多藥,飲蜜糖水。」

問Fiona是否認識柯震東?她說:「冇介紹我識。」講到柯震東證實被捕,她說:「排舞睇過新聞,都係懷疑,咁嚴重新聞,如果唔係實實在在,唔會畀任何評論,對任何人唔公平。」會否問候祖名?Fiona表示:「唔需要,如果冇發生,冇需要搞大,假新聞唔需要煩到朋友。」Fiona又強調:「佢唔係我舊愛,確實好朋友,乖仔,私生活乖之餘好孝順,做嘢好勤力,合作兩部戲,捱更抵夜,冇公子病,絕對相信佢。」

【祖名涉毒】緋聞女友Fiona力撐: 佢好健康 煙都冇食
房祖名同Fiona合作唔少,亦傳咗好耐緋聞。

评论回复