玩謝吳卓羲 傅嘉莉秘戀富二代

28歲中德混血兒傅嘉莉(Kelly),入行十年,客串過電影、拍過廣告,依然無助星途,去年趁電視圈鬧花旦荒跳入無綫拍重頭劇《衝上雲霄II》演新加插角色,劇情講佢鍊贏胡杏兒同吳卓羲(Ron)步入教堂!運氣好到冇人有!

劇集拍畢半年,傅嘉莉忽然自爆跟Ron戲假情真撻着,即時由寂寂無聞奀模人氣急升「吳卓羲緋聞女友」,出活動、做訪問,例必將「戀情」掛口邊,講到似層層;據可靠消息,傅嘉莉本身有拍拖半年富二代男友!難怪食咗大大隻死貓的吳卓羲嬲到爆啦!

(第817期《東方新地》)

東方新地 第817期:玩謝吳卓羲 傅嘉莉秘戀富二代

傅嘉莉在《衝II》中飾機場咖啡店職員,劇中越級向吳卓羲飾演的機師Issac主動求愛,《衝II》有一線花旦陳法拉、胡杏兒,加埋客串演Captain Cool床伴的「索腿天后」陳敏之、「新姣精」朱璇及「新咪神」梁政珏,論樣貌論人氣,可謂有排輪唔到傅嘉莉,但現實中的她,同樣主動、目標為本,識得自製話題上位,5月時向雜誌放料指拍《衝II》時,吳卓羲知她愛吃糖水,故晚晚萬歲外賣糖水,又指Ron大唱低能歌冧她,6月時更愈講愈過火,自編跟Ron拍拖說:「我哋啱啱開始,佢好俾心機拍劇,唔想打擾大家嘅事業。」

明明冇食,慘被借過橋、硬食死貓的吳卓羲當然扯晒火,日前接受本刊訪問時,鬧爆傅嘉莉博宣傳說:「話同我一齊、啱啱開始?唔好講啲唔係事實嘅嘢囉!無論以前、依家定將來都唔會有拍拖呢件事發生喺我同佢身上!」

慘遭踢爆的Kelly直言受傷害,周日(8月4日)透過電話向本刊回應稱:「佢咁唔大方,會有唔開心,對佢咁強烈反感,覺得好無奈!」搞咁大場大龍鳳,扮晒受害者,其實Kelly本身名花有主,有拍拖半年富二代正印男友。

微博發功

東方新地 第817期:玩謝吳卓羲 傅嘉莉秘戀富二代
6月21日,傅嘉莉在報章訪問自爆跟吳卓羲「啱啱開始」,被吳的fans狂轟,兩日後(6月23日)她在微博留言:「我們總是會去在意別人的言論,不敢做自己喜歡的事情,追求自己想愛的人,害怕淹沒在飛(蜚)短流長之中。」暗示Ron怕別人的言論而不敢追求所愛。

東方新地 第817期:玩謝吳卓羲 傅嘉莉秘戀富二代
7月30日,吳卓羲扯火鬧傅嘉莉博宣傳的訪問刊出,傅嘉莉在微博留言「沈(沉)默只會給對方機會去傷害自己」反擊,借人宣傳仲扮委屈!

香閨過夜

Kelly的外籍富二代男友羅博文(Charles),於中環荷李活道一間投資公司任職資產管理職務,曾於法國興業證券、新鴻基期貨及新鴻基投資等任職,年僅27歲,比Kelly細一歲,堪稱年青有為。羅父為私人執業資深大律師羅正威,事務所設於中環黃金地段,家境富裕。

據悉,兩人半年多前由朋友介紹認識,一向愛「湊鬼」的Kelly旋即一拍即合,火速撻着,更極速進展至半同居關係,男友經常於Kelly香閨過夜玩通宵!

傅嘉莉Kelly與外籍富二代男友羅博文(Charles)

髮腳微濕

日前(7月25日),傍晚7時許,身穿惹火小背心、髮腳微濕的Kelly與男友在其銅鑼灣寓所的後街乘的士外出,會合朋友到跑馬地「正斗」吃粥麵,飯後再齊齊到朋友家作客,可見關係在朋友間早已公開。

數日後,(7月30日)晚,男友下班後到訪Kelly香閨,一直至翌日(31日)早上9時45分才見其男友睡眼惺忪架眼鏡離開,熟練往後街截的士上班。當日下午,Kelly因近日跟吳卓羲的戀聞罕有獲邀出席收費活動,只見她收工後急急乘的士返家,傍晚化濃妝換上戰衣趕抵中環,急步行至都爹利街會合男友,氣來氣喘趕到,男友卻不識趣猛講電話,激得 Kelly黑面扁嘴大興問罪,後來男友收線解釋一輪,Kelly才息怒,又再開開心心去街。

傅嘉莉Kelly的外籍富二代男友羅博文(Charles)
抽畢一支煙,Charles又再返回辦公大廈繼續工作。周日(8月4日),本刊就有否請教任職資產管理的男友投資之道問Kelly,她坦承:「都有傾對經濟嘅睇法,但其實收咗工,好少仲要佢講公事。」

Charles不僅投資有一手,打波一樣難不到他,在學時已是籃球校隊的他,今時今日仍熱衷參與業餘籃球賽事,問有否看過男友球場上英姿,她說:「仲未睇過呀!」

傅嘉莉:對方未必想公開

周日(8月4日),就跟富二代相戀致電傅嘉莉,她默認拍拖,但因顧慮到對方關係,而不欲多談。

記= 記者  傅=傅嘉莉

記:影到你同一個叫羅博文嘅男仔來往好密,係咪拍拖?
傅:雖然我喺香港土生土長,但一向鍾意結交外國朋友,佢喺外國返嚟,大家幾啱key、感覺幾好!
記:影到佢上你屋企過夜!
傅:佢係有上我屋企,我唔記得佢幾點走,或者等我睇咗相先再講。
記:係咪公司唔俾公開?
傅:唔係,感情唔止involve一個人,對方未必鍾意咁高調;而且我嚟緊仲會幫TVB拍劇,TVB希望盡量唔好有咁多其他新聞。
記:佢爸爸係大律師,家境唔錯,算係富二代!
傅:我只知佢靠自己,同埋佢唔太鍾意透露有關屋企嘅嘢。
記:你擇偶條件首要有才華,佢符合?
傅:佢幾叻仔,其他嘢唔方便講。

傅嘉莉身材只得34B
傅嘉莉身材只得34B,當然不是近年愛玩國產乳牛的吳卓羲杯茶。現年28歲的傅嘉莉,年出道時有「翻版徐子淇」之稱,曾客串過港產片《無間道》、《人約離婚後》等,亦與唐詩詠等拍過《當四葉草碰上劍尖時》,惟無助人氣;捱足十年,今年終開竅識得借自製緋聞上位。

友荐云推荐

歡迎關注微信

微信
官方微信號:hkchannel

微博評論

返回頂部