《名媛望族》續集之《名媛鬥喊》

楊怡台慶前夕先搞慶祝會
[15:29] 2012/12/15

視后大熱之一楊怡,昨晚以京戲造型現身無綫劇《名媛望族闔府統請》,她得悉戲中拍檔劉松仁表示會投她視后一票,她說:「我係佢老婆喎!梗係要投我。我想約台前幕後食飯,慶祝我喺馬來西亞得獎。(等埋無綫獎一次過慶祝?)慶咗先,如果再攞再慶。(約埋羅仲謙一齊慶?)我冇時間,一大班人慶祝都得㗎!」

馬國明讚松哥係神級唔需要獎
[15:30] 2012/12/15

「民望視帝」大熱馬國明,出席劇集大結局宣傳,談到對《萬千星輝頒獎典禮》封帝信心?他說:「今次投票制,我都唔敢貼,可能好多潛藏fans未必出嚟撐,但會喺電腦前投票,所以冇話邊個熱門定冷門。(你怕fans唔夠多?)冇所謂,要輸得起,當Party咁去出席就最開心。(劉松仁睇好你?)松哥演技已經公認神級,唔需要獎項證明。」

沈卓盈否認頂替徐淑敏拍節目
[15:30] 2012/12/15

藝人馬賽在劇集《名媛望族》大結局直播現場,邊看邊喊,她說:「同演員感情深厚,睇番好感動,近排睇劇都成日喊,諗番好多拍劇啲嘢,我哋私下感情好,見到有劇中人過身都好唔捨得。」同場江美儀帶同小狗齊看結局,睇到眼濕濕。

此外,沈卓盈否認取代徐淑敏去南京拍旅遊節目,她說:「我呢兩星期去寧波拍特輯,不嬲都係我,唔係頂替。(徐淑敏心情點?)唔知,冇聯絡,佢兩個(徐與老公黃浩)嘅事,唔畀意見。我冇聽過徐淑敏被停Job。」

【圖輯】 《名媛》續集之《名媛鬥喊》
2012-12-15 16:16:05

悶劇《名媛望族》噚晚終於大結局,終於悶完,皆大歡喜。噚日一連兩集「眾男7跪」成美談,咁女角又點樣搶鏡呢?喊囉﹗

講真,大結局有幾感人,真係唔多feel到。只係反反覆覆來來去去聽到「我對你係真心」、「我只係愛你一個」、「多情自古空餘恨」……聽到毛管戙,但噚晚一眾喺新都城睇直播大結局嘅女星,個個感動落淚,馬賽更化身大喊包由頭喊到尾,搞到王浩信同沈震軒都唔執輸,拿拿聲咇眼淚。奇在佢哋個個都好似預咗自己會喊咁,一個二個拎定紙巾,江美儀仲帶埋隻狗一齊喊。貪狗狗多毛毛吸水乎?


沈震軒、沈卓盈、李思欣、王浩信、朱晨麗一齊喊咁感人?邊個逼真啲呢?

韓馬利帶頭﹕大婆即係大婆,套劇開始冇耐,佢就開始喊。

馬賽由頭喊到尾。

梁舜燕同劉桂芳一早拎定紙巾standby。

馬賽又喊,連三太太江美儀隻狗都感好奇。

韓馬利喺劇中會死,喊係好正常。

重播緊江美儀黑絲一幕……大家又喊?

江美儀見韓馬利一喊,個個即爭住影相,於是堅強嘅佢,都喊埋一份。

沈大師唔好喊啦,你噚晚得一場戲之嘛…

朱晨麗…佢喺度搣緊面毛、定抹眼淚?

嘩,沈大師喊到阿媽都唔認得呀﹗

講慘,李思欣個角色咪仲慘,佢都冇喊。

王浩信今集冇俾人摑,所以要等到後段先喊得出。

原來王浩信係抹面油而已。

你睇,黃智賢都拎定紙巾做道具啦。

楊怡請食飯 預祝攞視后
2012-12-15 16:23:57

劇集《名媛望族》噚晚於新都城舉行直播大結局,楊怡以劇中京劇造型示人。佢話會請食飯慶祝,又話早前同羅仲謙喺大馬得獎仍未慶祝。

問楊怡係咪贏咗視后先慶祝?佢話:「輸贏都會食,會成班人慶祝。」對於視帝,劉松仁再次強調沒有信心,佢話:「我睇好馬國明同,我覺得fans投票都有代表性。」事後楊怡笑言自己是松哥老婆,故對方會投票給她。當問到馬國明會否擔心fans少會輸蝕?他說:「輸咪輸,出年再接再厲,我尊重評分方法。」


一眾《名媛望族》演員噚晚齊集睇大結局,獨缺二太太陳玉蓮。

楊怡以劇中賽老闆造型亮相,搶盡鋒頭。

王浩信,你係咪俾個劇悶到抽緊筋?

楊怡好受歡迎,視后更加十拿九穩。

江美儀帶埋狗狗來睇大結局。點解唔帶男友呢?

日期: 14/12/2012
活動: 《名媛望族闔府統請》現場直播
出席: 劉松仁 、 楊怡 、 韓馬利 、 馬國明 、
朱晨麗 、 江美儀 、 黃智賢 、 周志文 、
馬賽 、 王浩信 、 李思欣 、 沈震軒 、
沈卓盈 、 黃長興 、 石天欣 、 梁証嘉 、
梁舜燕 、 陳榮峻 、 劉桂芳 、 莊偉建 、
朱凱婷 、 陳倩揚 。
時間: 20:30 – 23:00
地點: 將軍澳新都城中心二期商場L1天幕廣場

友荐云推荐

歡迎關注微信

微信
官方微信號:hkchannel

微博評論

返回頂部