TVB藝人作反 林峯法拉陳豪撐發牌

【電視風雲之手指拗出】新電視台牌照風波近日浪接浪,正當無綫和亞視頻頻出招力阻政府發牌給王維基的香港電視(前身城電)之際,現正為無綫拍劇的歐陽震華和關詠荷,甚至身為無綫親生仔女的林峯、陳豪、鍾嘉欣和陳法拉,竟齊齊手指拗出唔拗入,支持增發新電視台牌照。被視為今年視帝大熱的林峯更不諱言:「每一個行業競爭越大,只會推進令到大家良性競爭,亦都令觀眾有更多選擇。」實行幫理不幫親。


■無綫力捧的親生仔林峯前晚表示支持發免費電視牌,認為有競爭才有進步。

無綫陣營:
本報日前披露政府早在今年2月已原則上決定發出新免費電視牌照,但根據行會密議資料,若政府一旦增發牌照,亞視必定成為首間執笠電視台,因而惹來議員質疑特首梁振英一再拖延發牌,其實是保住赤紅亞視的政治決定。

這邊廂政府對發牌一拖再拖,那邊廂的無綫和亞視也為免多個香爐多隻鬼而頻頻出招阻發牌,除亞視大搞騎呢騷外,無綫上月也趁台慶連環發功,在報章刊登全版廣告及在台慶夜當晚盡數無綫45年來貢獻,捍衞無綫自家利益,擺明車馬向王維基宣戰。上周五王維基的香港電視舉行晒冷活動,邀188藝人出席,今日和明日無綫也來個鬥晒冷,由行政主席梁乃鵬分率全台2,000名和約1,800名幕前幕後出席「TVB職藝員聯歡晚宴2012」,而今次也是無綫開台45年來,首次2,000名員工總動員出動,擺明大晒冷將王維基的188名藝人比下去。

 

林峯:係要淘汰嘅

不過,正當無綫頻頻出招阻發牌之際,眾無綫藝人卻支持政府增發新電視台牌照,連無綫親生仔女林峯、陳法拉、陳豪和鍾嘉欣也幫理不幫親支持發牌。林峯和法拉前晚到將軍澳電視廣播城出席TVB8頒獎禮,問林峯對增發新電視牌照睇法時,他說:「我哋好多人都覺得發牌係好事,因為每一個行業競爭越大,你只會推進令到大家良性競爭,亦都令觀眾有更多選擇。」是否支持發牌?林峯:「我支持?。我純粹由觀眾角度,同埋由員工角度睇,多咗選擇機會,會更加發奮做嘢,因為你要keep到自己嘅質素。前一排好多公司員工無論台前幕後都過咗去王生(王維基)嗰邊,最緊要大家keep住有工開,呢個最重要。」有指一旦發新牌亞視便會執笠,林峯說:「無論邊個行業都係要淘汰嘅,大家如果要繼續進步先可以留喺度。」


■陳法拉不諱言想睇王維基的電視劇。


■陳豪昨日雖然獲無綫官方刊物封廣告天王,但也一樣幫理不幫親支持發免費電視牌照。

法拉想睇王維基劇

法拉則說:「我支持?(發牌),我都係公司(指無綫)股東之一,有買公司股票,我都好關注呢個行業同埋自己切身嘅利益同發展。其他公司新競爭對手或舊嘅競爭對手如何發展,對我哋嚟講都係好貼身嘅利益嚟。我覺得對演員嚟講係一個發展機會嘅利益,點樣刺激到有好嘅劇本,好嘅創作,大家個鬥心點樣更加好,有競爭大家都會有鬥心,絕對係好事,良性競爭。」法拉指無綫劇一向強,但知道王維基也拍了很多劇,她直言:「都想睇?,都想睇吓搞乜嘢。」

無綫另外兩個親生仔女陳豪和鍾嘉欣,昨日出席在尖沙嘴舉行的雜誌頒獎禮時也齊聲支持發牌。陳豪說:「我希望整個電視行業可以再上一級,當然多幾個牌競爭多咗,大家可能會講為自己個台有啲擔心,但我唔係咁睇,我係睇整體環境,多咗幾個台多啲競爭,呢啲就係良性競爭。發牌係base on一啲規則,規則係政府set出嚟,以前同?家都一樣,只要大家跟正呢啲規則,出多幾個牌唔係問題。」鍾嘉欣則說:「我覺得有競爭先令件事更進步,我覺得係好事。」


■支持發新牌的鍾嘉欣昨日不慎露打底褲,身旁的樂易玲想阻止也阻止不來。


■鄭子誠認為發牌令同行有更多出路。

關詠荷盼亞視振作

除幾位無綫力捧小生花旦外,歐陽震華(波比)和關詠荷等眾無綫藝員昨在電視城出席無綫劇《情逆三世緣》拜神儀式時,也力撐發新牌。關詠荷是亞視出身,有指一旦發牌亞視便有機會倒閉,關詠荷說:「負面睇當然有機會,但正面睇亞視應該更積極,我喺亞視個年代算係最蓬勃,希望佢哋企得番起身。」波比認為香港起碼要有三個免費電視台,但不認為亞視會倒閉,還笑說:「要執一早執啦,好多生意唔一定講錢,講一點心,多個選擇。」鄭子誠對發牌同表贊成,認為台前幕後會有更多出路。黃智賢也力撐即使多一間電視台出現,無綫仍絕對是龍頭大哥,但面對淘汰情況每個行業都存在。

採訪:黃曉妍、何慧斯、卓寶花
攝影:黃偉雄、陳順禎、林德雄


■亞視出身的關詠荷希望亞視企得番起身,歐陽震華則認為香港起碼要有三間電視台。


■黃智賢認為就算多一間電視台出現,無綫仍會是龍頭大哥。

评论回复