《玩嘢王》李思捷詐醉鬧事 林盛斌Bob爆粗

無綫節目成日被人批評越做越差,最近李思捷主持嘅《玩嘢王》終於爭番口氣,前晚播出嘅第一集好評如潮,連一向寸人唔留情嘅網友都激讚,話笑到肚攣,仲好有當年吳耀漢嘅《攪攪震》嘅幽默本色!成晚俾人整蠱得最犀利嗰位係阿Bob林盛斌,佢做咗一場假婚宴嘅司儀,遇到扮嘉賓嘅李思捷醉酒鬧事、結婚蛋糕冧咗、舊愛搶新娘同新娘契爺受刺激暈低連串突發事件,聽講佢喺休息室狂爆粗口,最後被監製剪晒啲不當用語。

雖然思捷嘅整蠱兵團好逼真,但都俾部份網民質疑造假,Bob噚日喺電話度講:「唔係,因為行內人都知,好多朋友間幫上幫做job,去到啲婚宴見到導演、攝影師係識嘅都唔出奇,今次佢哋製作好認真。」

《玩嘢王》李思捷詐醉鬧事 林盛斌Bob爆粗
■阿Bob知道自己俾人整蠱,自爆當時個腦一片空白。電視圖片

《玩嘢王》李思捷詐醉鬧事 林盛斌Bob爆粗
■阿Bob嬲到火燒,喺休面息室入狂爆粗,但片段被監製全部刪走。
電視圖片

《玩嘢王》李思捷詐醉鬧事 林盛斌Bob爆粗
■蛋糕突然跌落地,阿Bob執生說落地開花,富貴榮華。電視圖片

《玩嘢王》李思捷詐醉鬧事 林盛斌Bob爆粗
■明明講好嘅一千蚊冇咗,令阿Bob O晒嘴,台下即爆粗狂鬧伴郎。
電視圖片

《玩嘢王》李思捷詐醉鬧事 林盛斌Bob爆粗
■沈卓盈俾《玩嘢王》整蠱完,竟然話希望更多人中招。

沈卓盈保守秘密

咁多難題要處理,Bob承認忍唔住爆粗:「最勞氣係抽獎利是一千變二十,我幾尷尬呀!返房我用好多助語詞鬧個伴郎,成晚嘅助語詞可以拍幾部《低俗喜劇》,監製笑住話要成段刪。」堅嬲?Bob話:「冇,玩吓唔緊要,最慘係冇咗封婚宴利是,只得一個騷啫。」聽聞Bob變成被玩對象,係睇準佢做嘢時上心,唔會有事行咗去就算,見到Bob好man咁衝去攬住思捷唔畀佢搞事,唔見一封婚宴利是,但被人封做執生王,日後大把人搵,實補得番數啦!

曾被玩嘅沈卓盈噚日返電視城為《玩嘢王》錄影,佢話之前俾人整完一路守住秘密,係希望更多人中招:「啲同事好易俾人整到,因出晒通告真嘅一樣。」而下一集就會播馬賽被整蠱嘅片段,令人好期待。

友荐云推荐

歡迎關注微信

微信
官方微信號:hkchannel

微博評論

返回頂部