飯局爆出走真相 小龍女想見老爸成龍

上月中,吳綺莉涉嫌虐待女兒卓林(小龍女)被捕,事後小龍女由醫院轉到契媽 Yvonne家暫住,母女倆分隔接近一個月,至四月初,自言所做一切只為母親能獲真正快樂的小龍女,終於願意回家。

小龍女跟母親關係由日漸有距離到最近「爆煲」,甚至反叛割手發洩離家出走,原來跟她一直要求見老豆成龍被反對有關。

飯局爆出走真相 小龍女想見老豆
提到想見老豆,小龍女即尷尬不願多講。

講條件見老豆

跟母親吳綺莉破冰後,小龍女亦恢復正常社交生活。上週,兩母女一齊出席友人生日飯局,席上小龍女跟其中一個 auntie的對話,揭開十五歲卓林多年心願。

「卓林話同媽咪搞成咁,係因為一直好想同爹哋見面,就算只係見一次,佢已經心滿意足,但 Elaine一直反對,卓林話如果媽咪答應,自己之後一定會乖乖專心讀書。其實佢一直好俾心機讀書,成績亦唔錯, Elaine早幾年已經話想搵多啲錢,將來供個女去哈佛(大學)讀,但自從搬返香港,成日接觸到老豆啲新聞,卓林就更加恨見,但 Elaine就好抗拒,兩母女成日為呢件事嘈交,卓林亦開始反叛,冇心機讀書。」吳綺莉身邊朋友說。

飯局爆出走真相 小龍女想見老爸成龍
在契媽(左三)家開 P,小龍女終肯將心事坦白告訴長輩朋友。

21/4
對女兒恨見老豆,吳綺莉避答外,更指現階段最重要搵銀養家。

飯局爆出走真相 小龍女想見老爸成龍
成龍日前出席新書發布會,首度開腔回應小龍女事件,並表示因自己知名度影響女兒成長而內疚。

唔開心割手自殘

今年十一月才滿十六歲的小龍女,過去從未公開提及生父成龍,爆出虐女事件後,成龍主動表態「關心」,又在公開場合承認自己知名度影響女兒成長,並不排除二人日後有可能見面,只是這份關心,實在來得太遲。

「卓林個心知道媽咪錫佢,但長期冇老豆喺身邊,始終係唔完整。 Elaine亦有自己問題,回流返嚟事業唔係咁理想。又俾人話佢唔專業,所以佢壓力好大,心情差就靠飲酒麻醉自己,飲多咗情緒又失控,見到媽咪唔開心但自己又幫唔到,卓林自然會更加想起爹哋,不過佢哋根本冇機會見面傾偈,唔開心但佢咁細又諗唔到解決方法,卓林試過手。學校決定報警,都因為發現佢手腕有幾道傷痕,知道佢曾經想自殺。」知情者說。

飯局爆出走真相 小龍女想見老爸成龍
三月底,未肯跟母親接觸前,在契媽屋企留居的小龍女,相約朋友到沙灘散心。

出走後,小龍女曾透露一直將心事跟愛貓分享,未敢告訴母親。

被虐事件後,小龍女將跟朋友仔合作的短片放上互聯網,戴面罩的她在遊樂場表現靈活身手,果然有成龍遺傳因子。

14年,吳綺莉帶小龍女回港開畫展,當日她仍堅稱女兒冇想過見老豆,思想比她成熟。

不能說真心話

週二(二十一日)早上七時,吳綺莉如常送小龍女返學,記者問卓林是否很想與爸爸見面,靠在母親身旁的她有點尷尬,一味耍手:「我唔講得?!」十五歲女,仍有童真。
戴住口罩的吳綺莉立即擋駕,搶住回應:「我淨係想返工,你睇到我有好多人要養。」開車送女兒到大埔火車站後,吳綺莉便向九龍方向駛去。
九九年誕下小龍女後,吳綺莉移居上海,生活上一直有做生意的吳母支持,及至數年前傳出吳母精神出了問題,吳綺莉便將上海自住物業套現,並以五百多萬購入大埔汀角路一幢三層樓村屋,帶小龍女回流香港。
返港後,吳綺莉在大台拍劇、做主持,但反應一般,亦幫過商台做客席 DJ,但工作量不穩,加上要獨力養女,最終壓力爆煲,要睇心理醫生上輔導班。

飯局爆出走真相 小龍女想見老爸成龍
成龍早前出書自爆,吳綺莉十多年前承認懷有龍種時,老婆林鳳嬌被激到嗌離婚。

10年,吳綺莉在上海搞畫展,吳母亦有到場支持,但有指吳母早幾年患精神出問題,曾揸刀指向她們,母女倆才決定返港定居。

在商台擔任娛樂節目主持,但突然被炒,她事後亦表示唔開心。

11年返香港初,不少圈中朋友都現身相助,吳君如跟曾華倩便接受她孭飛的訪問節目做嘉賓。

去年跟劉美娟及龐愛蘭主持電台節目,劉美娟事後指有人開咪時頻頻去廁所,吳綺莉最後被飛出局。

太過不快樂

小龍女的畫風一時血腥一時流淚,多以不開心為主題。記者致電資深臨床心理學家葉妙妍了解,她看過卓林的畫作後表示:「除了一幅自畫像比較平和之外,其他畫都反映比較多嘅負面情緒。」
葉醫生更從卓林幾幅畫作中,作出心理評估。


隻狼用紅色、張牙舞爪嘅感覺,牙好尖利,眼神好兇惡,加上用紅色,表達佢憤怒及不滿嘅情緒。


雖然都係一隻狼,但感覺啱啱相反,隻狼溫馴到似隻狗,個表情好唔開心同鬱悶,反映內心另一面,唔開心及鬱悶嘅情緒。


呢一幅應該係佢嘅自畫像,冇乜特別情緒,係最平和、情緒最穩定嘅時候畫。


呢張比較直接反映佢嘅諗法,好唔開心覺得自己受咗傷,亦冇諗過會咁 hurt,直接流露自己傷心嘅感覺,可能有啲事發生咗。


最恐怖、唔舒服、好不安係呢一幅相,同死亡比較似嘅主題,如果係反映當時嘅情緒,會係有啲比較極端嘅情緒反應,似死亡又帶血腥,令人不寒而慄。

评论已关闭