《使徒行者》佘詩曼揭林峯千語BB蜜蜜傾

最近林峯跟佘詩曼拍攝無綫新劇《使徒行者》,前晚於新蒲崗進行外景拍攝。劇中兩人由歡喜冤家發展到甜蜜情侶,阿佘就大爆林峯每日於她身邊上演何為甜到漏。阿佘笑說:「佢哋真係好Sweet!(甜親你?)我都仲頂得住嘅。」

林峯與佘詩曼前晚到新蒲崗為《使徒行者》拍攝外景,提到日前有報道指林峯跟吳千語已同居有3個月,林峯說:「無咁嘅事,唔好再亂作啦,呢啲新聞唔回應!」提到報道亦指他只顧跟千語BB傾電話,跟對手貝安琪零交流。他說:「好搞笑,當日拍車戲唔需要交流啫!劇中貝安琪鍾意我,同佢第一次合作,返廠有好多對手戲,所以有好多溝通。(會有咀戲?)會有曖昧囉。」

阿佘則表示跟林峯開工不談私人事,所以不知他有否跟千語BB同居,但大爆他們拍拖甜到爆,指林峯不用埋位時經常和千語BB傾電話,問到可有被甜親?她笑說:「我都仲頂得住嘅。」對此,林峯笑說:「正常,我都成日請佢食甜品、糖水。」

呼籲舊同事「愛回家」

另外,提到香港電視開台無期,可擔任心過檔的舊同事生活問題。林峯坦言沒有太了解整件事,但認識的舊同事仍然有開工。而阿佘就希望台前幕後的朋友們,可以盡快有新工作及出路。問到可會響應「愛回家」,幫忙呼籲舊同事回巢?她說:「公司一向都歡迎o架!」

揭林峯千語BB   蜜蜜傾阿佘羨慕:佢哋好Sweet
阿佘的紅色皮褸,與天橋底完全格格不入。

揭林峯千語BB   蜜蜜傾阿佘羨慕:佢哋好Sweet
林峯與佘詩曼為新劇「勇闖」天橋底。

揭林峯千語BB   蜜蜜傾阿佘羨慕:佢哋好Sweet
林峯原來經常請阿佘食甜品同糖水,莫非當係掩口費?

揭林峯千語BB   蜜蜜傾阿佘羨慕:佢哋好Sweet
看到拍拖如此Sweet,未知可有令阿佘想再拍拖?

评论回复