《食為奴》造型

《食為奴》祖藍剃頭 萬綺雯做賣藝女

王祖藍、萬綺雯、小寶、張繼聰幾位《老表,你好嘢!》班底走紅後,接住又開無綫古裝新劇《食為奴》,套劇舊年喺節目巡禮中係由林峯、吳卓羲、陳法拉等演繹,但係如今面目全非,換咗老表班底,皇帝之位就由黃智賢頂咗林峯,卡士好大差異。

今日一班演員喺將軍澳電視廣播城造型,小寶著起古裝束咗個髻仔,更加圓潤鬼馬,佢今次都係發揮食嘅本色,仲要做一位近身侍婢。祖藍、張繼聰同高鈞賢通通要剃頭做光頭仔,仲齊齊將啲剪咗嘅頭髮放上微博哀悼。

「長腿姐姐」萬綺雯就做街頭賣藝女,被迫同祖藍結婚,但實情佢係飾演廿五、六歲嘅女仔又暗戀張繼聰,祖藍笑佢呢段係忘年戀,睇落兩個默契十足,祖藍仲教萬綺雯要喺無綫立足要同人打交道去巴結其他人,所以首要係破除老表小圈子。對於之前祖藍踩過界撈埋製作被彈,佢話:「今次係人揀我,劇本選角都冇份參與,唔可以下下咁恐怖,畀人話仲唔夠咩,要聽話,今次齋做演員。」

《食為奴》造型
咁多位都係《老表,你好嘢!》原班人馬。
《食為奴》造型
萬綺雯今次鍾意咗祖藍同聰,點揀呢?

黃智賢執林峯二攤擔正做主角
[15:32] 2013/02/26

藝員黃智賢在將軍澳電視城為新劇《食為奴》試造型,此劇拍攝巡禮時本由林峯和吳卓羲做主角,但如今則由黃智賢和王祖藍頂替,近來少有擔正主角的黃智賢說:「巡禮時嘅林峯同吳卓羲都換晒,嚴格嚟講我唔係第一次做男主角,《真命天師》已經做過主角,今次因為林峯、吳卓羲推戲,機緣巧合接到。」

王祖藍被鬧怕唔敢再編劇
[16:20] 2013/02/26

藝員王祖藍、萬綺雯、張繼聰等在將軍澳電視城為新劇《食為奴》試造型。祖藍在劇集《老表,你好嘢!》中自編自演,遭其他編劇狂插踩過界,祖藍語帶雙關指今次「零」參與幕後製作:「仲未畀人話夠咩!今次齋演。」萬綺雯笑謂事前煞有介事問監製為角色設定的年紀,她笑說:「監製話角色係25、6歲,唔好再話我係中女喇!」

《食為奴》造型

《食為奴》造型

《食為奴》造型

《食為奴》造型

《食為奴》造型

《食為奴》造型

日期: 26/2/2013
劇集: 《食為奴》(暫名)造型
監製:黃偉聲
編審:蕭朗
藝員: 萬綺雯 、 王祖藍 、 張繼聰 、 高鈞賢 、
黃智賢 、 歐瑞偉 、 陳國邦 、 秦煌 、
吳香倫 、 李家聲 、 張振朗 、 岳華 、
小寶 、 李豪 、 何雁詩 、 林盛斌 、
余子明 、 鄭家俊 、 呂珊 、 黃得生 、
蔣志光 、 胡諾言 、 于洋 、 黃建東 、
何偉業 、 王俊棠
時間: 12:30
地點: 將軍澳電視廣播城一廠灰位

评论回复