黃淑儀主持《吾淑吾食》 狂落濃湯寶

由無綫前高層馮美基主持的飲食節目《May姐有請》前晚播完最後一集,完美落幕,緊接而來的是黃淑儀(GiGi姐)主持的《吾淑吾食》,將一連十五集於周日(11月3日)起播出。由於May姐的哈哈哈笑聲與節目中曝光率最高的雞汁成為節目焦點,其中雞汁更加落到無人不識,網民更已開始熱烈競猜GiGi姐的《吾》節目會有哪種植入式廣告,GiGi姐多年前曾代言的濃湯寶成為頭號熱門商品。

贊助商品做佈景

GiGi姐自加拿大回流,由演技派花旦轉型為廚藝高手,吸納不少煮婦粉絲,因而曾擔任過濃湯寶、衞生紙及靈芝代言人,未知這些產品會否在GiGi姐的節目中出現?網民果然心水清,據知節目中確有植入式廣告,包括濃湯寶、煮食油及廚具贊助,且看濃湯寶的受歡迎程度會否取代雞汁的無敵位置。

黃淑儀首集請來黃翠如及鄭世豪等任嘉賓,分享美食心得。
■黃淑儀首集請來黃翠如及鄭世豪等任嘉賓,分享美食心得。

■黃淑儀曾任家樂牌代言人,今趟任煮食節目主持順理成章狂落濃湯寶。
■黃淑儀曾任家樂牌代言人,今趟任煮食節目主持順理成章狂落濃湯寶。
資料圖片

早期的《May姐有請》節目馮美基(中)請過黃淑儀任嘉賓。資料圖片
■早期的《May姐有請》節目馮美基(中)請過黃淑儀任嘉賓。資料圖片

經過《May姐有請》的觀眾強烈反應,《吾》節目拍攝時會否低調處理?據無綫製作部中人透露,使用贊助商品均切合需要,例如未炒菜先落油屬正常情況,不適合的都不會勉強使用,總之是用得合情合理及自然,據了解,贊助商品只需擺放好當佈景一樣,不一定需要集集用,而客戶亦未有要求一定要使用。

取決廣告費多少

無綫市場及營業部助理總監尹錦輝亦表示通訊事務管理局有指引,要求植入式廣告要做得自然,他昨在電話中說:「我哋會睇收咗個客幾多錢,唔會畀多唔會畀少,由製作部按收錢而做,由幾年前開始有植入式廣告時已好小心處理,每個節目做法唔同。」

May姐雞汁蝦 告別141萬知音

在政府拒發牌事件中成為箭靶的無綫節目《May姐有請》,前晚終播最後一集,只留下為人津津樂道的May姐哈哈哈笑聲與雞汁,前晚一集,May姐馮美基的哈哈哈笑聲出現次數減少了,未知因May姐有離愁別緒笑唔出,還是無綫從善如流,刪剪了過多的笑聲。

最後一集May姐親自煮兩道餸清燉青邊鮑及香茅羅勒焗老虎蝦,重點自然是煮餸時有沒有落雞汁,由May姐至愛雞汁crossover另一至愛哈哈蝦,再加May姐的哈哈笑聲,為27集《May姐有請》作完美告別!

雖然被網民多番投訴,但《May姐有請》前晚收視依然有平均21點(約135萬觀眾)、最高22點(約141萬觀眾),比上周只跌一點。通訊事務管理局共接獲兩宗《May姐有請》投訴,指節目太多植入式廣告及不滿主持的叫聲、笑聲。

話你知:煮持獨門必殺技

飲食節目長做長有,要突圍而出真的不易,May姐就有雞汁做「必殺技」,大家又記唔記得,過往唔同飲食節目主持人嘅必殺技呢?

「食神」梁文韜《日日有食神》
出名用「頭抽」,去到邊食飯都會帶備自製嘅頭抽。

「幟哥」黃永幟《為食總司令》
煮餸會加雞粉,有網民質疑佢究竟識唔識煮餸,點解每道菜都要落雞粉。

肥媽瑪利亞《食平d》
必殺技就係一個字「平」,真係化腐朽為神奇,教師奶100蚊煮5個餸,好多網民都質疑係造馬。

蘇施黃《蘇Good》
蘇施黃講嘢快之餘,煮餸都要「拿拿臨」,佢仲好鍾意落勁多調味料,最出名就係買兩斤芥蘭篩淨半斤,話咁先有口感。

黃麗梅《中國八大名菜》
黃麗梅經常講:「嘩!好鮮!」佢一句「雞有雞味,魚有魚味」,真係KO咗唔少觀眾。

李錦聯《都市閒情》
曾經每星期有一集用李錦記醬料教師奶煮餸。

友荐云推荐

歡迎關注微信

微信
官方微信號:hkchannel

微博評論

返回頂部