壹週刊 第1185期

一班無綫花旦小生為視帝視后爭崩頭,鄭嘉穎卻隔岸觀火,搵錢行先。有獎無獎等閒事,錢銀最實際,鄭嘉穎已是 TVB第一吸金王;近日他再以新高價 50萬一集,接拍內地劇《葉問 II》,並以 1200萬高價接了一個內地廣告,賺到笑!搵得到,嘉穎不似過去將積蓄投資股票市場,改為儲磚頭,早前豪擲二千多萬,買入柏景灣兩個單位,分別送給媽咪及細妹,相當顧家。

劇價50萬新高 鄭嘉穎換磚頭孝敬阿媽
《葉問》有二百多場武打場面,為求逼真,嘉穎落足力打到面容扭曲。

上月 25日,鄭嘉穎在崑山片場,被武指打爆眼,要即時瞓低止血。
上月 25日,鄭嘉穎在崑山片場,被武指打爆眼,要即時瞓低止血。

鄭嘉穎以凱輝顧問公司購入柏景灣,凱輝公司則由鄭母徐筱蜜一人持有。
鄭嘉穎以凱輝顧問公司購入柏景灣,凱輝公司則由鄭母徐筱蜜一人持有。

創新高

入行二十二年,鄭嘉穎經歷多次事業高低潮,但真正爆紅,是去年接拍了內地劇《步步驚心》,一劇打通內地市場,加上擸埋無綫雙料視帝,事業爬上高峰,一年密接六個內地劇,賺超過半億,變成賺錢金蛋,成為 TVB藝人的奇跡。

最近嘉穎更以破頂價,每集五十萬接拍內地劇《葉問 II》,三十集袋走一千五百萬。「《葉問》啱啱先拍完,套劇都仲未播,但投資方已經一早傾定嘉穎再合作拍《葉問 II》,為咗搶到佢嘅檔期,對方仲開到五十萬一集俾佢,比上次拍《葉問》時三十五萬一集,加幅近五成,個價咁高,同喺 TVB拍劇一萬一集,根本無得比。」嘉穎身邊人說。

印銀紙一樣,但嘉穎為拍《葉問》搞到周身傷,早前還被武指打爆眼,要立即返港入院縫針,付出代價也不少。

「嘉穎無武功底,但佢知道套劇有好多武打場面,一早已經好落力操 fit啲,一得閒就打網球、游水練氣,不過集集打,都好吃力!嚟緊《葉問 II》要再拍多三個月,賺嘅都係辛苦錢。」

《葉問》已經煞科,但嘉穎依然無得抖,事緣他一口氣接了九個內地活動,並以一千二百萬接了一個內地廣告。

「之前拍《葉問》啲檔期就唔到,推咗好多 job,所以要趁空檔還債,所以呢排佢都係上海北京咁飛,連十九號無綫台慶,都係特登飛返嚟一日,完全無得休息!」

貴為無綫賺錢金蛋,鄭嘉穎打爆眼返港,高層樂易玲親自安排他入院做縫針手術,全程跟到實
貴為無綫賺錢金蛋,鄭嘉穎打爆眼返港,高層樂易玲親自安排他入院做縫針手術,全程跟到實。

《步步驚心》八阿哥角色,為鄭嘉穎打開內地市場
《步步驚心》八阿哥角色,為鄭嘉穎打開內地市場。

鄭嘉穎最愛打網球,拍《葉問》前,不停狂操,今年八月,本刊便拍得他到樂富球場打波
鄭嘉穎最愛打網球,拍《葉問》前,不停狂操,今年八月,本刊便拍得他到樂富球場打波。

雖然賺錢第一,但 19號台慶,嘉穎依然返港同無線賀壽
雖然賺錢第一,但 19號台慶,嘉穎依然返港同無線賀壽。

搞公司

居安思危,鄭嘉穎一直有計劃將辛苦錢換成磚頭,孝順的他家人優先,今年八月,以一千零八十萬,購入柏景灣千呎單位,據土地註冊處資料顯示,上述單位以鄭母個人名義的凱輝公司持有。

「呢個係嘉穎十幾年來嘅心願,依家搵到錢,佢第一時間叫阿媽睇樓,揀啱心水就買,嘉穎媽咪一直住喺大角咀區,識落唔少街坊,所以揀番附近嘅柏景灣,方便約啲舊街坊飲茶,另外嘉穎仲買多一層送俾細妹!」

除了做孝順仔,嘉穎還有另一個多年心願,亦快將達到,明年他將會成立自己的製作公司。

「幾年前佢已經成日話要開自己嘅製作公司,但嗰時佢根本無本錢,嘉穎好明白做幕前做唔到一世,所以會好好把握嚟緊呢幾年黃金時間,儲多啲錢,鋪好後路。」知情者說。

印銀紙

劇價50萬新高 鄭嘉穎換磚頭孝敬阿媽

拍完《步步驚心》後,鄭嘉穎在內地火速走紅,身價暴升,更帶挈他成為無綫最吸金小生,由去年十月至今,鄭嘉穎中港共接拍了八部劇集,年賺超過 7,000萬。



友荐云推荐