廖啟智19歲兒子易服 自稱廢青同志

忽然1周 第955期

香港電視遭政府否決發牌, 59歲廖啓智首當其衝頓失飯碗,其主演的《警界線》雖然首集在網上點擊率過百萬,但其他集數能否面世仍是未知數。

事業上,廖啓智多年在圈中浮沉;家庭生活上,亦同樣經歷跌宕。 26年前,他與當年無綫當家花旦陳敏兒結婚,婚後育有三子,可惜細仔文諾在 06年患血癌去世,夫妻陷入哀痛境地,最後憑藉信仰幫助,一家人生活才重回正軌。

可是,記者近日在網上發現,廖啓智 19歲大仔文哲,在不同的社交網絡上載多張留長頭髮和化妝的照片,而且更多次留言自稱是廢青(頹廢青年)和想做女人。早年痛失幼子,如今大仔性向成疑,廖啓智心噏說:「呢個世界冇得迫!」

廖啟智19歲兒子易服癖 自稱廢青同志

周日( 10日),五千二百名中港台及圈中藝人如黃耀明等,到維園參加同志遊行爭取平權,人數之多打破歷年紀錄。同志權益引起各界關注,可是,同志問題一直是基督教禁忌(基督教教義規定一夫一妻異性戀結合),身為虔誠教徒的廖啓智和陳敏兒,面對兒子的性取向,相信仍需時間接受。

19歲大仔自稱廢青同志 廖啟智心噏:冇得迫
無奈回應
周一( 11日),廖啓智一支公到又一城買飛睇戲,記者上前追問他知否大仔作女性化打扮,他無奈地說:「年青人反叛係咁?啦!」


一頭白髮
上月尾,廖啓智參加遊行抗議政府不發牌給香港電視,當日陳敏兒亦有同行撐丈夫。只有 53歲的陳敏兒一頭白髮,曾患上抑鬱症的她,相信近日為家事倍感煩惱。

失工作壓力大

事實上,廖、陳結婚多年,在圈中一直是模範夫妻,直至 06年一家人經歷巨變。當年只有五歲的細仔文諾,與血癌搏鬥三年終去世,最後廖啓智一家憑藉信仰,才能走出陰霾。
直到近日,香港電視不獲政府發牌,本身和港視簽部頭約拍劇的廖啓智,原定拍罷《警界線》後,再接兩套廿集電視劇,如今一切被迫煞停。廖啓智 9月開始出任浸會大學電影學院表演系講師,據知不需要每天回校授課,平均每周授課兩三堂。如今失去拍劇機會,太太陳敏兒多年來做全職媽媽照顧兒子,身為經濟支柱的廖啓智,其重擔可想而知。


2010年乖仔
三年前,廖啓智、老婆陳敏兒和兩個兒子(右一文哲、左二文信)到教會聽佈道會,此次亦是一家四口最後一次公開露面。當時只有 16歲的文哲,依然是男性化打扮。

蘭花手自認Gay
自從認識一班 band仔後,文哲性情大變,不單留長頭髮,更不時在 facebook上載自己蘭花手扮女仔相,更不避嫌多次自稱「 I am gay!」

大仔透露想做女人

面對突如其來的經濟壓力,廖啓智尚可從容面對,但對於兒子的反叛行為,廖看來束手無策。日前,記者在網上交友網 facebook和 instagram中,發現廖啓智 19歲大仔文哲上載多張染上七彩頭髮和化上濃妝的照片。在部分照片中,他更擺出女性嬌媚姿勢自拍。同時,他亦不下一次留言「 I am gay」,而一張裸體自畫像更寫上:「還是喜歡做女人!」性向成疑。
知情人透露:「其實智叔大仔小學嗰陣讀書唔差,但上到中學,群埋班夾 band嘅朋友,就開始變,身邊朋友幾乎清一色係男仔。佢又鍾意女性打扮,出街間中都會搽唇膏同畫眼線。」周二( 12日)下午,廖文哲獨自從沙田寓所步出,記者上前和他做訪問,問他為何會在網上自認想做女人,他驚惶失措地說:「我……玩吓啫!(你驚唔驚父母擔心?)佢哋都知呀!」


想做女人
文哲在 instagram上載一張身材豐滿,髮型跟自己一模一樣的自畫像,更留言說:「我還是想做一個女人!」攣味甚濃!

