李璨琛拍拖兩年的圈外女友梁志瑩共諧連理,筳開39席設宴親朋,一向前衛的他梳了個「牛脷酥」十分搶鏡,並以歌曲《天梯》作為愛的宣言,李璨琛外表前衛內裡怕醜,當要求跟太太當眾接吻竟是他紅了面。

新郎哥李璨琛率領16兄弟團,浩浩蕩蕩的往北角酒店迎娶新娘子梁志瑩,一對新人簽紙儀式過後,乘坐花車出巡行大運,之後雙雙會見傳媒,二人溫馨的接受訪問,李璨琛表示接新娘過關時最難頂是與兄弟一人一邊咬甩蕉皮,而又透露開門利是是4位數字,他謂:「好順利,有少少淚光。」

晚上設宴不少圈中人紛紛到賀,場面星光熠熠。

李璨琛梁志瑩結婚

激咀靚老婆 李璨琛好肉緊呀
2012-11-17 16:48:00

李璨琛梁志瑩結婚
喺記者面前咀嘴就話驚啫,註冊禮成呢個情深一吻,一定要啦﹗

講到接新娘,李璨琛當然少不免要讀愛的宣言。姊妹團安排佢將《天梯》嘅歌詞讀一次,表現生硬嘅琛仔話自己係有少少緊張,個身仲有少少「興」。問到新娘子覺得老公李璨琛表現成點?戴住兩卡婚戒嘅Pae好冧咁話:「在心中。」

噚晚琛仔按傳統做上頭儀式,至於有冇家全之寶交畀太太,琛仔話:「我咪家全之寶囉﹗」講到同太太如何結緣,佢就話:「有一次同一班男仔朋友去大浪灣游水,見到成班女仔,就埋去媾佢,當時佢唔係太騷我;後嚟喺另一個場合再見到,之後就開始一齊,經歷一次求婚就成功喇﹗」一對新人明年先去馬爾代夫渡蜜月,計劃兩年後生仔。

李璨琛梁志瑩結婚
讀誓詞嗰陣,琛仔話自己都眼濕濕。

張達明癌病初癒 快閃李璨琛婚宴
2012-11-17 20:17:20

患癌暴瘦30磅嘅張達明,久休後正康復階段,佢都趁李璨琛今日大婚出嚟湊吓熱鬧。見佢戴帽著咗外套,因為接受化療,令皮膚仍然較為黝黑,猶幸精神唔錯,見到記者,仲笑晒打招呼,俾大家影相,回復昔日鬼馬本色。

達明嚟到琛仔婚宴場地逗留15分鐘就走,佢話:「最近好番好多,留低食飯唔係咁好,好開心,琛仔好靚仔。」問到佢近排嘅狀況,達明就話:「OK﹗多謝關心﹗」

李璨琛梁志瑩結婚
大病初癒嘅張達明,笑晒同大家揮手,精神不俗。
李璨琛梁志瑩結婚
達明話依家康復進度OK,叫大家放心﹗
李璨琛梁志瑩結婚
張達明喺李璨琛婚宴上逗留咗15分鐘先走。
李璨琛梁志瑩結婚
出入暫仍需友人攙扶,但明顯達明嘅情況已經好番好多。加油呀﹗
李璨琛梁志瑩結婚
入嚟嗰陣仲整蠱做怪,no problem啦﹗

劉浩龍單拖去飲 一提祖兒﹕「超﹗」
2012-11-17 20:23:44

容祖兒近日被何韻詩出櫃單嘢搞到頭都大埋,又傳祖兒自韓國返港後,一直閉關,情緒低落。佢男友劉浩龍今晚就單拖出席李璨琛喺北角嘅婚宴,被問到點解唔帶女朋友嚟,劉浩龍好輕佻咁回應:「超﹗」

等到電視台同佢做訪問,劉浩龍就笑到四萬咁嘅樣話:「恭喜李璨琛結婚。」問佢今次係咪嚟取經?劉浩龍扯開話題:「祝李璨琛年生貴子,三年抱兩。」咁係咪勾起佢結婚成家嘅念頭先?劉浩龍即刻話:「李璨琛call我喇,要入去先喇﹗」

李璨琛梁志瑩結婚
你睇劉浩龍幾紅﹗幾多咪牌「隊」住佢﹗

Edison都驚緋聞? 快閃避索模
2012-11-17 20:49:53

同自己舖頭Sales Angela搭上嘅陳冠希,最近大晒同女友嘅恩愛合照,唔介意話畀大家知,女友Angela係佢台灣舖頭Juice嘅售貨員,畀女友一個名份。好冧喎﹗

