《星夢傳奇》第九集 何傲芝葉暐參賽

張敬軒首任評判 激讚鄭俊弘有驚喜

經過三星期港姐競選以及《衝上雲霄II》大結局後,《星夢傳奇》又返嚟喇﹗鄭俊弘、羅鈞滿、王君馨、陳明恩同姚兵等,噚晚為節目錄影,踩場挑戰嘅有葉暐同何傲芝。因為四大唱片同無綫和解後可以重返無綫嘅張敬軒,噚晚就首次擔任《星夢傳奇》評判,佢興奮話:「今晚係第一次做嘉賓評判,之前《超級巨聲》都做過,但已經係4年前嘅事,再次可以喺一廠出現,真係好開心。」

軒仔大讚鄭俊弘表現令佢好有驚喜,唔怪得佢話連張媽媽都係鄭俊弘fans。

而高分王鄭俊弘噚晚就以《歲月如歌》參賽,佢話想有機會繼續留參賽:「最緊要唱得好就有得留低就ok,休息咗三個星期,我都算有幾好準備。」


張敬軒對鄭俊弘讚不絕口。

陳明恩
陳明恩
羅鈞滿
羅鈞滿
王君馨
王君馨仍然要拄拐杖參賽。

參賽者同評判及司儀大合照。

軒仔(左)重返無綫後,工作不斷。
葉暐(左)同鄭俊弘
新加入嘅葉暐(左)同鄭俊弘裝扮甚似。

何傲芝步胞妹後塵參賽 同何傲兒咀嘴互勉

何傲芝何傲兒
何傲芝參加《星夢傳奇》,妹妹傲兒錫錫家姐以示鼓勵。

何傲芝何傲兒
何傲芝(右)話都係幾星期前,先獲通知要參賽。

噚晚踩場嘅除咗葉暐外,仲有何傲兒胞姊何傲芝都參加《星夢傳奇》,傲兒之前參賽時,曾唱偶像葉蒨文歌曲,不過最後被Out出局,無緣晉級。

噚晚輪到傲芝參賽,身為妹妹嘅傲兒然到場鼓勵,兩姊妹仲咀嘴互勉,傲芝自爆當日係陪細妹面試,結果係細妹先入圍,自己都係喺幾星期前,獲公司通知要出賽,時間咁迫咪冇時間練歌?何傲芝話:「平時都係唱K多,冇乜特別練習,不過知道要比賽後就學足7日。」

昨晚賽果,鄭俊弘以0.1分輸給唱《劃出彩虹》的鬼妹陳明恩,羅鈞滿得到164分排第三。帶傷上陣的王君馨和何傲芝被叮走。

评论回复