網民插《食平D》報細數 肥媽怒吼:我冇搵笨

百物騰貴,買餐餸閒閒哋過百銀。有見及此,無綫食住個勢,搵識飲識食的肥媽,主持24集《食平D》帶觀眾尋遍全港街市,搵出平價食材。節目上周平均收視20點,只比大製作《金枝慾孽貳》少一點收視,證明 100蚊買 5個湯依然大有市場。

雖然收視不俗,但肥媽於節目內所標榜的「慳錢價」實在低得出奇,大批網民更口徑一致插爆肥媽搵笨。上周四( 2日),肥媽與拍檔陸浩明到荃灣拍攝,對於被指買餸報細數,她立即怒吼:「我冇搵人笨,係你哋唔識得買啫!」

網民插《食平D》報細數 肥媽怒吼:我冇搵笨
上周四( 2日),肥媽到荃灣街市為節目《食平 D》錄影,其間有街坊向肥媽投訴話買餸唔夠佢平,但肥媽繼續強撐:「我冇搵人哋笨?!」

上周四( 2日)肥媽與拍檔陸浩明( 6號),一早抵達荃灣楊屋道露天街市,拍攝第 19集《食平 D》外景。適逢上午屬師奶買餸高峰期,當肥媽在人頭湧湧的街市出現時,立即引來人潮圍觀。有街坊更索性上前問肥媽:「係咪真係買到咁平?,喺邊度可以買到?」肥媽聽後就立即總統上身一樣,面向群眾大聲嗌:「梗係可以買到咁平啦!」

網民插《食平D》報細數 肥媽怒吼:我冇搵笨
師奶圍觀
雖然肥媽和陸浩明主持的《食平 D》遭網友圍插,但二人到街市外拍攝前,依然吸引一班師奶圍觀。
網民插《食平D》報細數 肥媽怒吼:我冇搵笨
警察質疑
肥媽拍攝時,現場一片混亂,引來幾名警察前來查問。記者更聽到當時有警察質疑肥媽:「係唔係咁平呀!」

記者親身求證

話雖如此,但記者發現肥媽於節目內,到街市買的食材價錢,一般均比市價為低,例如她有本事可以用 100蚊煮到五個湯、只需 80蚊就完成一個有湯有甜品的情侶晚餐,認真誇張。難怪節目出街僅一星期,大批網民就洗版式留言,指肥媽買餸的價錢報細數,又篤爆她所有配料冇計算在內,有呃觀眾之嫌。
記者為了求證肥媽究竟有否呃觀眾,決定跟足《食平 D》第二集的內容,嘗試是否能夠如肥媽一樣用 100蚊可以煲出五款湯。記者照住肥媽到北角春秧街市買五款湯的食材,但最終都是超過 100蚊。

網友圍插

肥媽自稱精打細算,但網友亦都一樣。大部分網友睇完《食平 D》後,紛紛到討論區留言,狠批肥媽煮餸時唔計配料,並踢爆因為肥媽拍攝節目,街市檔主刻意收平啲。看來主張以「慳錢價」煮餸的《食平 D》可以改名為《只有肥媽食平 D》。

買平餸秘技

記者將測試結果以及網友劣評一一告知肥媽。當她聽到有網友力斥她「搵笨」時,立即怒吼:「我冇搵人笨?!睇吓你哋識唔識得買嘅啫!」之後她更即場教記者買平餸秘技,她說:「咁一定唔好去超市買啦,人哋超市有冷氣,又唔使日曬雨淋,而且有人管理,乾淨企理,淨係服務費都要收番啲?。但有啲街市特別平,而且去街市亦要睇時間,人哋啱啱開檔或者就嚟收檔都可以賣平啲。」
以她經驗所得,她指荃灣楊屋道街市、大埔墟街市及北角春秧街街市,所賣的食材價錢相對較平。每天早上九點前或傍晚七點後,就是買餸講價的最好時機。「好似我頭先去買菜,成 16蚊斤,我話冇理由?,尋日嚟問都 12蚊?喎。跟住事頭婆話要我遲幾個鐘再嚟就會平啲,肥媽繼續勞氣地說:「我 8歲開始就要照顧細佬妹,當時得五毫子都可以煮俾成家人食啦!」
《食平 D》監製張志明則為肥媽補鑊,他說:「網上面鬧肥媽嘅人一定唔識煮飯?喇!一開始原本都係 100蚊煲 3個湯,係我迫肥媽要煮 5個湯?啫!我相信有好多師奶真係冇肥媽買得咁平,但呢啲要講經驗,唔係教就得。」
肥媽再勞氣地說:「我不嬲都話可以買平餸!不過真係要識搵囉,人哋行名店,我就鍾意行街市,日曬雨淋又濕????,係要犧牲?!」


肥媽愛好下廚,當年她與家人還在清水灣大宅居住時,其丈夫 Rick便特登豪花六位數設計一個開放式廚房,給肥媽獻藝。

補擺喜酒
今年 59歲的肥媽與葡籍丈夫 Rick 99年結婚,二人恩愛如昔。早前二人便被拍得到尖沙嘴金巴利道試禮服婚紗,為即將舉行的婚禮做好準備。《壹週刊》圖片

特大號婚紗
肥媽噸位重,故早於去年她便託好友張學潤( Nel Nel)設計一套 XXXL碼的婚紗和晚裝。《壹週刊》圖片

據知節目將於本周拍完,本月底肥媽就計劃返澳門,與結婚 13年的葡籍丈夫 Rick再補擺喜酒,宴請澳門多位猛人,她說:「我好鬼忙,到時唔知得唔得閒結,不過我請得人哋飲,一定唔會食平嘢!」

肥媽買平 D

肥媽有頭有面,行出來個個都俾面,買餸甚至可以唔使俾錢,當然可以食平 D。周一( 6日),本刊記者到肥媽於節目第二集「 100蚊煲五款湯」中介紹的北角春秧街街市,嘗試用她所買的價錢買同樣材料。節目中,肥媽以 78元就可買足煲湯材料,但記者卻要用 110元才可買到,而且分量比肥媽的更少。不過肥媽要 12蚊才買到的忌廉湯,記者只用 9蚊就搵到,肥媽似乎捐窿捐罅唔夠深入喎!

急凍雞翼


肥媽$7/6隻

記者$6.2/3隻

新鮮番茄


$5/6個

$5.3/3個

罐頭忌廉


$12/罐

$9/罐

肥媽吃得開

肥媽近年主力主持飲食節目。更出書教人煮好餸。一直冇電視台合約的她,多年來有線、亞視與無綫三台遊走,搵唔少錢。


有線訪高官
08年肥媽邀葉劉淑儀任有線《肥媽私房菜》嘉賓,葉太即場示範炸蟹鉗,如今的特首梁振英,當年亦曾亮相過節目。

貼錢捧亞視
09年肥媽為亞視擔任《亞洲星光大道》首席評判,為力撼無綫同類型節目的《超級巨聲》,她更用自己的錄音室貼錢為「星光」新人出唱片圓夢。

高薪返無綫
肥媽去年獲余詠珊邀請,以每集 1萬 5千蚊高薪跳槽無綫主持了 15集《搵食》教觀眾遍尋美食。今年她以每集 1萬 8千蚊再為無綫主持 24集《食平 D》。

评论回复