微信洩面和心不和 郭富城藐余文樂:世界仔

郭富城最近負面報道不斷,上周被《忽然1周》雜志指力追23歲留日女學生R小姐及M字頭嫩模,盡管城城及經理人小美都已經回應,但仍無阻后續報道陸續有來。據最新一期的《忽然1周》雜志報道,城城與R小姐除了在微信互傳肉照及調情短信,其中內容更談到城城好兄弟余文樂。

當R小姐向城城表示自己好憎余文樂時,城城更「加多一腳」,嘲余文樂「世界仔」,又藐爆佢衣着經常模仿他。郭富城、沈嘉偉、張智霖、余文樂平日四劍俠出入,向來予人「好兄弟」形象。不過為咗溝女,估唔到城城幫女不幫友。

微信洩面和心不和 城城藐余文樂:世界仔

日本女留學生 R小姐上周大爆城城花心,追自己的同時又兜搭其姊妹 M字頭o靚模。在 R小姐提供的微信內容中,除了調情短訊,城城亦有同 R小姐講波經,甚至評論「好好友」余文樂。
短訊中, R小姐曾向城城提到自己「好憎余文樂」,因為覺得他經常周圍黐人玩。城城表示同意,然後更以「世界仔」形容余文樂,更以「一般」來形容兩人關係,後來更指余文樂衣着抄襲他。對話當中,城城似乎對近年成功埋堆的余文樂有微言。
「出道嗰時,阿樂出嚟玩都係靠朋友關照。佢近年開始搵到錢,有能力買靚車買樓,兼埋到沈嘉偉堆,兩個仲愈來愈 friend。沈嘉偉、城城同張智霖本來係『三劍俠』,不過 Chilam近年忙於搵銀,樂仔就取代咗佢位置,成日跟住城城同沈嘉偉。樂仔喺兩位大哥面前好識撈,不過可能城城都係嫌樂仔未夠卡士啦!」知情人士透露。
其實城城同余文樂都有好多共同嗜好,包括網聊o靚模呢鋪癮。余文樂之前亦曾因為網聊 LuLu(王璐瑤)出事。吸收過教訓的他,似乎沒有教精好兄弟城城。
今次 R小姐爆大鑊,直指城城花心,在追她的同時,亦溝 M字頭o靚模及其他好姊妹。據知 M字頭乃雜誌模特兒程芷渝( Milla)。記者向 R小姐求證,她不欲多談,不過就透露咗:「個女仔姓程,其他我唔想再多講。至於佢同城城有冇嘢,佢哋自己心知肚明啦!」


R小姐力數城城花心,在她和城城的微信中,更發現城城對「好兄弟」余文樂頗有微言。
微信洩面和心不和 郭富城藐余文樂:世界仔
表面上,郭富城、張智霖、余文樂 friend過打 band,不過原來城城眼中樂仔係世界仔一名。

交換肉照
城城近日以肌照換取 R小姐的性感相,而余文樂 2012年亦以飛毛腿出浴照,向o靚模 LuLu要求交換女方浴照。唔知今次係咪城城抄番余文樂呢?

o靚模咀城城晒命

近日再有消息,指城城除了 Milla外,亦搭上同樣愛玩賽車的 Cory(彭湘淇),更有指城城曾在 Instagram關注 Cory。講到 Cory, R小姐就火起:「我唔識 Cory,不過係有o靚模周圍同人講,話自己同城城咀過,覺得自己好威咁囉。不過喺城城嘅世界,錫過都唔叫喺埋一齊,都唔叫女朋友!」
一班後生女為了城城爭風呷醋,城城真是魅力沒法擋!講到溝女,城城比細佢 16年的余文樂,看來更得心應手。
記者至截稿前,仍未聯絡到余文樂。


指余文樂「世界仔」
R小姐向城城表示好憎余文樂,城城最初誤會樂仔是 R小姐前度。當 R小姐表示討厭樂仔是因為他是「菠蘿雞」時,城城即刻話樂仔「世界仔」,並堅稱自己同樂仔只是「一般」朋友。城城更同意樂仔造型有抄佢。

鍾情o靚模
除了鍾意車,城城同余文樂近年都鍾情o靚模,余文樂亦追過 LuLu同 Janice Man,而城城同吳嘉熙就晒過合照。

近日余文樂在《賭城風雲2》和發哥飾演師徒,冧到發哥、王晶都咁開心,余文樂果然識做。

M小姐唔認爭仔

被指是「 M字頭o靚模」,同 R小姐爭城城的程芷渝( Milla),承認認識城城。她更醋味甚濃指城城識好多女仔:「我上年 event經朋友介紹認識城城。(你有同佢微信同交換肉照相?)大家唔好諗太多啦!(但係 R小姐見過你同城城啲微信喎!)城城咁多朋友,連烏魯木齊嘅女仔都識, send吓 message都係好朋友啫!」

賣慣 33C身材的程芷渝( Milla)
賣慣 33C身材的 Milla,早前大晒自己同星爺食飯,仲話當晚開咗支逾十萬嘅紅酒。

賽車女認網友

至於有傳城城另一網聊對象,是彭湘淇( Cory),她雖然否認周圍同人講自己同城城咀過,不過佢亦忍唔住大讚城城:「同城城玩賽車時識,有交換過電話,但係同佢冇聯絡。(覺唔覺得佢花心?)咁有魅力嘅男仔,就會俾人有咁嘅感覺啦。(你同城城咀過?)唔係啩,我唔喺香港呀!」然後就匆匆掛線。

34D彭湘淇是美容品牌代言人,難怪城城都 like。
34D彭湘淇是美容品牌代言人,難怪城城都 like。

彭湘淇是一名業餘賽車手,因而認識同是賽車發燒友的城城。

城城首談網聊緋聞

城城於2014年年尾撰文,回望過去一年,由電影到演唱會等,他說得比失多。他寫道:「過程中,不知為什麼仍少不了連鎖式的惡意中傷傳言和報道間歇餽贈,當中許多都要惡意杜撰和虛構作業,令人啞子吃黃連。面對許多惡意中傷,我每多選擇沉默,不想解釋,因為沉默並不是無言,只是我不想糾纏在一些虛擬中傷的鬧劇中……」

城城請惡意中傷者若已得益了,請放下吧!為人生多做福報。他說:「雖然遇上『素未謀面,禍從天降』之際遇,但我仍懷着不執著不怨恨的心去看待我的人生。」他引用淨空法師的說話:「別人譭謗你,侮辱你,不要生氣,假的;人家欺負你,中傷你,我們絕對不能存報復的心,冤冤相報,沒完沒了!」他相信明白他的人,不用解釋,不明白的,亦不必解釋。寬恕別人即是放過自己。

城城經理人小美則回應指這些中傷報道已到了天馬行空、無法無天的地步 ,所以沒有回應了!希望新一年,大家行事為人可以帶點良知。

评论回复