黃宗澤被指爆粗 廖碧兒造福兒童 黃長興開餐廳 張嘉兒遇戰友

黃長興開餐廳唔畀女友揸數

黃長興獨力投資六位數字於天后開設法國餐廳,日前餐廳開幕,多位圈中好友朱璇、陳敏之、王浩信、高鈞賢等齊齊撐場,而其女友Peggy則如「老闆娘」般在現場打點一切。

黃長興坦言女友Peggy係結婚對象
黃長興坦言女友Peggy係結婚對象。

問長興有否計算何時可翻本,他坦言:「半年啦!之前試業情況都OK,啲客話好抵食,我哋餐廳名叫『A la maison』,即係『喺屋企』嘅意思,所以屋企唔鍾意煮飯咪嚟呢度食囉!」

下廚成冧女撒手鐧

長興廚藝不俗,最拿手炮製意大利炒飯及釀番茄,問他是否冧女撒手鐧時,他坦言:「都可以咁話!」而在旁的朱璇亦讚不絕口,表示拍節目時曾到長興家試他的手勢。長興又坦言女友Peggy不太懂烹飪,問他是否讓對方做老闆娘,負責揸數時,他笑說:「數我揸,佢以前做marketing,依家會幫我做番呢方面嘅嘢,(佢係咪你結婚對象?)係,我每次拍拖都睇得好長遠,(幾時結婚?)三、四年啦!」

王浩信客串侍應招呼朱璇
王浩信客串侍應招呼朱璇。

而王浩信則以一身侍應的衣着到場,為好友長興招呼客人,期間更遞飲品給朱璇,相當搞笑。問王浩信自己有否興趣搞生意,他坦言以前曾被人「走數」,大叫怕怕,現時還是專心拍劇。

黃宗澤被指鏡頭前爆粗

昨有讀者ivan爆料指黃宗澤於無綫「今日Vip」節目中,說了一句:「地震呀,着住條底褲呀,x呀!」記者就此事致電黃宗澤,他解釋說:「我冇睇番個節目呀,但係嗰日係錄影嚟嘅,如果真係爆粗,無綫一定cut咗,我諗係一場誤會嚟啫。」

廖碧兒出書造福兒童

廖碧兒(Bernice)是眾所周知的「狗癡」,向來視家中七隻狗仔如己出,之前出過兩本有關狗仔的書籍,而第三本亦已埋首製作於書展推出,此書會替某慈善機構籌款。Bernice之前推出第二本書時賣得相當好,她將收益全部捐給一間機構,讓小朋友有一個學習的好地方,她說:「其實好多喺生活有問題家庭嘅小朋友都冇錢買嘢,依家啲玩具、電腦及圖書都好貴,所以都好想幫到佢哋。」

廖碧兒帶同狗仔出席活動
廖碧兒帶同狗仔出席活動。

稍後推出的書名為《Benji’s Centre》,Bernice於書內會教大家怎樣自己縫製愛犬衣服。

張嘉兒東京遇戰友

張嘉兒早前到日本公幹,只逗留了三日兩夜,不過此行收穫甚豐,不但大飽口福,更重遇好友敍舊,僅餘的半天時間豪花五千多元狂掃朱古力、化妝品及衣飾等,滿載而歸,令她對日本留有至佳印象。

張嘉兒(右)在日本重遇當年「戰友」日本小姐
張嘉兒(右)在日本重遇當年「戰友」日本小姐。

之前嘉兒曾到過北海道,但卻首次涉足東京,最開心是碰上當年參選世界小姐的同房佳麗日本小姐,對方還帶她去吃出名的章魚燒。可惜此行沒有艷遇,嘉兒笑言再去日本,要先苦練幾句日語傍身,望能大派用場!

除了重遇日本小姐,嘉兒更與一起來港探她的西雅圖及馬尼拉佳麗敍舊:「當年一齊參選,難得佢哋嚟探我,大家敍舊傾心事,好窩心。」

張嘉兒

西雅圖小姐(左)及馬尼拉小姐(右)來港探望張嘉兒,令她窩心
西雅圖小姐(左)及馬尼拉小姐(右)來港探望張嘉兒,令她窩心。

喬寶寶轉行做外賣

喬寶寶日前出席書展活動,已連續五年為儲存易迷你倉集團擔任代言人的他,專登帶同他的「寶寶Angel」一起為推出創業新書的集團創辦人撐場。喬寶寶透露最近到美國、英國等地登台,同行還有李香琴、羅敏莊等等,搵到不少「真銀」,問他會否用賺到的錢來創業時,他不諱言:「其實我媽咪本身都係開餐廳,所以我都想搞飲食生意,不過我想搞得有gimmick,例如中印度菜、咖喱,最好就簡單外賣式,咁就快靚正啦!」於書展中,寶寶都遇見不少o靚模不時穿插,身為人父的他開通的謂:「其實做o靚模都係一個踏腳石,我唔會對佢哋太反感,不過當然唔好過分暴露啦!」

喬寶寶轉行做外賣

评论回复