搽唇膏畫眼線
喜愛日本搖滾樂隊的文哲,不單將頭髮染成橙色,還撲粉底搽紅唇畫眼線,驟眼看,十足女兒身。

Gap做售貨員據知文哲(左一)今年七月中,曾在海港城 Gap做售貨員,因此將頭髮剪短和染回黑色,但最後因難忍日日要到倉搬貨,做了三個月便劈炮唔撈。

兒子曾怨偏心

其實,陳敏兒曾在訪問中透露,多年來因為照料患病的細仔,因而忽略大仔文哲和二仔文信。兩個囝囝曾向母親投訴偏心,所以在文諾離世後,她更專注做全職媽媽教仔。她說:「細仔病嗰段時間,我全副精神都擺咗落佢身上。諗番轉頭,大仔二仔都係成長階段,都需要我去照顧,佢哋有怨我偏心,忽略佢哋。其實我同我媽咪一樣,都係一個操控狂,往往將自己認為最好嘅嘢俾小朋友,成日處於緊張狀態。試過幫大仔走後門入名校,又試過干預學校校政。有一日我發現佢(大仔文哲)嘅笑容愈嚟愈少,知道自己唔變唔得。」


賦閒在家
翻查資料,廖啓智和陳敏兒現時只有沙田樂怡小築一棟物業作為自住,單位 11年以 1,100萬買入。上周五( 8日),不用回浸大授課的他,賦閒在家,更在寓所門外赤腳洗車打發時間。

煙不離手
上周六( 9日),廖文哲和友人到機場睇日本搖滾樂隊「 One Ok Rock」演出。完場後,文哲和大班朋友到戶外狂扯煙,然後一大班人乘車到荔枝角一棟工業大廈逗留至深夜仍未見外出。據知,文哲和友人在此處租了一個單位作夾 band之用。

放任政策出事

由於愧疚對兒子過分嚴厲,廖啓智夫婦遂改變教導方式,採取開放政策,二人更在 08年成立「家長匯集」慈善機構,教導「怪獸家長」不要迫得兒子太緊,放手讓小朋友自己學習成長。可是,在過度放任態度教育下,大仔文哲性格反而變得更偏激乖戾。知情人透露:「其實智叔兩公婆好錫兩個仔。大仔冇心機讀書,鍾意玩音樂,智叔都捨得使幾萬蚊買套樂器俾佢。見大仔食煙飲酒蒲天光,佢哋最初都有勸佢,不過後嚟覺得唔可以迫得太緊。就算見個仔冇返屋企瞓,智叔同敏兒都係隻眼開隻眼閉。」
離開電視圈後,廖啓智即成影壇搶手貨,近數年接拍超過廿套電影, 09年更憑《証人》奪得金像獎最佳男主角,是其事業高峰期。廖啓智擔正主演的《警界線》,網友激讚劇情緊湊兼演員做得好,截至現時為止,已有過百萬網上點擊。廖月初便自掏腰包宴請劇中台前幕後食飯。

唔想做廢青
文哲中六畢業後,由於成績一般未能升上大學,但熱愛音樂的他打算報考美國音樂學院「 Musicians Institute College」,更直言自己唔想再做廢青,發憤做人。

智叔:佢都知自己壞

上周一( 4日)早上,當日不用授課的智叔,獨自從寓所坐火車到又一城,一支公買飛睇描述父子情的日本電影《誰調換我的父親》。當記者上前問他關於兒子問題時,以往平易近人的智叔,一反常態,像被觸動神經,罕有地扯火。

記者:記廖啓智:廖
記:智叔,我哋喺網上見到你大仔文哲,染髮化妝,打扮好女性化?你同敏兒本身知唔知?
廖:(啤了記者一眼)年青人反叛係咁?啦,佢嘅事我好清楚!
記:你同敏兒係咪用開放態度教仔?
廖:(嘆了一聲)呢個世界冇得迫,佢有自己獨立思想,每個人有唔同嘅路。
記:佢喺網上話自己壞,仲話自己係廢青?
廖:係囉,有咩所謂,佢自己都知自己壞。我對小朋友冇期望,只希望佢做一個人。佢喺我心目中係 OK嘅,係一般青年人應有反叛期內嘅正常表現,最重要佢有良心良知,識分好壞。
記:你哋屋企係教徒,會唔會叫佢改吓……
廖:(突然變得激動,兩頰和雙眼谷到紅,未及記者再問下去,已衝口回應)我覺得你個問題有挑釁性,我唔願意答。
說罷匆匆入戲院!至於陳敏兒,本刊連日致電給她,但至截稿前仍未有回覆。


