余文樂搭上飛虎出征露點女劉安琪

忽然1周 第936期

余文樂(樂仔)吳雨霏( Kary)拍拖一年玩完,有指女方逼得太緊,令樂仔頂唔順,最終雙方不歡而散。近日更有指樂仔以「我個心仲有個人」做藉口狠撇 Kary。

本刊收到消息,二人蜜運時, Kary經常 check實樂仔行蹤,就連樂仔開工時間都唔放過。早前,樂仔到澳門拍攝《飛虎出征》, Kary發現他與 33C出征女劉安琪拍大膽牀上戲,更打爛醋埕。

據知來自內地的劉安琪,拍攝中途得悉樂仔情海翻波,便主動出擊,大送秋波。

《飛虎出征》飾演妓女的劉安琪,戲中主動剝衫露點色誘樂仔,搞到樂仔面紅耳熱。
《飛虎出征》飾演妓女的劉安琪,戲中主動剝衫露點色誘樂仔,搞到樂仔面紅耳熱。

31歲余文樂和 27歲的吳雨霏去年中由好友關係升級至情侶,二人年初除被拍得齊齊到吳君如屋企拜年外,早前二人由倫敦旅行返港時,本刊更直擊兩人同坐商務艙。當時樂仔對 Kary十分細心,主動幫手推行李,打風打唔甩咁款。

甩黐身Kary 余文樂搭上出征女
一年情玩完
樂仔與 Kary去年中已撻着,當時樂仔更自動請纓飛到台灣為女友執導 MV,可惜二人拍拖一年便因了解而分開。

WhatsApp目及實行蹤

感情話變就變,上月 29日,圈內突然爆出樂仔與 Kary分手消息,惟 Kary當晚就透過唱片公司發言人表示:「我哋冇分手,唔知傳聞點!」但事隔不夠一日, 6月 30日 Kary便單方面發聲明宣布與樂仔情已逝。

知情人士說:「 Kary當然唔想冇咗樂仔啦,所以佢唔想公開分訊,希望仲可以箍得番樂仔。」但無奈 Kary太過黐身,令樂仔立定心腸撇女。「好多女仔對樂仔投懷送抱,加上佢又成日返內地工作,搞到 Kary好唔放心,成日打電話 check住男友。 Kary發現樂仔半夜三更喺 WhatsApp online,就即刻問長問短,搞到樂仔冇晒自由咁。」

Kary check得太緊,樂仔沒半點怨言,但樂仔早前拍攝《飛虎出征》發生小插曲,令二人冷戰多時。劇組工作人員爆:「套戲講樂仔去澳門尋歡,自然有唔少肯剝肯搏嘅女仔穿插過場,樂仔仲要同一個露兩點嘅國內女仔劉安琪有牀上戲, Kary緊張起嚟,咪經常 send WhatsApp俾樂仔囉,可能咁樣,所以佢哋有少少摩擦啦!」

據知劉安琪見樂仔拍戲冇厘神氣,不時主動大講國產有味笑話o氹樂仔歡喜。二人雖然首次合作,但拍談情戲時交足戲,戲外互相關注對方微博外,甚至交換電話。

余文樂搭上飛虎出征露點女劉安琪
北姑列陣
25號上映的《飛虎出征》講樂仔、杜汶澤等四位飛虎隊隊員去澳門召妓,因此電影有大量賣肉北姑過鏡任樂仔目及,難怪 Kary當時咁緊張。

余文樂搭上飛虎出征露點女劉安琪
低胸調情
樂仔戲中與「出征女」劉安琪調情,安琪亦不時低胸上陣,務求令樂仔對他起痰。

23歲的劉安琪, 08年以o靚模身份入行,拍過國內不少廣告。由於樣貌清純,加上身材惹火,被樂仔及導演睇中
今年 23歲的劉安琪, 08年以o靚模身份入行,拍過國內不少廣告。由於樣貌清純,加上身材惹火,被樂仔及導演睇中。

2月秘遊英倫
樂仔和 Kary今年 2月中秘密飛倫敦展開 9日甜蜜之旅。當時身處倫敦機場的樂仔,發現記者後便立即示意唔好影相,全程護實女友。

4月繼續癡纏
今年 4月,樂仔與 Kary雖然經常因小事摩擦,但二人繼續愛下去,被拍得外出撐枱腳。

余文樂:佢身材好好

樂仔與 Kary一年情玩完,但記者多次就二人分手原因追問樂仔,他不欲多談,但仍維護舊愛,「我哋冇嗌交,係和平共識分開嘅!我唔想外間覺得佢有問題,我哋仲係好朋友,其他嘢唔再回應咁多喇!」

提到新戲對手劉安琪主動親近,樂仔則尷尬說:「其實唔係所有國內嘅女仔都咁 agressive,安琪好純品、好斯文嘅!(有場戲佢露點色誘你!)其實我都好尷尬!當時佢應該衝破唔到心理關口,所以佢拍嗰場戲眼濕濕,好唔開心!(佢身材好唔好?)嘩!梗係好啦,唔好導演(彭浩翔)都唔搵返嚟拍啦!」

至於受情傷的吳雨霏,為避傳媒採訪,連日來都匿在家中,連唱片錄音也延期。據知她得悉舊愛為她出面講好話後,已透過 WhatsApp感謝樂仔。看來分手後都未必一定變仇人。


打波發洩
樂仔周一( 1日)為「橫洲工業」籃球隊作賽,記者發現分手後的他射籃時更加狠勁,更露出右臂的愛的紋身。

入廚療傷
Kary近日就留守家中,天天入廚煮幾味療傷。趁凌晨時分在她家守候的記者收工後,她才溜出去繼續錄新碟。

單身慶祝
Kary上月初 27歲生日,搞 party慶祝,但樂仔竟然人同禮都唔到,原來當時二人已瀕臨分手邊緣。

兩女惡鬥

吳雨霏和劉安琪

Kary和劉安琪都屬個子不高但身形標準的女仔,論背景, Kary勝一籌,但以外形條件來說,國產劉安琪則贏開巷。

友荐云推荐

歡迎關注微信

微信
官方微信號:hkchannel

微博評論

返回頂部