《2013香港小姐競選準決賽》錄影 素顏驚嚇

今屆復辨準決賽,還讓觀眾票選、星級選民與大會籌委會成員甄選,合共選出十位佳麗晉身決賽。昨晚四位星級選民:曾志偉、鄭裕玲、李克勤、陳百祥,司儀崔建邦、王祖藍及20位候選佳麗等,率先為港姐選美節目其中四部份的問答及泳裝環節作錄映,以作今晚9至10時播出,至10時至10時半則作準決賽直播。

打破選美直播傳統模式,首次為港姐錄映的兩位司儀崔建邦、王祖藍,常常出錯不斷重錄,至于盛裝現身曾志偉、鄭裕玲、李克勤和陳百祥,亦要不斷重錄宣傳片,讓錄映時間和進度嚴重延誤,曾志偉還被導演要求再錄強調「今晚」、「明晚」的宣傳片,氣得曾志偉高呼請導演自己剪輯接駁,其后還火起說臟話,指過往港姐節目皆是現場直播,反問為何要先作錄播,并指坐上電梯、走樓梯也錯,令現場一片混亂。

無綫大整蠱 瘦女搭肥妹 專影粗腳

噚晚港姐問答環節錄影,眾佳麗身穿性感泳衣示人,不過呢個錄影玩得認真耐,由晚上八點半call time,到成十點先開始正式,到凌晨一點左右,司儀王祖藍、崔建邦,星級「選民」就有鄭裕玲、曾志偉、李克勤同陳百祥(阿叻)。因為真係搞得太夜,令一向習慣早瞓嘅嘟嘟鄭裕玲都覺得頗累。

問答環節中,眾佳麗先透過電視銀幕自我介紹,並四人一組,之後開始「否」人。未幾,5號大胸佳麗朱智賢、8號謝海珊、11號大冷吳瑋雯、14號林思穎、18號張雪瑩及19號蕭穎詩都被out;到自我介紹後,四位星級選民每人揀兩個進入訪問環節,包括1號張敬仁、6號劉佩玥、10號林伊麗、12號梁家欣、13號歐陽巧瑩、15號大熱蔡思貝、17號大熱陳凱琳及20號陳偉琪。

訪問對話約三至五分鐘,13號歐陽巧瑩問得最長,似乎眾人都對佢幾有興趣,加上是非又最多。5號對答得幾好,嘟嘟對佢印象唔錯。

不過噚晚呢件泳衣都好難著,其中15號蔡思貝同17號陳凱琳都因為太瘦而離罩,至於19號蕭穎詩之前著嗰件泳衣已經凸腩,噚晚亦難逃一凸,慘被志偉等人取笑。最慘仲係要激瘦嘅17號陳凱琳同19號蕭穎詩一齊企,兩個都係五呎四吋高,但一肥一瘦,相差30磅,鏡頭更對準19粗腿嚟影,so poor!

至於長腿一族,則有5號、6號、同14號。其中14號腿長更有43吋,5號、6號右髀更於同一位置現瘀痕,相當離奇。嘟嘟問志偉可知何謂「九頭身」?志偉即笑道:「個頭似狗頭咪狗頭身囉!」

《2013香港小姐競選準決賽》17號陳凱琳離罩
17號陳凱琳離罩
《2013香港小姐競選準決賽》17號陳凱琳19號蕭穎詩
17 vs 19
《2013香港小姐競選準決賽》19號蕭穎詩
19號條腿,果然好勁。
《2013香港小姐競選準決賽》15號蔡思貝、16號徐韶蓓同17號陳凱琳
左起:15號蔡思貝、16號徐韶蓓同17號陳凱琳。
15號蔡思貝都離罩
15號蔡思貝都離罩。
《2013香港小姐競選準決賽》15號蔡思貝
自我檢查
《2013香港小姐競選準決賽》15號蔡思貝

《2013香港小姐競選準決賽》2號、5號、8號、9號、14號及16號
前排左起﹕2號、5號、8號、9號、14號及16號於泳裝再有訪問。
《2013香港小姐競選準決賽》5號、6號、同14號
三位長腿姐姐:5號、6號、同14號。其中14號腿長更有43吋。但為何5號同6號大髀都喺同一個位瘀晒嘅?

13號是非精歐陽巧瑩 扮晒嘢

13號歐陽巧瑩是非一浪接一浪,故噚晚問答環節上,志偉、嘟嘟及阿叻等四位「星級選民」問佢嘅時間亦係最長。13號自言係兼職游水教練,另一強項係模妨他人,於是志偉等人就叫佢展下身手,於是佢就模妨9號劉溫馨、12號梁家欣及15號蔡思貝動態,包括扮9號講嘢發音唔正、扮15號動作大,完成之後15號出場,做番13模妨自己嘅動態,仲大讚13號扮得似。

《2013香港小姐競選準決賽》10號林伊麗同11號吳瑋雯好好傾,13號呢位友誼小姐就似乎疲態盡現。
10號林伊麗同11號吳瑋雯好好傾,13號呢位友誼小姐就似乎疲態盡現。
《2013香港小姐競選準決賽》

《2013香港小姐競選準決賽》5號朱智賢、7號沈桂澄、13號歐陽巧瑩及14號林思韻
左起:5號朱智賢、7號沈桂澄、13號歐陽巧瑩及14號林思韻。
《2013香港小姐競選準決賽》15號蔡思貝(中)都大讚13號歐陽巧瑩扮自己扮得似
15號蔡思貝(中)都大讚13號歐陽巧瑩扮自己扮得似。

2號羅紫君係遲到王 藉口多多被志偉寸

今屆港姐無啦啦喺問答環節搞錄影,噚晚志偉都嬲到爆晒粗,其中一個環節,就爆出佳麗唔鐘意刷牙同遲到等等。

鄭裕玲就大爆2號羅紫君朝早起身唔鐘意刷牙,羅紫君話:「我鍾意食嘢,所以朝早食完至刷。」吓,鐘意食嘢同刷唔刷牙有咩關係呢?今年更加有工作人員為佳麗評分,羅紫君操行分唔高,因為佢係遲到王,噚日綵排泳裝佢都係遲到,但佢死撐遇到交通意外,連志偉都忍唔住寸佢:「個個都冇係得你有嘅!」

《2013香港小姐競選》2號羅紫君原來係遲到大王,噚晚綵排照樣遲,但仍然藉口多多,連志偉都忍唔住寸佢。
2號羅紫君原來係遲到大王,噚晚綵排照樣遲,但仍然藉口多多,連志偉都忍唔住寸佢。

頁數: 1 2

友荐云推荐

歡迎關注微信

微信
官方微信號:hkchannel

微博評論

返回頂部