《星夢傳奇》第八集 羅鈞滿贏鄭俊弘 楊思琦首參賽即被淘汰

鄭俊弘首遇滑鐵盧 被羅鈞滿破不敗神話

《星夢傳奇》嘅「高分王」鄭俊弘(Fred)初嘗敗績,Fred參賽以來一直贏開巷,係每集「冧巴溫」,噚晚佢喺電視城錄影第八集時,終被打破不敗神話,跌落第二位,而打敗佢嘅,正正係死敵兼張文采男友羅鈞滿。

Fred以《信任》一曲參賽,不過表現稍失準,只係得173分,反而羅鈞滿越戰越勇,佢選唱《寂寞的男人》,被評判之一嘅巫啟賢讚唱出感情,佢話:「雖然你係唱歌,但我聽到你嘅寂寞。」最終以176分險勝Fred,成為呢集冠軍﹗

羅鈞滿開心咁話﹕「巫老師畀佢(Fred)分數好緊,嚴師出高徒。唔怕同Fred傷感情,大家良性競爭。」咁女友張文采係咪戥佢開心呢?羅鈞滿話:「我哋都好低調,但佢一直好支持我。」

至於早前同Fred成為師徒嘅巫Sir,噚晚以Fred嘅師傅身份擔任評判,賽前巫Sir表明要對付Fred,不過兩人合照時好生疏,巫Sir坦言怕有衝突,佢講笑話:「見到都唔想同佢講嘢。」Fred亦話同師傅少聯絡,佢仲爆話唔驚畀人話老師偏心,因為巫sir仲未過兩招俾佢。

《星夢傳奇》第八集 鄭俊弘被羅鈞滿破不敗神話
鄭俊弘不敗神話破滅,被羅鈞滿以3分之微險勝。


鄭俊弘噚晚表現稍為失準。


巫啟賢笑言要對付徒弟Fred。

楊思琦首度參賽 即被foul出局

《星夢傳奇》噚晚進行第八集錄影,楊思琦及李豪加入參賽,不過兩人歌藝麻麻,成為包尾大幡,思琦得157分,李豪就得154分,首次參賽即被foul出局。

而王君馨日前拍劇因整傷腳踭韌帶,噚晚要拄拐杖參賽,佢契媽亦現身支持,君馨賽前話好彩係唱慢歌,而巫啟賢教過佢運氣,希望用佢嘅投入打動觀眾,最終君馨獲168分,得到第四名。

至於被淘汰出局嘅思琦,就話唔怕被批評,佢表示都想巫Sir畀多啲意見佢,因為對佢登台有莫大幫助,佢話:「唔怕惡評,我成日都喊,係感情流露嘅一種。」

楊思琦首次參賽即被foul,不過佢話唔怕被批評。
楊思琦首次參賽即被foul,不過佢話唔怕被批評。


李豪(左)同陳明恩


楊思琦尾二出局


姚兵仍有得留低


林子博巧遇鍾嘉欣


王君馨腳傷要拄拐杖參賽,契媽到場支持。


小心呀君馨


李豪同思琦被foul出局

李亞男及金剛等人力撐姚兵
李亞男及金剛等人力撐姚兵

友荐云推荐

歡迎關注微信

微信
官方微信號:hkchannel

微博評論

返回頂部