《名媛望族》大結局整晚回憶 男人一晚跪7次

樂易玲之前先至話,無綫節目老少咸宜,又話TVB係龍頭大哥,不係因為霸道,而是做得好才有這些收視。仲話無綫劇一定要正面,暗踩對台王維基「製作公司」嗰啲太偏鋒,樂小姐話唔敢俾自己個仔睇。

咁噚晚套《名媛望族》就一定一定好正面,最尾兩集簡直係男人懺情大典,單係劉松仁認錯認以前花心,都已經認咗一集嘅時間。兩集戲重點,除咗睇回憶,仲有睇男人點樣跪同認錯懺悔。

1.先係一開始劉松仁向韓瑪莉認錯,多謝佢咁多年嚟嘅包容。
2.之後再向朱晨麗認錯,呢次冇跪;但之後就拉埋朱晨麗一齊跪喺韓瑪莉面前,話以後一齊好好照顧大媽。
3.吳卓羲喺樹林伏到朱晨麗,向佢跪低認錯
4.韓瑪莉死,不孝子王浩信跪喺家門前認錯。
5.王浩信向李思欣跪低認錯,話以後唔再傷害佢同腹中兒子。
6.王浩信返鍾家,向劉松仁跪低認錯。
7.最後嗰場,不過係回憶,回憶劉松仁跪低向楊怡求婚。
8.仍然係最後嗰場,劉松仁下跪,再次向楊怡求婚。

兩集劇約82分鐘,total班男人跪咗7次。又話男兒膝下有黃金,監製安排眾男咁樣左跪右跪,可能就係為咗凸顯班男人幾咁尊重女性。或者cctvb應該學梁振英的語言偽術: 「我冇講過呢套唔係膠劇。」真係膠到,都冇咩網民想鬧或者討論,就連點解堂堂大狀劉松仁都冇醫學常識、唔識幫韓瑪莉做心外壓救番佢、反而睇住佢死,網民都費事鬧。


劉松仁拉埋朱晨麗向韓瑪莉下跪。

吳卓羲向朱晨麗下跪

跟住王浩信向李思欣跪。

王浩信跪完李思欣,再向老竇劉松仁下跪。

回憶中,劉松仁向楊怡求婚時跪。

劉松仁第二次向楊怡求婚,又跪。

記得《大時代》嗎,又係一齊睇夕陽,又係女主角咁樣睇睇吓,就心跳停頓。

又係咁樣,劉松仁同當年《大時代》飾演佢個仔嘅劉青雲一樣,望住自己心愛嘅女人「瞓咗」…(《大時代》嗰個係周慧敏)

回憶佔咗兩集嘅大比數…呢一幕,少不得。

韓瑪莉咁就bye bye了。點解劉松仁當時唔幫佢急救?問編劇。

黑絲儀都要bye bye了。

友荐云推荐

歡迎關注微信

微信
官方微信號:hkchannel

微博評論

返回頂部