嚴防余文樂 吳雨霏男友 一家親逼婚

去年同余文樂瞬間玩完的吳雨霏,早兩個月公開承認翻撻青梅竹馬、被稱網球王子的前前度洪立熙( Brian);打鐵趁熱,男友索性進駐 Kary的香閨,又放風要將女友全面私有化; Kary亦高度配合,表明有閃婚可能。
志在必得, Brian加大力度,積極向未來外父、外母採取近攻,陪住 Kary一家五口外出 shopping,當女友同媽咪埋頭血拼, Brian就傍實 Kary爸吹水解悶,同半邊仔冇分別。
即使余文樂仍不時借故聯絡 Kary, Brian都冇有怕。

嚴防樂仔 Kary男友 一家親逼婚

打鐵趁熱

在教會撞番舊愛吳雨霏,已由網球王子變身成 I-banker的洪立熙決定咬住唔放,翻撻兼同居,甚至計劃結婚。
「兜兜轉轉都走番埋一齊, Brian話覺得今次係真,好想同 Kary一齊面對未來,一齊展開人生另一個段落。」 Brian身邊人透露。
男友想拉埋天窗, Kary亦公開透露自己的心意:「順其自然啦,都希望到時(求婚)有驚喜,不需要大龍鳳,只要有誠意,畢竟一生人一次。」 Kary說。
和余文樂分手超過一年,但有指對方卻不時以送波鞋借故聯絡, Kary雖然冇落疊,但 Brian仍不敢鬆懈,全面嚴防。早個禮拜, Brian做跟得男友,陪女友一家五口到中環 shopping,由 Gucci開始,連環掃到去雪廠街 Comme des Garcons, Kary母女血拼, Brian就陪住準外父和 Kary細佬妹在門外等候,三人有講有笑,非常熟落。

嚴防余文樂 吳雨霏男友 一家親逼婚
同 Kary打得火熱的 Brian放棄二人世界,孖住女友父母 shopping家庭樂。
嚴防余文樂 吳雨霏男友 一家親逼婚
09年 Kary同青梅竹馬的 Brian撻着,兩人放狗後返回女方位於跑馬地的住所,戀情曝光。

多次和 Kary分分合合的 Brian, 11年女友初踏紅館開演唱會,他親自送花上台,二人還當眾擁抱。

Kary睇女裝, Brian全程傍實俾意見,有講有笑, sweet爆。

發現有記者, Kary大方任影,反而 Brian不慣面對鏡頭,表現避忌。

Brian同 Kary老豆、細妹傾住偈,等在店內血拼的 Kary。

靈活走位


Kary早前豪擲百萬買波子,近日已成為男友 Brian的專屬坐駕。

之後轉場去隔幾個鋪位的 Isabel Marant, Kary睇衫,老豆傍實俾意見, Brian立即執生,陪住 Kary媽。
逗留大半小時離開,見到記者, Kary對住鏡頭微笑,殿後的 Brian則刻意避開鏡頭,但過馬路時,仍忍唔住輕攬女友。合家 shopping兩個鐘,晚上八時, Kary家人離開,留低她同 Brian拍拖。
「 Brian同 Kary兩家人識咗好耐,可以話係世交, Kary爹哋媽咪對佢印象好好, Brian要行外父外母政策,絕對係事半功倍。」 Brian身邊人說。

空檔玩散


同余文樂拍拖半年即散,快來快去!

10年, Kary與洪立熙宣布分手,但由於跟對方是青梅竹馬又是世交,關係藕斷絲連,即使期間有過幾段圈中情緣,但一律是快餐,冇下文。

余文樂
二人去年於赤柱拍拖斷正,戀情正式公開,其後有指余文樂對舊愛黃伊汶念念不忘,戀情維持大半年就玩完。

馬天佑
12年,多次被拍到與形象指導馬天佑夜蒲,更不避嫌上載二人合照晒幸福。

林德信
11年找來 Lam仔林德信( Alex)做 MV《我本人》男主角,二人一撻即着, Kary送上門到男方位於中環唐樓寓所,過夜斷正。

周柏豪
11年,被踢爆共度情人節,出席公開活動時更以情侶裝示人,但大家都係玩散心態,無下文。

评论回复