父母最痛
原本一家五口幸福家庭,但幼子文諾(左一)病逝,如今大仔(中)亦到反叛年齡,家庭問題令廖啓智夫婦頭痛不已。《蘋果日報》圖片

幼子逝世後,廖啓智一家憑着宗教信仰,才能度過難關。《壹週刊》圖片

二仔黐老竇
周日( 10日)早上,廖啓智駕車載 14歲二仔文信到長沙灣返教會崇拜,但近期晚晚到 band房蒲天光的文哲,則未見同行。

性向不定忌欺壓

廖文哲在十二歲時經歷失去細佬諾諾之痛,如今變得愛扮女人及反叛。精神科醫生張力智表示,一個青少年有反叛行為,未必一定因兒時陰影而成,可能有很多其他因素,亦有可能發生出人意表的行為,以打扮令家人關注,有時反叛行為可為自己減壓。
性取向方面,年青人有時表現較模糊,性格、外在因素或基因也有影響,父母若接受不到而向年青人施壓,會令他更反叛。
長期生活及行為不健康,背後可能隱藏好多問題,溝通後亦解決唔到,家長可以向社工、臨牀心理學家或心理醫生尋求協助,找出問題所在,正視問題。

出櫃同志勸父母「睇開啲!」

周日( 10日),黃耀明、陳淑莊和陳志全等藝人參加遊行,為同志爭取平權,對於父母仍未能接受下一代改變性取向,出櫃同志梁奕倫和陳志全都勸父母切勿逼迫仔女,否則只會弄巧反拙。

梁奕倫:父母要開通!
「以我認知依家好多家長都好開通,接受能力好高。如果唔接受,我 personal睇,父母要睇開啲,因同性戀甚至中途轉基,都係天生嘅,唔係作奸犯科。如果仔女未肯定『方向』,父母亦唔適宜壓迫仔女,要由得佢順其自然咁揀,否則會令小朋友更反感。」

慢咇陳志全:搵專業人士幫手
「其實每人認知自己性取向需時都唔同,有人細個就知,有啲結咗婚先知。如果青少年有呢啲傾向,父母多了解傾談係好重要,但唔好迫佢。但如果自稱係 Gay同女性打扮,都有好多可能,可以係一時貪玩,亦可能係癖好,當然亦都可能真係同性戀,如果父母唔識得引導佢,就要搵專業人士幫手!」

二代攣情

身為藝人及名人二代,由細細個開始被追訪,生活在壓力之下,不少二代也有同性戀或雙性戀傾向,有些父母採取高壓手段「拗直」仔女,亦有採自由政策,各有好與壞。

狄媽——開放式
「奇女子」狄娜一生已夠傳奇,其獨女馬天如,忽然在 26歲做變性手術,變了男人 Michael,並與女友 May May在錦繡花園同居,狄娜沒有反對。她去世時,已變性的兒子與女友還以兒媳身份搞喪事。

趙世曾——反應激烈
愛以男性打扮示人的趙式芝,早在 05年已與波爾錶太子女楊如芯拍拖,但二人戀情遭風流老竇趙世曾反對。二人去年在法國註冊結婚,趙世曾仍堅持女兒並非同志,又話要出 5億招婿。

王菲——順其自然
受父母婚姻影響,王菲女兒竇靖童在青春期曾有一段時間打扮男性化,據知王菲並不擔心女兒性向。現在 16歲的童童,近年學人留長髮化靚妝搽指甲油,忽然又變番「好女人」。不過近日「菲鵬」離婚,她又剪掉一頭長髮回復以前的 Tom Boy look。

四太——打壓
賭王四太女超盈 15歲時已在網誌透露與同性好友親密關係,並以「老公」稱呼對方,有指當時四太棒打鴛鴦,送超盈到英國讀書。去年超盈又與林建岳女兒林愛兒撻着,據知四太又出手,因此令超盈感到唔開心,今年 3月更發生鼻沾粉末迷幻街頭事件。

评论列表(1)

评论回复