25歲潘曉彤轉行做空姐 離開無綫嫁老外

現年25歲,於93年加入大台任兒童節目做小演員嘅潘曉彤,不經不覺喺大台打滾20年,其間佢都參與過唔少劇集演出,仲同伍詠薇﹑馬國明等合作過。在無綫已打滾20年的她,最終放棄童年夢想的演藝工作,去年決心投考國泰空姐,現已成功衝上雲霄,展開全新的空姐生活。

噚日下午,潘曉彤喺微博宣佈離開長大嘅地方──TVB,事關曉彤已經大個女,快將踏入人生另一階段,佢要結婚呀﹗

曉彤喺微博貼咗張攬住相信係未婚夫Sweet相,不過未婚夫只係背住鏡頭,未有見樣,但外形就似足老外。

25歲潘曉彤大個女 離開無綫嫁人去

曉彤喺微博分別打咗兩段感性留言,佢先交代離開TVB一事:「二十年了,我為了過更好的生活離開了我長大的地方:TVB。我好感恩,在過去一段時間經歷不少磨練,成長了不少;去到新的地方工作也發現原來希望真的在明天。果然,為了過更好、更開心的生活,this is one of the best decisions I have ever made。 」

之後再交代自己快做人妻,仲話自己雖然愛演戲,但未知將來會否繼續當演員,佢話:「其實我無需要公開交代些什麼,不過各位觀眾同事伴我成長,心裡好想跟大家説一聲再見。現在的我處於經歷多種改變的人生階段,其中最大的是:我將要出嫁了!我熱愛演戲,但真的不知道日後會否再當演員,隨緣吧!希望日後有機會再次跟各位在螢幕上見面!多謝各位的愛,和一直的支持及鼓勵! 」

而伍詠薇都送上祝福:「支持你一切決定。祝福你一切順利,心想事成我們壯士們,替你高興你懂的。」廖碧兒則說:「Congratulations!! Wishing u all the best」

潘曉彤因為《金枝慾孽(貳)》跟伍詠薇義結金蘭,對於好姊妹退出和婚訊伍姑娘都一清二楚,她說:「我梗係乜都知喇!我哋係金枝『六壯士』,上個禮拜約食飯,嗰日知佢訂婚,我哋幾個女仔都感動到眼紅紅。」潘曉彤由童星做起,經驗豐富,伍姑娘亦覺得可惜,她說:「佢幾好戲,但係做來做去都冇新角色,一路都掙扎緊,一方面想搵多啲錢,又奈何出面冇咁多out job。你知啦,公司咁多人,我估計係咁樣喇!佢好鍾意錢!哈哈哈!係我話嘅,咁所以佢要生活,都咁多年,咪考空姐。」

潘曉彤退出娛圈嫁老外

伍姑娘透露潘曉彤與老外男友即將訂婚,她說:「有乜等佢公佈啦,祝福佢,等佢請飲,最緊要得到快樂,搵到真愛,事業心唔係太重,搵到真愛最緊要。」有否見過潘曉彤的男友?伍姑娘說:「見過喇,唔係中國人,不過唔記得佢乜嘢人,係very nice guy,佢兩個係一對活寶貝,所以我哋班女仔都好戥佢開心。」

评论回复