殼王開口 陳鍵鋒回歸拍《衝上雲霄II》

壹週刊 第1159期

高層撐腰

殼王開口 陳鍵鋒二萬五回歸

2012年05月24日
一度成為無綫棄將的 Sammul陳鍵鋒,自從三年前憑內地劇《美人心計》爆紅,身價暴升至二十萬人仔一集,今非昔比的他,除獲「電訊魔童」王維基睇中拉攏加盟,連舊東家無綫都想同陳鍵鋒「重修舊好」。據知,陳鍵鋒的表哥,乃無綫新主「殼王」陳國強的財務總監,成為「自己友」,令 Sammul的「回頭草價」勁升兩倍有多,拍劇每集袋二萬五,希望重金之下, Sammul願意回歸接拍重頭劇《衝上雲霄 II》。

前週六(五月十二日),從上海返港休息三天的陳鍵鋒,與兩位男友人同往洲際酒店歎法國菜,卻未見有女伴埋身。
前週六(五月十二日),從上海返港休息三天的陳鍵鋒,與兩位男友人同往洲際酒店歎法國菜,卻未見有女伴埋身。

發現記者後,陳鍵鋒的兩位男性友人立即彈開,孭住大背囊的他,獨自行去搭上頂樓的法國餐廳。
發現記者後,陳鍵鋒的兩位男性友人立即彈開,孭住大背囊的他,獨自行去搭上頂樓的法國餐廳。

六嬸離任後,「殼王」陳國強正式成為無綫話事人。
六嬸離任後,「殼王」陳國強正式成為無綫話事人。

戲份被刪

由於非無綫親生仔,陳鍵鋒一直被公司忽略,得寵度從來不及簽了十年長約的鄭嘉穎、黃宗澤,一○年拍罷《洪武三十二》, Sammul亦意興闌珊,不再續約無綫。
「無綫要捧自己人大條道理, Sammul唔肯簽經理人約,就算《學警》收得,但續集佢嘅戲份反而愈嚟愈少,呢幾年啲頒獎禮, Sammul連入圍都無份!」
塞翁失馬,焉知非福,離開無綫後,陳鍵鋒成功轉攻內地,○九年便因拍重頭劇《美人心計》,創下最高收視紀錄,機會開始一個接一個。
「陳鍵鋒都算有運行,《美人心計》爆出,响內地唔同電視台播都攞晒收視冠軍,搵佢拍劇嘅製作人就愈嚟愈多,舊年已經拍咗四個劇,啱啱喺蘇州拍完《女人淚》,接住會喺車墩拍《烽火佳人》,呢套劇,佢已經加到二十萬人仔一集,係以前無綫嘅二十倍價錢!」

○七年台慶頒獎禮,鄭嘉穎首奪視帝,陳鍵鋒(灰色衫)坐足全晚只有戥人高興。(《蘋果日報》圖片)
○七年台慶頒獎禮,鄭嘉穎首奪視帝,陳鍵鋒(灰色衫)坐足全晚只有戥人高興。(《蘋果日報》圖片)

○七年台慶頒獎禮,鄭嘉穎首奪視帝,陳鍵鋒(灰色衫)坐足全晚只有戥人高興。(《蘋果日報》圖片)
《美人心計》為陳鍵鋒殺入內地市場。

對家挖角

一直獨大的無綫電視,隨住政府再發免費電視台新牌照,對手王維基不斷以銀彈挖角,令無綫流失大量小生花旦,為救亡,除了向亞視撬人,連棄將陳鍵鋒都唔放過。
「其實舊年王維基都有搵過 Sammul過檔,仲親自飛上海同佢傾約,價錢出到十萬蚊一集,係無綫嘅十倍,不過當時 Sammul手上接咗幾個內地劇,所以推咗王維基!
「依家無綫鬧小生花旦荒,內部立立亂,殼王上場之後,搵咗班親信做左右手,其中殼王嘅財務總監,原來係 Sammul嘅表哥,點計都算自己友,所以殼王都有派人搵 Sammul,開到聲想佢返無綫拍大製作《衝上雲霄 II》,咁啱套劇押後咗開拍,希望可以就到 Sammul個期!」

陳鍵鋒去年一口氣拍了四個內地劇,豬籠入水的他計劃在香港和上海置業。
陳鍵鋒去年一口氣拍了四個內地劇,豬籠入水的他計劃在香港和上海置業。

王維基去年已出口術邀請加盟新電視台,可惜陳鍵鋒寧考慮出手較低的無綫,純粹感情分搭夠。
王維基去年已出口術邀請加盟新電視台,可惜陳鍵鋒寧考慮出手較低的無綫,純粹感情分搭夠。

在無綫期間,陳鍵鋒氹唔掂樂易玲,卻與陳志雲老友鬼鬼。
在無綫期間,陳鍵鋒氹唔掂樂易玲,卻與陳志雲老友鬼鬼。(《蘋果日報》圖片)

谷底抽身

早年憑《律政新人王》及《學警》系列上位的陳鍵鋒,事業尚算有點起色,但因為拒絕賣身無綫,隨即被打入冷宮,直到轉戰內地發展,才一洗頹氣。

新人

97年,陳鍵鋒接拍恒生銀行廣告被發掘入行

97年,陳鍵鋒接拍恒生銀行廣告被發掘入行,初期在新城做 DJ,後來簽約無綫成為旗下藝人,開始做《 K-100》主持。

力捧

陳鍵鋒與黃宗澤、吳卓羲等小生被捧為「奧運六星」

加入戲劇組, 03年在《律政新人王》中首次做男主角,其後,接拍了《衝上雲霄》、《學警雄心》等重頭劇,全部有收視保證,當時更與黃宗澤、吳卓羲等小生被捧為「奧運六星」。

冷宮

07年因拒絕同無綫簽經理人合約,地位即時變天,在新劇《王老虎搶親》中要扮女人演出

07年因拒絕同無綫簽經理人合約,地位即時變天,在新劇《王老虎搶親》中要扮女人演出,其後的《學警狙擊》、《洪武三十二》等戲份大減,由主角變配角,在台慶頒獎禮中更加連入圍都無份。

發圍

離開無綫轉戰內地拍劇搵「人仔」,作品《美人心計》、《搜神記》、《亂世佳人》等口碑極佳,現時拍劇身價已跳升至二十萬一集。


本文鏈接:殼王開口 陳鍵鋒回歸拍《衝上雲霄II》

评论回复