Botox現場版 陳思齊15分鐘變高鼻

壹週刊 第1168期

娛圈男女,不論大細牌,將打 Botox(肉毒桿菌)、透明質酸當洗面刷牙,唔少人打到上晒癮,巴掌臉、 V形下巴、木偶腳,掹到「行」全無皺紋,個個變硬膠人。

今年三十歲的陳思齊(原名陳凱欣),○○年參選港姐被嗌翻版朱玲玲,最終大熱倒灶,加入無 綫拍劇,做極三、四線。唯一回報,是賺到一對黑眼圈及捱到又瘦又殘。

執樣改運,做極三打七的陳思齊,最近以六位數字酬勞,代言 Allergan藥廠的 Botox及肉毒桿菌治療,親身示範重整鼻樑及下巴,經醫生郁手一搓,十五分鐘變高鼻,現蝦餃下巴。

Botox現場版 陳思齊15分鐘變高鼻
第一針是在鼻下人中位,由於麻醉藥未發揮效力,又要慢慢把針藥打入,陳思齊痛到出眼水。

收錢執樣

在無綫捱了十二年,陳思齊工作量多,卻無上位機會,捱到又瘦又殘,拍拖五年的圈外男友又因她拒婚提出分手,事業感情雙失。面對低潮,但亦未衰到貼地,有美容中心睇中,找她做代言 sell打 Botox及透明質酸。

「我初時都好抗拒,覺得自己又唔係年紀大,唔係醜樣,無必要打 嘢 啫!」之後聽取朋友意見,才決定豁出去。「佢 哋話我反正都咁殘,打吓又有錢賺,無乜所謂!」

Botox現場版 陳思齊15分鐘變高鼻
鼻打四針
再打鼻尖、鼻樑中間及眉心位,打完會有小量血滲出,但很快止血。

Botox現場版 陳思齊15分鐘變高鼻
做下巴
搞完個鼻輪到下巴,醫生邊鍊邊打,只要唔貪心,就會自然得多。

Botox現場版 陳思齊15分鐘變高鼻
打完針,醫生不停鍊高鼻位,以及為下巴定形。

Botox現場版 陳思齊15分鐘變高鼻
見針嚇親
陳思齊話第一針感覺似食了很勁的 wasabi,好刺鼻,所以流晒眼水,雖然針頭只有半吋長,她仍驚叫:「唔好俾我睇呀!」

同事唔認得

上月,陳思齊獻出第一次,在眼袋位置落手,打了兩針 Botox。「 啲同事同記者見到我,好猶豫咁問我係咪思齊,只係打兩針,就變 咗樣,好好笑。」上月出席李添勝新劇《神探哥倫布》開鏡,陳思齊因為啱啱打完 Botox未消腫,眼肚位置微腫,摸落手感亦有點硬。

日前,陳思齊再次到美容院見醫生。醫生認為她的瑕疵在於鼻骨有節,下巴不夠兜,太陽穴位置凹陷,腮骨大,眼袋亦要再做收緊;但由於有劇在身,怕一次過整太多走樣唔連戲,初步唔敢落太重手,只在鼻位及下巴打了五針。

Botox現場版 陳思齊15分鐘變高鼻
00年
翻版朱玲玲

Botox現場版 陳思齊15分鐘變高鼻
好滿意
搞掂晒,拿起鏡子嘖嘖稱奇:「真係即刻唔見咗嚿鼻節骨,下巴又圓潤咗喎。」

半個鐘搞掂

Botox現場版 陳思齊15分鐘變高鼻
靚晒
一星期後,度完假的陳思齊返電視城開工,她表示還要接受多一次下巴、太陽穴及眼袋治療,有排搞。

醫生由陳思齊的人中位開始,雖然已用了麻醉藥,但因效力未完全發揮,見她痛到標眼淚。之後在鼻尖、鼻樑及接近眉心位來回打了多針,再用手不停又搓又捽,未幾鼻節骨立即消失。

原本醫生建議下巴打兩針,但陳思齊怕太 over,只在她下巴位打了一針,三兩吓手腳,短短幾分鐘,「蝦餃」下巴成形。

完事後,要塗上消炎膏,再等半個鐘左右,才可離開。醫生亦提醒她剛打完 Botox的位置會如紙黏土,要盡量避免觸碰到,也不可以做 facial、飲酒,最好休息一星期,讓它定形。

不過,陳思齊卻冇有怕,翌日便到外地旅行,落水浮潛做齊,當醫生警告耳邊風。

评论回复