余文乐搭上飞虎出征露点女刘安琪

忽然1周 第936期

余文乐(乐仔)吴雨霏( Kary)拍拖一年玩完,有指女方逼得太紧,令乐仔顶唔顺,最终双方不欢而散。近日更有指乐仔以“我个心仲有个人”做借口狠撇 Kary。

本刊收到消息,二人蜜运时, Kary经常 check实乐仔行踪,就连乐仔开工时间都唔放过。早前,乐仔到澳门拍摄《飞虎出征》, Kary发现他与 33C出征女刘安琪拍大胆牀上戏,更打烂醋埕。

据知来自内地的刘安琪,拍摄中途得悉乐仔情海翻波,便主动出击,大送秋波。

《飞虎出征》饰演妓女的刘安琪,戏中主动剥衫露点色诱乐仔,搞到乐仔面红耳热。
《飞虎出征》饰演妓女的刘安琪,戏中主动剥衫露点色诱乐仔,搞到乐仔面红耳热。

31岁余文乐和 27岁的吴雨霏去年中由好友关系升级至情侣,二人年初除被拍得齐齐到吴君如屋企拜年外,早前二人由伦敦旅行返港时,本刊更直击两人同坐商务舱。当时乐仔对 Kary十分细心,主动帮手推行李,打风打唔甩咁款。

甩黐身Kary 余文乐搭上出征女
一年情玩完
乐仔与 Kary去年中已挞着,当时乐仔更自动请缨飞到台湾为女友执导 MV,可惜二人拍拖一年便因了解而分开。

WhatsApp目及实行踪

感情话变就变,上月 29日,圈内突然爆出乐仔与 Kary分手消息,惟 Kary当晚就透过唱片公司发言人表示:“我哋冇分手,唔知传闻点!”但事隔不够一日, 6月 30日 Kary便单方面发声明宣布与乐仔情已逝。

知情人士说:“ Kary当然唔想冇咗乐仔啦,所以佢唔想公开分讯,希望仲可以箍得番乐仔。”但无奈 Kary太过黐身,令乐仔立定心肠撇女。“好多女仔对乐仔投怀送抱,加上佢又成日返内地工作,搞到 Kary好唔放心,成日打电话 check住男友。 Kary发现乐仔半夜三更喺 WhatsApp online,就即刻问长问短,搞到乐仔冇晒自由咁。”

Kary check得太紧,乐仔没半点怨言,但乐仔早前拍摄《飞虎出征》发生小插曲,令二人冷战多时。剧组工作人员爆:“套戏讲乐仔去澳门寻欢,自然有唔少肯剥肯搏嘅女仔穿插过场,乐仔仲要同一个露两点嘅国内女仔刘安琪有牀上戏, Kary紧张起嚟,咪经常 send WhatsApp俾乐仔囉,可能咁样,所以佢哋有少少摩擦啦!”

据知刘安琪见乐仔拍戏冇厘神气,不时主动大讲国产有味笑话o氹乐仔欢喜。二人虽然首次合作,但拍谈情戏时交足戏,戏外互相关注对方微博外,甚至交换电话。

余文乐搭上飞虎出征露点女刘安琪
北姑列阵
25号上映的《飞虎出征》讲乐仔、杜汶泽等四位飞虎队队员去澳门召妓,因此电影有大量卖肉北姑过镜任乐仔目及,难怪 Kary当时咁紧张。

余文乐搭上飞虎出征露点女刘安琪
低胸调情
乐仔戏中与“出征女”刘安琪调情,安琪亦不时低胸上阵,务求令乐仔对他起痰。

23岁的刘安琪, 08年以o靓模身份入行,拍过国内不少广告。由于样貌清纯,加上身材惹火,被乐仔及导演睇中
今年 23岁的刘安琪, 08年以o靓模身份入行,拍过国内不少广告。由于样貌清纯,加上身材惹火,被乐仔及导演睇中。

2月秘游英伦
乐仔和 Kary今年 2月中秘密飞伦敦展开 9日甜蜜之旅。当时身处伦敦机场的乐仔,发现记者后便立即示意唔好影相,全程护实女友。

4月继续痴缠
今年 4月,乐仔与 Kary虽然经常因小事摩擦,但二人继续爱下去,被拍得外出撑枱脚。

余文乐:佢身材好好

乐仔与 Kary一年情玩完,但记者多次就二人分手原因追问乐仔,他不欲多谈,但仍维护旧爱,“我哋冇嗌交,系和平共识分开嘅!我唔想外间觉得佢有问题,我哋仲系好朋友,其他嘢唔再回应咁多喇!”

提到新戏对手刘安琪主动亲近,乐仔则尴尬说:“其实唔系所有国内嘅女仔都咁 agressive,安琪好纯品、好斯文嘅!(有场戏佢露点色诱你!)其实我都好尴尬!当时佢应该冲破唔到心理关口,所以佢拍𠮶场戏眼湿湿,好唔开心!(佢身材好唔好?)哗!梗系好啦,唔好导演(彭浩翔)都唔揾返嚟拍啦!”

至于受情伤的吴雨霏,为避传媒采访,连日来都匿在家中,连唱片录音也延期。据知她得悉旧爱为她出面讲好话后,已透过 WhatsApp感谢乐仔。看来分手后都未必一定变仇人。


打波发泄
乐仔周一( 1日)为“横洲工业”篮球队作赛,记者发现分手后的他射篮时更加狠劲,更露出右臂的爱的纹身。

入厨疗伤
Kary近日就留守家中,天天入厨煮几味疗伤。趁凌晨时分在她家守候的记者收工后,她才溜出去继续录新碟。

单身庆祝
Kary上月初 27岁生日,搞 party庆祝,但乐仔竟然人同礼都唔到,原来当时二人已濒临分手边缘。

两女恶斗

吴雨霏和刘安琪

Kary和刘安琪都属个子不高但身形标准的女仔,论背景, Kary胜一筹,但以外形条件来说,国产刘安琪则赢开巷。

评论回复