今晚Edison都有出席李璨琛嘅婚宴度。起初獨自步行到酒店嘅Edison,原先喺酒店旁嘅側門進入,經傳媒要求下,Edison好合作咁走番去正門,畀大家影相,點知咁啱又係嚟飲嘅0靚模黃芝棋同時行到門口,大家誤以為佢哋係約埋一齊嚟飲,仲叫佢哋一齊影合照。

當時Edison都未知發生咩事,只係覺得有啲奇怪:直至有人問Edison係咪約埋黃芝棋一齊嚟嗰陣,Edison即刻煞有介事兼好認真咁話:「唔係呀﹗」即刻掉頭走人,免得被誤傳緋聞。

李璨琛梁志瑩結婚
本來行側門嘅陳冠希,應記者要求行正門俾大家影相。
李璨琛梁志瑩結婚
點知中途殺出0靚模黃芝棋。李璨琛梁志瑩結婚
大家仲以為佢兩個係約埋一齊嚟,所以要求佢哋合照。
李璨琛梁志瑩結婚
Edison一聽到記者以為佢哋約埋嚟飲,嚇到走都走唔切呀。

嘉賓陸續到 個個趕住走?
2012-11-17 20:53:23

去飲李璨琛同太太梁志瑩Pae婚宴嘅賓客,陸續到達婚宴場地北角海逸君綽酒店,當中包括吳彥祖伉儷、張兆輝伉儷、洪天明、唐文龍、黃柏高、關禮傑、梁漢文、蘇永康、JJ賈曉晨、黃子華、錢國偉及蔡一傑等。

黃柏高匆匆到場放低禮物、逗留10分鐘就離開,而經常婚宴飲醉嘅梁漢文話,今日盡量唔飲醉,因為8點幾就要走,因為有騷要做,梁漢文話:「我經常見到一對新人出席一啲場合,見到佢兩個好夾。」徒步到場嘅JJ賈曉晨就話,佢係趁拍攝空檔時間趕過嚟,又話打完招呼就走。乜李璨琛嘅朋友真係忙咯﹗

李璨琛梁志瑩結婚
賈曉晨同梁漢文似乎都好忙吓,女嗰個要開工,男嘅要開騷。都係逗留一陣就走。
李璨琛梁志瑩結婚
Paco匆匆到場,放低禮物、逗留10分鐘就走。
李璨琛梁志瑩結婚
張兆輝同關禮傑
李璨琛梁志瑩結婚
吳彥祖、Lisa S
李璨琛梁志瑩結婚
錢國偉外套都未著好就趕入場。
李璨琛梁志瑩結婚
蔡一智
李璨琛梁志瑩結婚
洪天明單拖到場,老婆大人周家蔚就乖乖喺屋企安胎。
李璨琛梁志瑩結婚
黃子華幾靚仔﹗

志偉日日飲醉 今晚又要打橫出去
2012-11-17 21:22:33

李璨琛嘅婚宴真係星光熠熠,姍姍來遲嘅仲有陳奕迅伉儷、何超儀夫婦,當然唔少得近日每次婚宴都有佢份嘅曾志偉。由杜德偉結婚到樂樂盈盈擺酒,呢幾晚志偉都不醉無歸,佢話:「今晚送禮金﹗會飲盡去,呢兩個月多飲宴,醒完又瞓,好辛苦,飲埋今餐可以抖一抖。」其實去飲都係一齊慶祝求開心,志偉晚晚飲到盡,梗係辛苦啦。

李璨琛梁志瑩結婚
陳太徐濠縈姍姍來遲,一落車個樣咁驚恐嘅?
李璨琛梁志瑩結婚
好彩有個背後男人吹神扶住。
李璨琛梁志瑩結婚
曾志偉話飲埋呢餐就可以抖一抖喇﹗
李璨琛梁志瑩結婚
JJ同傳過緋聞嘅錢國偉一齊走,小心又俾人傳「一齊失蹤3粒鐘」呀﹗
李璨琛梁志瑩結婚
愛情得意嘅滕麗名。
李璨琛梁志瑩結婚
沈嘉偉
李璨琛梁志瑩結婚
新郎哥出嚟派利是喇﹗恭喜恭喜﹗
李璨琛梁志瑩結婚
蘇永康一馬當先…咦,得你一個嘅?
李璨琛梁志瑩結婚
心急得滯,女友跟唔切你嘅步伐呀﹗



友荐云推荐