黃長興炒股買樓遺失浪漫

黃長興為避緋聞,最近主動公開女友身份,他自言是個十分專一的男人,但來港多年,已漸漸失掉法國男士的浪漫情懷,連話題都不離股票或買樓買車。

長興愈來愈熱衷演戲,尤其喜歡演奸角,覺得甚富挑戰性
長興愈來愈熱衷演戲,尤其喜歡演奸角,覺得甚富挑戰性。

05年落選港男黃長興最近傳獲闊太「照顧」,打本給他開法國餐廳,長興為表清白,自爆有一位拍拖年多、年僅25歲的女友Peggy,他無奈地說:「真係好無辜,明明係自己儲錢開餐廳,瞓晒身落去做,點知被扭曲話有人打本畀我搞生意,真係幾hurt。」他表示幸得女朋友明白:「其實我份人好專一,每次拍拖都好認真,亦唔會刻意收收埋埋。」

長興自言是個專一男人,每次拍拖都好認真
長興自言是個專一男人,每次拍拖都好認真。

撐枱腳靜默3粒鐘

大部分人都覺得法國男仔特別浪漫,定居香港多年的長興直言已融入港式生活,對「浪漫」二字早已拋諸腦後,他笑說:「浪漫係要用時間去堆砌,以前試過同一個女仔食飯,三個鐘唔講嘢就叫浪漫,但香港人生活節奏急速,我依家都係同人講吓股票行情、買樓、買車,覺得自己變咗好多。」

演變態角色有發揮

長興直言現在為生活會努力工作,近年獲無綫器重,除播映中的《談情說案》外,還有《刑警》未播出街,他說:「愈嚟愈鍾意演戲,尤其係《刑警》,雖然唔係男主角,但劇中飾演一個變態攝影師,雖然係奸角,但好有發揮,自己睇番回帶都覺演得好陰沉,期待可以快啲出街。」

攝:馬永堅 服裝及場地:Miss Sixty

评论回复