JJ賈曉晨愛到抑鬱 多次自殺 自爆樊少皇一夜情生B

賈曉晨(JJ)上周被爆與拍拖3年的「力王」男友樊少皇在10月2日入紙排期註冊結婚,兩人經歷過無數次分手,又復合,終於修成正果。

JJ昨日在香港一間婚紗店接受專訪,深情剖白自己同「力王」一段情,自爆樊少皇與前女友陳少霞因一夜情而生小朋友,對外間指指點點,JJ仍處處維護:「其實都係佢細個爸爸教育方式唔好,其他小朋友玩,佢就只可以打功夫,結果廿幾歲都未談過戀受。啱啱發育,仲咁大隻,男仔梗係需要,唔畀佢拍拖咪做錯囉。」

結果樊少皇因為一夜情搞大了陳少霞個肚,女兒已經18歲大,JJ:「佢哋雖然冇感情基礎,但之後都有住埋一齊,唔小心又生咗第二個(細仔13歲),其實佢份人好單純,好有責任感,從來冇叫人落咗小朋友。」杭州助手是不是女友?JJ再替樊少皇解話:「分手後佢都係一個男人,都有感情需要,你問我佢有冇做錯?我會覺得大家都係成年人,要錯就雙方都有錯,只係中間處理得唔好。」

JJ賈曉晨愛到抑鬱 多次自殺 自爆樊少皇一夜情生B

JJ與樊少皇拍拖期間,經常被人指罵是小三,又被傳逼使陳少霞斷水斷糧,因為太多是是非非,JJ自爆屈到患抑鬱症,她說:「佢乜都唔同我講,每次都係雜誌出咗先講。我哋嗌過無數次分手,但本身感情冇問題,後來經歷太多嘢,我有嘗試過自殺……好多次,試過食藥,最嚴重一次係喺朋友圈寫住『再見嘞大家,幫我照顧我爸爸媽媽』,嚇到班朋友衝晒埋嚟救我,當時我諗住跳樓。」

年半前JJ開始尋求精神科醫生協助,現在情況已經好轉,JJ笑笑口說:「食咗一年精神科藥,我發現好好,食完遇到乜唔開心,笑吓就過咗去。?家停咗藥半年,調理好身體準備生BB,再遇唔開心,就諗番食咗藥嘅感覺,等自己唔好鑽牛角尖。」

JJ已決定下嫁樊少皇,但樊少皇還要給予陳少霞贍養費,經濟有一定壓力,所以JJ從來沒想過可以「印印腳」做少奶奶,相反還付首期讓樊少皇置業。JJ解釋:「我識佢時,佢係一個冇車、冇樓,乜都冇嘅男人,佢以前係會將所有賺到嘅錢畀晒別人,我就話佢老咗都要有個地方住,唔通瞓天橋底?佢先開始諗儲錢買樓嗰樣嘢。之前睇中一層樓,但佢畀唔到首期,我就將自己第一層樓,因為賺到錢賣咗,畀佢用嚟做首期。但我唔係白畀㗎,我都要佢賺錢還畀我,我唔使佢養都唔可以蝕底畀佢,做埋佢債主,哈哈。」

34歲的JJ在香港和家鄉濟南均有物業,問會否介意女尊男卑?JJ說:「我暫時好似多過佢,但佢(潛力)空間大過我,佢喺內地知名度高過我好多,如果佢將來識得正確打理自己財產,應該會越嚟越好。」問到會否擺酒?JJ說:「冇諗過,因為我怕好攰同應酬,只想低調結婚。」

JJ大爆樊少皇近乎「零」的求婚經過,不過,雖然是零,但在JJ眼裏依然是甜在心的經歷,她甜絲絲地表示:「其實我哋嘅感情一向好穩定,我同佢都想有小朋友,所以喺半年前大家咁啱坐底傾開,發現大家都想有BB,就決定結婚,始終註冊可以有一個完整家庭畀小朋友,所以就決定咗,冇特別求婚,所以冇戒指亦冇下跪,婚紗相都喺某一日,大家都有時間就返嚟香港,搵一個攝影師朋友幫我哋影。(樊少皇有甚麼優點令妳決定付託終生?)我哋好夾,大家都係好簡單嘅人,雖然佢唔識得講甜言蜜語,但心地善良、單純,希望佢日日都開心!」

談到工作,JJ直言婚後決不減產,就算大肚都會繼續工作:「我要搏命搵錢供樓同生活,就算大肚都繼續做,一個女仔最緊要識獨立,自己搵錢自己使,我從來都唔喜歡伸手問人攞。」JJ與樊少皇拍拖簡單,兩人都浪漫史亦一樣簡單,JJ表示對方曾為她按摩按到她睡着了,她覺得這就是一種說不出的幸福:「佢拍打戲都好辛苦,但佢永遠都以我行先,攰都會幫我按摩,我覺得好感動!」

评论已关闭