手震看心理醫生 吳綺莉接女兒回家 親述破冰:我做錯好多事

家家有本難唸的經!做母親難,做單親媽媽更難!更何況個老竇係成龍!3月 11日,吳綺莉涉虐兒後,女兒卓林便由社署安排,暫住契媽寓所,與母親分開接近一個月。

本周一( 4月 6日)晚,兩母女原來已破冰,吳綺莉更秘密接女兒返家。今次分開,吳綺莉經常手震,更需要睇心理醫生,學習跟女兒相處。她說︰「我都做錯好多嘢。」而小龍女亦承認︰「有同媽咪講對唔住。」

親述破冰 手震睇心理醫生 吳綺莉:我做錯好多嘢
心急復課
周三( 8日),吳卓林停學一個月後,首日復課。心急返學的她一馬當先步出大埔吳家,母親吳綺莉緊隨其後。

周三( 8日)早上七點,秘密接回女兒卓林返家住的吳綺莉,如常駕車送女返學。卓林對鏡頭顯得避忌,被問及心情如何時,她說:「冇事!未瞓醒呀。(有冇同媽咪講對唔住?)有。(依家同媽咪相處點?)要返學呀, sorry!」說畢便匆匆上車。

之後兩人到達學校,卓林急急腳入學校。問到復課心情,她說:「冇事。(同媽咪關係點?)關係 ok,冇事。(同媽咪傾咗乜?)傾平時傾嘅嘢囉,好似學校嘅嘢。(分開咁耐……)真係要返學喇。」保安員見狀上前驅趕記者,不過,卓林都有回頭與記者拜拜,甚有禮貌。

吳綺莉與卓林分開接近一個月,上周三( 1日)在社署安排下在學校破冰見面,卓林更在本周一( 6日)晚上十一時,在吳綺莉陪同下搬回大埔寓所。兩母女終於冰釋前嫌。

本周三,吳綺莉送完卓林返學,折返寓所打掃,之後她外出吃早餐,接受訪問。對於與女兒分開,吳綺莉說:「未試過分開咁耐,依家大家都要慢慢適應。發生咗呢件事後,我成日都手震,見過幾個心理醫生,同醫生傾吓紓緩壓力。以前有好多事自己都唔發覺,嚟緊我會上堂(心理輔導)。阿女都會同我一齊上,一起學習,對彼此溝通都有幫助。」

親述破冰 手震睇心理醫生 吳綺莉:我做錯好多嘢
吳綺莉受訪時,表示為了女兒,願意減少煙酒,而且日後會多些同女兒溝通。
親述破冰 手震睇心理醫生 吳綺莉:我做錯好多嘢
送女返學
吳綺莉送卓林返學。開車前,兩母女有講有笑,關係似乎紓緩了很多。
親述破冰 手震睇心理醫生 吳綺莉:我做錯好多嘢
笑住拜拜
返到學校門口時,卓林笑住回頭,同吳綺莉拜拜。
親述破冰 手震睇心理醫生 吳綺莉:我做錯好多嘢
為女執屋
送完女兒回校之後,吳綺莉返家執屋,並丟掉兩大袋垃圾。
手震看心理醫生 吳綺莉接女兒回家 親述破冰:我做錯好多事
頻撲開工
執完屋,食完早餐,吳綺莉又要到大圍,為自己主持的有線寵物節目拍外景。

冇嬲過卓林

手震看心理醫生 吳綺莉接女兒回家 親述破冰:我做錯好多事
多年以來,卓林與吳綺莉相依為命,兩人感情要好。而卓林為了母親健康着想,才報警求助。

吳綺莉自問照顧卓林無微不至,每日管接管送,但她坦言現在以女兒感受行先:「以前覺得自己係 70分嘅母親,不過,原來唔足夠。(係咪冇完整家庭俾個女?)呢個係其一,好多嘢係點點滴滴,我唔係一個 positive(正面思考)嘅人,影響到個女。佢好 copycat,我話乜佢就會做乜。依家會多點從佢嘅角度出發,大家有商有量。」

