跟「撻沙哥」彭懷安開菜館 朱慧敏揸數做老闆娘

已離開處境劇《愛·回家》的朱慧敏,男友Eddie(彭懷安)在《使徒行者》憑「撻沙哥」黑道大佬角色出晒位,見女友又被公司冷凍,隨時成為失業軍,決定情侶檔到西環開菜館,強攻飲食業。

「撻沙哥」做開茶餐廳,有支盲公竹帶路,朱慧敏由零開始,由樓面裝修到入貨,全部攬上身,更打算開張大吉後,打躉做埋樓面收銀。

跟「撻沙哥」開菜館 朱慧敏揸數做老闆娘

夫唱婦隨

《愛·回家》換血,無得留低的朱慧敏,雖然跟無綫尚有年多合約,但唔想在幕前死守等運到,朱慧敏於數月前開始為自己鋪定後路,跟男友「撻沙哥」學做飲食。放下藝人身段,朱慧敏聽晒男友話,落手落腳乜都做,務求盡快上手。

「冇得做《愛·回家》,加上見公司裁員縮皮, Queenie(朱慧敏)自己知自己事,就算有得續約,分分鐘要減薪減騷。佢見自己都三張,咪把心一橫,跟男友學做生意囉! Eddie嚟緊喺西環開菜館,分咗啲股份俾佢,趁得閒, Queenie成日落鋪睇裝修,入貨請人乜都做,將來正式開張, Queenie話落埋去睇鋪,早幾個月,佢已經成日落 Eddie間華星冰室坐鎮做收銀,學管理。」知情者說。

跟「撻沙哥」Eddie(彭懷安)開菜館 朱慧敏揸數做老闆娘
上週六 4/10
得男友「撻沙哥」分菜館股份,將做老闆娘的朱慧敏,當日跟住男友去西環新店睇裝修,全程聽佢指揮。
跟「撻沙哥」開菜館 朱慧敏揸數做老闆娘
據悉菜館下月底開張, Eddie同朱慧敏會碌盡人情卡請圈中人到場試菜。

男友教路

上週六(十月四日),朱慧敏跟 Eddie拍拖到西環,將於十一月開張的新菜館「華星客棧」,了解裝修進度;只見她乖乖跟在男友後面,留心聽對方如何指揮督工。
交帶完,兩人再過海去旺角睇餐飲廚具,由湯勺到蒸爐, Eddie逐一向女友教路如何入貨。之後,二人又返去冰室打躉,巡迴西環旺角筲箕灣。

跟「撻沙哥」開菜館 朱慧敏揸數做老闆娘
《使徒行者》播完,但染白鬚的 Eddie,仍然搣唔甩黑幫大佬味。
跟「撻沙哥」開菜館 朱慧敏揸數做老闆娘
之後殺落旺角買廚具,一個煲抑或一個湯勺點揀,朱慧敏都要「撻沙哥」教路兼頻問要入幾多貨。

男尊女卑

以往女尊男卑,不過風水輪流轉,組合 EO2成員 Eddie兩年前開冰室做老闆,睇數、樓面落單、廚房出餐落手落腳做,結果搏出錢途,兩年內冰室由一間變四間。
吸金力強過女友,幕前工作亦開始起運,做足十二年古惑仔角色, Eddie近日終於「紮職」,在剛播完的《使徒行者》中飾演黑幫坐館「撻沙哥」,連「契大佬」監製戚其義都讚。男友事業成績爬過頭,恭喜朱慧敏。


幫新鋪訂晒貨,跟住男友搵食嘅朱慧敏,繼續陪對方返筲箕灣嘅華星冰室睇鋪。一齊做生意,大條道理做跟得夫人。

當初開冰室為慳人手, Eddie要落埋場做洗碗,創業辛苦。
EO2出身的 Eddie,跟陳奕迅、許志安等 friend爆,他們常到冰室打躉撐 Eddie。
EO2出身的 Eddie,跟陳奕迅、許志安等 friend爆,他們常到冰室打躉撐 Eddie。


近日《愛·回家》借劇情發展,乘機將「律師樓」演員換血。主角之一的朱慧敏一早搵定路數,跟男友從商。

繼續做大佬


電影《黑白戰場》

02年出道的 Eddie,憑住光頭加黑超的殺氣 look,同年在電影《無間道》有份客串做曾志偉(韓琛)手下。可惜電影上畫, Eddie戲份被刪,最後剪剩隻手出鏡,幫曾志偉開車門。

演古惑仔入型入格,多年來在電影及電視劇多被分派行先死先的壞蛋角色,做人「條o靚」十二年終奸出頭,今年在《使徒行者》由古惑仔升做黑幫坐館。拍攝新劇《以和為貴》繼續做大佬,同主角馬德鐘戲份平起平坐。

反超前

在娛圈發展,女藝人上位搵錢比男藝人快,尤其是情侶或者夫婦,不時出現女尊男卑落差,但男人襟睇其實更着數,只要時機一到,隨時超前。

張智霖 袁詠儀
Chilam由拍拖到結婚,事業成績一直不及初出道便攞影后的老婆袁詠儀,不過近年太太專心湊仔少做幕前,而防腐 Chilam則愈戰愈勇, Cool魔一角再谷一谷,電影個唱加返內地賺人仔,吸金能力早已遠超另一半。

張晉 蔡少芬
出身武指的張晉,一直被標籤為「蔡少芬老公」,但自憑《一代宗師》奪香港金像獎「最佳男配角」後,即時逆轉,人氣大增的他,拍廣告拍電影,賺錢能力不斷颷升。

评论回复