唐寧王浩信《辛辣人妻》一撻即着

王浩信食雞弗爆唐寧心動

唐寧與王浩信最近合作由梁榮忠執導的舞台劇《辛辣人妻》,雖是首次合作,但二人毫無隔膜,皆因王浩信三餐都食雞,減肥有成效身形弗爆,令唐寧心郁郁都要收身!

甫踏入舞台劇《辛辣人妻》的排練室,即見唐寧(Leila)與王浩信(Vincent)雞啄唔斷,問到為何如此好傾?Leila笑謂:「因為我生完BB後肥咗廿幾磅,雖然好快瘦番幾磅,但之後體重一直再冇變化。直至遇到Vincent,佢一嚟就教我夜晚戒澱粉質可以減肥,我跟咗幾日後即刻瘦咗三磅,開心到我死!」

畫心電圖了解角色

問到Vincent為何忽然想練大隻,他笑謂:「忠仔(導演)話做舞台劇身形唔可以太薄,咁我咪努力操fit自己咯,一個星期做三日Gym同跑兩日步,另外食嘢我都跟好足,早餐食四隻雞蛋白同大量麵包,午飯食叉雞飯,但會走汁、走薑蓉、去皮同食瘦叉,下午茶食兩隻烚薯仔,之後晚飯再食烚雞肉同菜,足足食咗三、四個月。」Leila聽罷即搶着說:「見到佢咁大成果,先令我更加有決心減肥,哈哈!」

另外,Vincent表示很喜歡忠仔獨特的教戲方法:「佢不斷叫我哋畫畫同心電圖,心電圖可以幫助我哋了解角色喺特定場口嘅心理變化,另外畫人物造型可以令我哋覺得角色更加立體。(你畫得好靚。)我有學過設計,所以要好認真畫,咁先對得住自己。」

唐寧自榮升人母後再在幕前演出,收身成功的她對身材並不滿意。

唐寧自榮升人母後再在幕前演出,收身成功的她對身材並不滿意。

王浩信會花三小時畫畫幫助投入角色。

王浩信會花三小時畫畫幫助投入角色。

王浩信和唐寧在舞台劇中飾演夫妻,不乏親熱場面。

 

评论回复