《心路GPS》港孩阮政峰 親情魔法屋

忽然1周 第920期

阮政鋒( Hero)最近在《心路 GPS》中飾演「港孩」張俊傑,劇中他任性無禮,是整套劇最大亮點。其實阮政鋒與家人關係密切,現時他和父母、妹妹和嫲嫲同住深井一個千呎單位。大廳布滿了武術獎牌及魔術啤牌,連飛鏢靶都有兩個,充分反映阮政鋒好動一面。

父母對阮政鋒很包容,在阮政鋒先斬後奏飼養異國短毛貓「嗎啡」可見一斑。「 10年我喺寵物店櫥窗見到嗎啡,嗎啡睩大隻眼望住我,我就覺得佢好似《史力加》入面隻貓。本來我已經行過咗,但都係忍唔住返轉頭買佢返屋企,之後至同媽咪講我買咗隻貓。媽咪以為老竇實反對,於是推個波叫我問老竇,點知老竇又應承,後來媽咪都有埋怨老竇心軟!」

《心路GPS》港孩阮政峰 親情魔法屋

阮家之前住青衣,搬來深井只有半年。地方大了,客廳更可飽覽青馬海景,不過得益最大的,竟然是嗎啡。「嗎啡成日霸住大廳窗台望海景?!佢平時好黐我,但上次因為拍《心路 GPS》外景有 21日冇返屋企,一返嚟嗎啡嬲咗我,有一排都唔睬我,小器到死!」

《心路GPS》港孩阮政峰 親情魔法屋
阮政鋒的愛貓嗎啡屬英國短毛貓。嗎啡不像其他貓高傲,經政鋒訓練後,嗎啡非常聽話做出各種動作。

《心路GPS》港孩阮政峰 親情魔法屋
電視櫃頂上的黃色「鬚根雞」是政鋒喜愛的動畫角色,至於《暑假做個鄉下仔》個牌就係佢在《心路 GPS》個真人騷嘅節目名。

《心路GPS》港孩阮政峰 親情魔法屋
阮說:「爹哋好鍾意踢波,呢 set限量版曼聯手錶係媽咪買來送俾佢嘅,見有位攝,我放埋自己嘅武術獎牌?!」

學魔術為冧女

靠《功夫新星》入行的阮政鋒,自小鍾意睇動作電影,到了 8歲正式習武,通曉長拳、泰拳、劍術、槍術。幾年前阮政鋒更開始教授小朋友武術,希望早日儲錢入讀演藝學院。

「我記得有個幼稚園嘅小妹妹學生,每次問我問題前都話:『阿 Q咪, Mr Yuen』。我聽咗一年之後,至知原來佢係話:『 Excuse me, Mr Yuen』,小朋友真係好得意、令人好開心。」

《心路GPS》港孩阮政峰 親情魔法屋

《心路GPS》港孩阮政峰 親情魔法屋
家中有兩個飛鏢靶,一個在大門側,一個在走廊。阮政鋒說:「以前玩掟鏢都係出街,但媽咪唔想我成日出夜街,所以就用千五蚊買咗個可以計分嘅來過吓癮。」

《心路GPS》港孩阮政峰 親情魔法屋

《心路GPS》港孩阮政峰 親情魔法屋
阮政鋒 14歲參加武術比賽,多年來獲取 12個獎項。 19歲時阮政鋒開始教小朋友武術,學生年紀雖小,但就非常聽話:「我參加《功夫新星》時佢哋拍咗段片支持我,每次睇番都令我非常感動!」

阮政鋒 Profile

21歲的阮政鋒( Hero), 11年參加《功夫新星》進入最後四強,之後加入第 25期訓練班而入行。他做過《放學 ICU》主持,又曾演出《名媛望族》及《愛.回家》。近期他因為在《心路 GPS》飾演「港孩」張俊傑而為人認識,劇集播出後,更令他登上 TVB人氣榜榜首。

《心路GPS》港孩阮政峰 親情魔法屋

《心路GPS》港孩阮政峰 親情魔法屋
阮政鋒在《心路 GPS》中飾演 16歲典型「港孩」張俊傑,與陳展鵬由嗌交到惺惺相惜。

直至前年,無綫搞《功夫新星》比賽,阮政鋒終於有機會入行。「本來父母都唔太支持,直至有一次佢哋喺電視見到我企喺鏡頭好後嘅位置,傻吓傻吓跳舞都咁投入,至相信我鍾意呢行,而且見我背劇本仲勤力過以前讀書,所以最後都支持我入行。」

有看《心路 GPS》的觀眾都應該記得阮政鋒在劇中對魔術有濃厚興趣,原來他真的是魔術高手;之前阮政鋒為了飾演調酒師,亦試過特登去學調酒,完全奉行「方法演技」。

「我鍾意新鮮事物,魔術係讀中學時開始接觸,初時都係諗住型啲易啲冧女仔?咋!其實都有段時間停咗無玩,直至《心路 GPS》監製知道我識魔術,想我 pick up番喺套劇度表演,於是我咪上網、睇碟自己練習番。」阮政鋒說。

《心路GPS》港孩阮政峰 親情魔法屋
自小喜歡魔術嘅阮政鋒收藏了不同種類嘅啤牌:「啤牌分唔同年代,唔同紙質,唔同花紋。有啲係防水,透明,一見到特別嘅我都忍唔住手買!」

《心路GPS》港孩阮政峰 親情魔法屋
「除咗上網睇魔術外,有啲特別魔術我會買碟研究。」

《心路GPS》港孩阮政峰 親情魔法屋
阮政鋒於《放學 ICU》除了當主持外,還會以不同造型演出短劇,因此買下多款眼鏡:「男仔嘅造型除咗髮型,眼鏡亦係其中能改變造型嘅工具,呢款圓形眼鏡就係扮書法老師嘅 look!(小圖)」

《心路GPS》港孩阮政峰 親情魔法屋

《心路GPS》港孩阮政峰 親情魔法屋
房間擺放非常整齊,櫃裏亦收藏大量電影及 TVB劇集光碟。至於電視機就用英國旗包住,不過佢話唔關港獨事,呢面旗係表姐喺英國買俾佢嘅手信。

《心路GPS》港孩阮政峰 親情魔法屋
阮政鋒平時喜歡煲劇集,房間擺放電視機嘅尺寸亦較一般大,有成 40吋。

《心路GPS》港孩阮政峰 親情魔法屋
平面圖

评论回复