BBQ時,點解牛扒同腸仔唔傾偈?

忽然1周 第947期

今次「 IQ考考笑」搵嚟成日講爛 gag嘅家燕媽媽(薛家燕)考考大家,而黎耀祥同陳豪就齊齊接受挑戰,兩大視帝早前合作拍無綫劇《法外風雲》,鬥完演技再鬥 IQ,你哋估吓佢哋邊個 IQ高啲?

薛家燕IQ考考笑

陳豪:真係好難喎!

阿 MO聽完條 IQ題,諗咗好耐都諗唔到,可能佢太掛住喺多倫多嘅大肚老婆陳茵媺啦!個心根本唔喺度,所以乜都諗唔到。最終都係要媽咪姐開估,哈哈!

黎耀祥:乜咁易估㗎!

三屆視帝黎耀祥果然勁,一聽到 IQ題即說:「放馬過嚟啦!唔好太簡單就 ok!」信心爆棚嘅佢,唔使五秒鐘就答中,仲好得戚咁話:「就咁咋?仲有冇其他 IQ題?」視帝祥,你好嘢!

陳倩揚:生完 BB冇晒 IQ!

做咗媽咪依然 keep住少女身形嘅陳倩揚,聽到 IQ題即時彈開:「我不嬲都冇乜 IQ,生完 BB更加所剩無幾,不過你照問啦!」倩揚媽咪諗咗好耐都冇頭緒,聽完貼士先估到,算係過關啦!

滕麗名:我盡量試吓啦!

曬到一身古銅色嘅阿滕,睇外表就好醒目,但聽到 IQ題就話怕怕,估咗成分鐘,撞來撞去差啲就估中,記者忍唔住俾咗少少貼士佢,終於估中嘅佢開心笑到咔咔聲。

家燕姐開估:因為佢哋唔熟,所以咪唔傾偈囉!

评论回复