2013港姐冠軍 17號陳凱琳富貴大起底

呢位年僅 22歲嘅靚女,身高 5呎 4吋,但就得 87.2磅。嗱,大家千祈唔好以為陳爸爸無俾飽飯佢食喎!喺記者明查暗訪之下,發現陳凱琳出身原來非常富貴,家住九龍塘過億獨立屋,阿爸仲有大量現金同幾個物業揸手,係名副其實嘅千金大小姐。不過咁,之前有傳陳凱琳係俾養父湊大,記者就特登搵陳爸爸傾咗幾句。估唔到佢好 nice,有問必答。

記者再問陳爸爸係咪有樓又有舖?在旁嘅陳媽媽想阻止佢答,但陳爸爸就大方承認:「獨立屋係我哋嘅祖屋,我係遺產執行人,而地舖係屬於公司。(傳聞凱琳係養父湊大喎?)之前報道話凱琳有養父,可能係囡囡試過喺荷里活廣場活動,話自己住嗰度附近而俾人誤會(有另一個家)。我絕對係佢親生爹哋!」

陳凱琳有個咁有米又咁緊張佢嘅爸爸,唔怪之得愈戰愈勇,9月1日決賽,勇奪冠軍啦。

2013港姐冠軍 17號陳凱琳富貴大起底
日前,陳凱琳完成港姐訓練,陳爸爸開門迎接愛女,幫手攞袋。相信送凱琳返屋企嘅 20號陳偉琪一定好鬼羨慕!

2013港姐冠軍 17號陳凱琳富貴大起底
有阿爸撐! Sure Win!(設計對白)

九龍塘過億大宅

陳凱琳家住九龍塘獨立屋,保守估計大宅連花園過 5千呎!不過佢 5歲就移居加拿大,係呢一年返嚟選港姐先開始入住。

旺角舖 2千萬

陳爸爸喺 97前賣咗手上唔少物業,成功避過金融風暴,套現咗 6千幾萬。依家手頭上仲有幾個單位同地舖收租,淨係圖中呢個旺角舖位市值已過 2千萬。

隱形富爸爸

陳凱琳爸爸

周二( 27日)陳爸爸送陳媽媽去觀塘街市,媽咪姐上前同佢傾咗一陣。陳爸爸身家豐厚,對答有禮,明顯係有教養嘅人。

當日陳媽媽由陳爸爸接載,拎咗大袋衫去觀塘一間基督教服務站,捐俾有需要嘅人。佢仲同媽咪姐講,一家都係基督徒。

陳凱琳媽媽

17號陳凱琳面長鼻高下巴尖,有啲鬼鬼哋,俾人話係「嫩版李嘉欣」。不過有傳佢喺加拿大讀大學( Simon Fraser University傳理系畢業)嗰時整容,佢就即刻 post張童年相上網反擊。咦,又真係 3歲定 80喎!

2013港姐冠軍 17號陳凱琳富貴大起底
2013港姐冠軍 17號陳凱琳富貴大起底

正版李嘉欣

愈食愈瘦

5呎 4吋嘅陳凱琳,天生瘦底,之前最重只係去到 95磅!依家得八十幾磅嘅佢,選港姐期間,不斷喪食,完全冇影響佢苗條嘅身材。

2013港姐冠軍 17號陳凱琳富貴大起底
日前陳凱琳出席港姐活動一樣無避忌,猛咁擺嘢入口。你睇,唔敢多食嘅 16號徐韶蓓就睇到眼定定。
2013港姐冠軍 17號陳凱琳富貴大起底
準決賽時,離罩嘅 17號陳凱琳同巨躉 19號蕭穎詩同樣被指身材輸蝕。不過蕭慘啲,被指肥過陳 30磅,返到後台即時爆喊。但陳凱琳就話覺得自己身材幾好,「起碼夠瘦!」
2013港姐冠軍 17號陳凱琳富貴大起底
Well,點都好,觀眾眼光最雪亮!連日來,有唔少妹妹仔喺電視城門口等同陳凱琳合照,佢亦笑晒任影,狂儲 fans。

友荐云推荐

歡迎關注微信

微信
官方微信號:hkchannel

微博評論

返回頂部