事件發生後,卓林寫了道歉信,由社工轉交吳綺莉。卓林回家後,再次向媽咪道歉,但吳綺莉說:「我冇嬲佢,反而覺得佢提醒我要去面對。好在個女篤爆我,否則我驚將來我篤爆自己,仲大件事。其實,我都做錯好多嘢。」吳綺莉說要為卓林改性急脾氣,不時提醒自己放鬆︰「依家反而個女未慣,佢會 confuse(迷惑)點解我會變咗,因為依家我會同佢商量多啲。」

心痛愛女冷漠

雖然與愛女破冰,但回想 4月 1日首次在學校見番個女,她仍很激動:「我係個好心急嘅人,當日我坐喺課室,佢喺走廊行咗 30分鐘都唔入嚟。可能佢仲係小朋友,唔知點面對。入咗嚟佢又用個背脊對住我,講嘢又望住個社工,我都忟憎。不過,我同自己講,我係媽咪,事情已經發生咗,一定要解決、處理。」

其實當日兩母女見面,尚有社工及老師在場。吳綺莉向社工提出想女兒回家,社工當日見到兩母女情況 ok,亦幫口勸卓林,不過當時卓林支吾以對,未有應承。

之後吳綺莉再行多步,本周一( 6日)帶了一位朋友到契媽寓所,透過朋友將自己的心意轉達給卓林。吳說:「朋友同阿女講完,我同佢都單獨傾咗半個鐘。我講嘅嘢好簡單,我哋一家人有乜過唔到。我同阿女講,你咁樣做(指報警)都係想媽咪好,擔心媽咪身體。既然事情發生咗,我哋一齊面對,你唔可以唔返屋企唔返學。聽完佢好明白,所以即晚就搬返嚟。」

手震看心理醫生 吳綺莉接女兒回家 親述破冰:我做錯好多事
周一( 6日)晚上,吳綺莉在跑馬地買外賣上女兒契媽屋企,一齊食晚飯。
手震看心理醫生 吳綺莉接女兒回家 親述破冰:我做錯好多事
收拾細軟
晚上十時許,吳綺莉為卓林收拾細軟,然後送卓林回大埔屋企。臨行時,契媽及友人向吳綺莉話別,卓林就掛住攬實愛貓。
手震看心理醫生 吳綺莉接女兒回家 親述破冰:我做錯好多事
急步入屋
十一時左右,吳綺莉與卓林返回大埔。久未回家的卓林(圖左),急不及待返入家門。

唔介意驗尿

吳綺莉指自己是一個非常硬淨的人,事情發生至今一直冇喊過,「冇時間喊,不過有手震。(會否戒煙戒酒?)依家都仲有食煙,順其自然囉。煙酒都會減少,係想身體健康啲。以前好多嘢都啃咗,唔識『消化』,就搵咗啲嘢逃避,依家要學點樣『消化』。」

至於被指在寓所搜出小量懷疑毒品,吳綺莉則說:「已交俾律師處理,依家最緊要係阿女,佢係首位。(如警方要求驗尿?)唔介意。」

無寃不成夫婦,無仇不成母女,不過,一家人就算有寃有仇,若能共同面對解決,一定有出路。

周三( 8日)下午,吳綺莉為數碼頻道開咪,她請來同屆參選亞姐的施綺蓮及楊玉梅做嘉賓。

母女密會
上周三( 1日),卓林由契媽送往學校,與吳綺莉見面。當日亦是母女二人自報案後首次見面。

雞啄唔斷
上周三離開學校時,卓林仍未能返家,要返回契媽家暫住。兩母女臨分別前,在停車場雞啄唔斷。

近日成龍推出新書《成龍:還沒長大就老了》,書中大爆他和鄧麗君分手內幕,被鄧麗君家人鬧爆。事隔多年,成龍「搞出事」的性格始終不變。

有藝術天份

卓林一直以來熱愛繪畫,早前吳綺莉開畫展,卓林亦有展出畫作,而且她更為畫廊外面的牆壁塗鴉。難怪身為墨爾本皇家理工大學純藝術碩士的葉蘊儀,亦大讚卓林:「覺得畫功好仔細,有啲日本畫感覺。」而名媛兼文學藝術博士邱李茂琪亦表示卓林有潛質:「好有創意,畫功仲有好大進步空間,假以時日必定有更好成績。」


卓林在自拍的短片,飾演一名幪面殺手,當中有不少動作場面,甚有生父成龍風格。

卓林很多時以「狼」作為畫作的主題,畫風甚有動漫感覺。

评论已关闭