做無綫親生仔 黃嘉樂望擺脫弟弟角色

黃嘉樂最近在劇集《守業者》中飾演「彭國良」,先跟康華飾演的「潘巧兒」通姦,再搭上樂瞳飾演的「冼燕歡」,可謂堪稱賤男極品,但嘉樂卻大讚做得過癮。早前首度成為無綫親生仔的嘉樂,坦言以後經常做弟弟角色,希望將來角色可以長大,就算做反派或賤人,都絕對不介意。

黃嘉樂01年加入無綫訓練班入行,多年來雖然拍劇機會不少,但一直演繹一些小弟弟角色,始終發揮有限。09年,毅然嘗試簽約經理人公司主力返內地發展,但始終覺得發展未及理想。

向一線進發

嘉樂說:「嗰4年我Keep住拍TVB劇,同時又喺內地工作,無錯內地價錢係唔錯,但始終我喺香港仲未係一線位置,嗰邊機會自然無咁多,咁啱我約滿TVB,有內地經理人公司搵我簽約,TVB佢哋又搵我續約,我咪提出簽埋經埋人約,依家公司比較缺人,做親生仔應該會有多啲機會。」

嘉樂坦言簽TVB的人工,當然不能跟內地比,但35歲的他認為已沒太多時間搏,「喺公司始終比較穩陣,我其實無乜要求,只要角色方面可以多啲變化,唔好再成日做人哋細佬,好似喺《巨輪》做『Kim』個賤男,雖然不停畀網友鬧,我都覺得過癮。當然我目標係做到一線同埋有獎攞啦!但一步步嚟,自己都要儲多啲料先得。」

黃嘉樂望擺脫弟弟角色
嘉樂簽約經理人返內地發展4年,但始終機會仍有局限。

黃嘉樂望擺脫弟弟角色
嘉樂明白要在港上一線位置,留在娘家無綫才有機會。

评论回复